Josué 6:17 - Mbeti ti Nzapa - Tënë so amu fini

¹⁷ Gbata ni na aye so kue ayeke na ya ni, fade a yeke zia ni titene a buba ni, ngbanga ti so gbata ni ayeke ti KOTA GBIA. Gi Rahab, wali-ndumba so, lo na azo so kue ayeke na lo na ya ti da ti lo laa ayeke ngba na fini, ngbanga ti so lo honde azo ti *bembengo ndo so lani e tokua ala so.

Josué 6:17 ပူးပေါင်းရင်းမြစ်များ

Tongo nda ti aye 12:3

Fade mbi yeke sara tufa na ndö ti azo so ayeke sara tufa na ndö ti mo. Mbi yeke deba zo so ayeke deba mo. Na lege ti mo, a yeke sara tufa na ndö ti azo ti asewa ti dunia kue.”

Esdras 10:8

Amakonzi na *akangba amu yanga atene, zo so aga pepe na ya ti lango ota, fade a yeke gbanzi akungba ti zo ni kue; na pekoni, a yeke tumba lo na ya ti bongbi ti azo so a gbu ala si a gue na ala na kodro wande.

Ésaïe 34:6

Mene amu tere ti yongoro zeme ti KOTA GBIA kue, mafuta amu tere ni kue, mo baa mo tene, mene ti akete taba na ti akoli-ngasa, mo baa mo tene, mafuta ti ya ti akoli-taba. Na Bosra, li-kodro ni, a mu *sandaga na KOTA GBIA. Na kodro ti Edom, a fâ azo kue.

Jérémie 46:10

Me ti Kota Gbia NZAPA so ayeke na ndö ti dunia kue, lango ni so ayeke lango ti kiringo peko ti sioni na azo; lango so lo yeke kiri peko ti sioni na awato ti lo. Yongoro zeme aga tongana mbeni sioni nyama; lo yeke fâ azo ngbii nzara ni ahunzi, lo yeke nyon mene ti ala ngbii asara lo tongana samba. Na kodro ti Banga, na tere ti bale ti Efrate, so *sandaga na Kota Gbia NZAPA so ayeke na ndö ti dunia kue!

Ezekiel 39:17

“Ti mo molenge ti zo”, tënë so Kota Gbia NZAPA atene ayeke so: Tene na andeke na aye so kue ayeke huru na le ti nduzu, na anyama ti ngonda, mo tene: Ala londo na ando nde nde, ala bongbi tere ti ala, ala ga na *sandaga so mbi yeke mu ndali ti ala. Sandaga ni ayeke kota sandaga so mbi yeke mu ni na ndö ti ahoto ti Israel. Fade ala yeke te kasa si ala yeke nyon mene.

Awayango-sandaga 27:21

Na ngu ti kiringo na nengo ti azo ti Israel, fade a yeke zia yaka ni nde ndali ti KOTA GBIA si ayeke ga ti awayango-sandaga; ayeke ga tongana yaka so a zia nde ndali ti KOTA GBIA biani biani.

Mishe 4:13

“Ala azo ti Jérusalem, ala londo, ala gue, apika ale ti kobe ni! Fade mbi yeke sara titene ala ga ngangu tongana bagara so adidi ti lo ayeke na wen si asokoto ti gere ti lo ayeke na bengba wen. Fade ala yeke nika amara gbani gbani; aye so ala gbu na peko ti bira, ala zia ni nde ndali ti mbi, KOTA GBIA; amosoro ti azo ni, ala zia ni nde ndali ti mbi, Kota Gbia ti sese kue.”

Matthieu 25:40

Fade Gbia ni ayeke kiri tënë na ala: ‘Mbi tene na ala taa-tënë: ye so kue ala sara na asenge zo so ayeke a-ita ti mbi, andaa na mbi laa ala sara ni.’

1 Korente 16:22

Tongana mbeni zo aye *Kota Gbia pepe, ayeke nzoni a deba lo! Maranata! – Kota Gbia, mo ga! –

1 Korente 2:7

Mbi yeke fa tënë ti ndara ti Nzapa so zo ahinga ni pepe, so lo honde ni na azo. Nzapa aleke tënë ti ndara ni kozo si dunia abaa gigi, ti sara si e wara gonda daa.

Galasii 3:10

Me azo so azia be ti ala gi na ndö ti sarango aye alingbi na Ndia, deba ti Nzapa ayeke na li ti ala. Biani, Mbeti ti Nzapa atene: “Deba aga na li ti zo so asara ye pepe alingbi na atënë kue ti ya ti mbeti ti Ndia!”

Galasii 3:12

Andaa Ndia ayeke luti na ndö ti mabe pepe. Me Mbeti ti Nzapa atene: “Zo so asara ye alingbi na atënë ti Ndia, fade lo yeke na fini ndali ni.”

Ndia ti fani use ni 20:17

Ala yeke fâ azo ti mara ti Het, ti Amori, ti Kanaan, ti Perizi, ti Hivi na ti Yebus kue ti hunzi ala, alingbi na yanga so KOTA GBIA Nzapa ti ala amu na ala.

Ahebro 11:31

Na lege ti mabe, Rahab, wali-ndumba, ayamba na ndo ti lo na nzoni be azo ti *bembengo ndo, nilaa na ngoi so azo ti Israel aga ti fâ azo so ake Nzapa, lo kui pepe.

Ahebro 6:10

Biani, Nzapa ayeke kirikiri pepe. Yengo so ala ye ando lo na ni nga na sarango nzoni so ala yeke sara na a-ita ti ala, azo ti Nzapa si ala ngba daa laso so, fade Nzapa ayeke girisa ni pepe.

Jacques 2:25

Tënë so ayeke nga tongana ti Rahab, wali-ndumba so. Lo ga ando mbirimbiri na le ti Nzapa na lege ti kua so lo sara: azuife so a tokua ala, ague, asi na ndo ti lo si lo yamba ala. Na pekoni, lo mu maboko na ala ti mu mbeni lege nde ti hon.

Josué 2:1

So ala yeke na Shitim, Josué, molenge ti Nune, atokua azo use na hondengo ni; lo tene na ala, lo tene: “Ala gue, *abembe ndo na sese ni nga na gbata ti Jéricho.” Azo ni ague, ali na ya ti da ti mbeni wali-ndumba so iri ti lo Rahab si ala lango kâ.

Josué 2:22

Azo ti bembengo ndo ni amu lege si ala gue na ndö ti ahoto. Ala ngba kâ lango ota ti ku titene azo ti tumbango peko ti ala akiri si. Andaa azo ti tumbango peko ti ala ni agi ala na tere ti lege kue gbaa, ala wara ala pepe.

Josué 7:1

Azo ti Israel asara mbeni ye so ayeke sioni mingi ndali ti aye so *KOTA GBIA ake na ala ti mu ni. Mbeni zo ti mara ti Juda so iri ti lo Akan amu ambeni ye so KOTA GBIA ake na ala titene ala mu ni; nilaa ngonzo ti KOTA GBIA alondo tongana wâ na tere ti azo ti Israel. Akan ayeke molenge ti Karmi; Karmi ayeke molenge ti Zabdi si Zabdi ayeke molenge ti Zera.

1 Samuel 15:3

Fadeso, gue, mo tiri bira na azo ti Amalek, mo buba aye ti ala kue, mo zia mbeni oko angba pepe. Mo fâ akoli na awali, amolenge na akete amolenge so angba ti nyon mê, abagara, ataba, *azambala nga na alele.’ ”

1 Samuel 15:6

Saul atene na azo ti Keni: “Ala ngba na popo ti azo ti Amalek pepe; ala londo na tere ti ala ahon yongoro. Mbi ye titene mbi fâ ala na azo ti Amalek kue pepe, ngbanga ti so na ngoi so amolenge ti Israel alondo ando na sese ti Ezipte ti sigigi so, ala, azo ti Keni asara nzoni na ala.” Tongaso, azo ti Keni alondo na tere ti azo ti Amalek ahon.