Josué 6:18 - Mbeti ti Nzapa - Tënë so amu fini

¹⁸ Me ti ala, ala sara hange! Aye so a zia ni titene a buba ni, ala mu ni pepe. Tongana ala mu mbeni ye, fade ala yeke sara si kpale ati na ndö ti bâbâ ti azo ti Israel si ayeke buba bâbâ ni kue.

Josué 6:18 ပူးပေါင်းရင်းမြစ်များ

2 Samuel 21:1

Na ngoi ti lengo-gbia ti David, kota nzara ati na ya ti kodro, asara ngu ota. David ahunda *KOTA GBIA si KOTA GBIA akiri tënë na lo, atene: “Ye ni asi ndali ti so Saul na asewa ti lo afâ azo ti gbata ti Gabaon.”

Zo ti bongbingo azo 9:18

Ndara ayeke nzoni ahon aye ti bira; me zo ti siokpari oko alingbi ti buba anzoni ye mingi.

Jonas 1:12

Jonas akiri tënë na ala, atene: “Ala mu mbi, abi mbi na ya ti ngu si fade amapo ti le ti kota ngu-ingo ni akai. Mbi hinga, mbi tene, ndali ti mbi laa kota pupu so ayeke yingi ala so.”

Rome 12:9

Ala ye azo na be use pepe. Ala ke ye ti sioni na be ti ala oko, me ala mu tere ti ala kue na ye so ayeke nzoni.

2 Korente 6:17

Ndani laa *Kota Gbia Nzapa atene: “Ala sigigi na popo ti azo ni, ala duti yongoro! Ala ndu mbeni ye ti *sioni oko pepe, tongaso, fade mbi yeke yamba ala.”

Efeze 5:11

Aye so azo ayeke sara na ya ti vukongo ndo ayeke sara nzoni na zo oko pepe. Ala azo ti Nzapa, ala yoro tere ti ala na ya ni pepe, me ala sigigi na nda ti aye ni.

Ndia ti fani use ni 13:17

ala yeke bongbi amosoro ni kue na ndo so azo ayeke bongbi daa na be ti gbata ni, ala yeke gbi amosoro ni nga na gbata ni na wâ. Fade ayeke ga tongana *sandaga so a yeke gbi kue na wâ ndali ti KOTA GBIA Nzapa ti ala. Gbata ni so ayeke ngba ndo ti gba ti atêne kpu na kpu; a yeke kiri ti leke ni laoko pepe.

Ndia ti fani use ni 23:10

Moïse atene: Tongana ala gue ande ti tiri bira na awato ti ala, tongana ala sara bâbâ ti ala, fade ala yeke kpe ye so kue ayeke sara titene ala ga *sioni.

Ndia ti fani use ni 7:26

Alingbi mara ti ayanda tongaso ali na ya ti da ti ala pepe. Tongaso pepe, fade a yeke buba ala kue legeoko na ayanda ni. Biani, alingbi ala buba ayanda ni so kue, ala baa ala tongana ye so ayeke sioni mingi nga na ye so zo alingbi ti baa na le ti lo fani use pepe.

Jacques 1:27

Mbirimbiri vorongo Nzapa so sioni ye oko ayeke daa pepe, ayeke mungo maboko na anyindu nga na awali-mua so ayeke baa pasi; mbirimbiri vorongo Nzapa ayeke nga ti ke sarango aye ti potopoto ti dunia so.

Josué 7:1

Azo ti Israel asara mbeni ye so ayeke sioni mingi ndali ti aye so *KOTA GBIA ake na ala ti mu ni. Mbeni zo ti mara ti Juda so iri ti lo Akan amu ambeni ye so KOTA GBIA ake na ala titene ala mu ni; nilaa ngonzo ti KOTA GBIA alondo tongana wâ na tere ti azo ti Israel. Akan ayeke molenge ti Karmi; Karmi ayeke molenge ti Zabdi si Zabdi ayeke molenge ti Zera.

Josué 7:13

Londo, mo leke azo ni titene ala zia tere ti ala nde ndali ti Nzapa. Fade mo tene na ala: ‘Ala zia tere ti ala nde ndali ti Nzapa ti ku na lango ti kekereke. Biani, tënë so KOTA GBIA, Nzapa ti Israel atene ayeke so: Aye so mbi ke na ala ti mu so ayeke na popo ti ala. Ala lingbi ti gbu le ni na awato ti ala pepe, ngbii ala zi aye ni na popo ti ala si.

Josué 7:15

Tongaso, fade mbi yeke fa zo so amu aye so mbi ke na ala ti mu ni so. Fade a yeke bi lo na aye ti lo kue na ya ti wâ, ngbanga ti so lo buba lege ti mbuki ti KOTA GBIA, lo sara ye ti sioni mingi na Israel.’ ”

Josué 7:25

Josué atene na Akan: “Mo sara si kpale ati na ndö ti e ngbanga ti nyen? Ayeke nzoni KOTA GBIA asara si kpale ni ati na ndö ti mo laso.” Tongaso azo ti Israel kue abo Akan na têne si afâ lo. Ala bo nga asewa ti lo na têne si ala gbi ala na wâ.

1 Jean 5:21

Amolenge ti mbi, ala sara hange! Ala mu peko ti ayanda pepe!

1 Samuel 15:9

Saul na azo ti lo abata Agag na fini. Ala bata nga anzoni taba na angasa, anzoni bagara so angba ngangu nga na akete taba. Anyama so kue ayeke anzoni, Saul na aturugu afâ ala pepe. Me gi angengo nyama, ala so ayeke nzoni pepe si ala fâ ala kue.