Josué 6:15 - Mbeti ti Nzapa - Tënë so amu fini

¹⁵ Na lango mbarambara ni, na kota ndaperere, ala londo awe, ala tambula angoro gbata ni fani mbarambara gi tongana ti so ala sara kozoni. Gi na lango oko so laa ala tambula angoro gbata ni fani mbarambara.

Josué 6:15 ပူးပေါင်းရင်းမြစ်များ

Abia (Psaumes) 119:147

Kozo titene ndo ahan, mbi iri mo; mbi zia be ti mbi ti ku atënë ti mo.

Matthieu 28:1

Na peko ti *lango ti wungo tere, na ndaperere ti layenga, Marie ti kodro ti Magdala na mbeni Marie ni aga ti baa du ti kuâ ni.

Ahebro 11:30

Na lege ti mabe, azo ti Israel atambula, angoro gbata ti Jéricho na ya ti lango mbarambara si na pekoni, gbagba ti gbata ni atuku na sese.

Josué 3:1

Na ndaperere so ndo angba kâ, Josué na azo ti Israel kue alondo na Shitim, ala gue na yanga ti ngu ti Jourdain. Ala lango na ndo so kozoni si ala fâ ngu ni.

Josué 6:14

Ala tambula angoro gbata ni fani oko na use lango ni; na pekoni, ala kiri na ya ti bâbâ. Ala sara gi tongaso na ya ti lango omene.

Josué 6:16

Ti fani mbarambara ni, so awayango-sandaga ahuru didi awe, Josué atene na azo ni, atene: “Ala dekongo ngangu, ngbanga ti so KOTA GBIA azia gbata ni na maboko ti ala awe!

2 Pierre 1:19

Na ndö ni kue, tënë so awayanga-Nzapa atene so ayeke taa kpengbango tënë; tënë ni ayeke tongana lamba so ayeke za na ya ti vukongo ndo. So ayeke na legeni titene le ti ala angba na ndö ni ngbii ndo ahan si tongoro ti ndaperere aza na be ti ala.