Josué 5:2 - Mbeti ti Nzapa - Tënë so amu fini

² Na ngoi ni so, *KOTA GBIA atene na Josué: “Mu têne, mo leke na azeme, mo fâ azo ti Israel ti ngoi ti fadeso na *ganza.”

Josué 5:2 ပူးပေါင်းရင်းမြစ်များ

Sigingo 4:25

Hio tongaso, Sefora amu têne so yanga ni aza zango, lo fâ molenge ti lo ti koli na *ganza, lo mu *pito ti molenge ni, lo ndu na gere ti lo si lo tene: “Biani, mo yeke koli ti mbi ti mene.”

Rome 2:29

me taa zuife ayeke zuife so ayeke na ya ti be ti lo kâ, taa fango ganza ayeke ganza ti be, aga na lege ti Yingo ti Nzapa, me na lege ti Ndia so a su na mbeti pepe. Taa zuife, azo laa ayeke gonda lo pepe, me Nzapa.

Rome 4:11

Na ngoi so Abraham ade ti fâ ganza pepe, lo wara mbeni nzoroko so afa atene, Nzapa abaa lo tongana zo ti mbirimbiri na lege ti mabe. Nilaa Abraham aga babâ ti azo so kue ama na be, ataa so lo de ti fâ ganza pepe si Nzapa abaa ala nga tongana azo ti mbirimbiri.

Ndia ti fani use ni 10:16

Tongaso, alingbi ala fâ be ti ala na *ganza, ala kiri asara ngangu li na KOTA GBIA pepe.

Ndia ti fani use ni 30:6

Fade KOTA GBIA Nzapa ti ala wani laa ayeke fâ be ti ala na *ganza, be ti ala na ti *ahale ti ala, tongaso si ala yeke ye KOTA GBIA Nzapa ti ala na be ti ala kue nga na yingo ti ala kue si ala lingbi ti duti na fini.

Kolose 2:11

So ala ga oko na Christ, a fâ ala na *ganza awe. Ganza so a fâ ala na ni, azo laa afâ ala na ni pepe, me ganza ni alondo na Christ wani. Ganza ni azi ala na gbe ti ngangu ti siokpari so ayeke na ya ti tere ti ala ti zo.

Josué 5:3

Josué amu têne, lo leke na azeme si lo fâ azo ti Israel na ganza na ndo so iri ni hoto ti *Pito.