Josué 5:13 - Mbeti ti Nzapa - Tënë so amu fini

¹³ Mbeni lâ, Josué ayeke nduru na gbata ti Jéricho. Lo ye ti baa ndo tongaso, lo baa mbeni koli ayeke luti na dawa ti lo. Koli ni agbu mbeni yongoro zeme so lo zi ni na ya ti bozo ni awe. Josué ague na tere ti lo si ahunda lo: “Mo yeke na mbage ti e wala mo yeke na mbage ti awato ti e?”

Josué 5:13 ပူးပေါင်းရင်းမြစ်များ

Tongo nda ti aye 18:1

KOTA GBIA asi na Abraham nduru na tere ti akeke ti shene ti Mamre. Abraham ayeke duti na yanga ti da ti lo ti bongo, na ndembe so ndo-wâ ayeke mingi.

Tongo nda ti aye 18:2

Abraham ayo le ti lo na nduzu si lo baa azo ota so aluti nduru na tere ti lo. So lo baa ala, lo londo na yanga ti da ti lo ti bongo, lo kpe, lo gue, lo wara ala. Lo kuku, lo kpo li ti lo na sese

Tongo nda ti aye 28:16

Jacob azingo na lango si lo tene: “Biani, KOTA GBIA ayeke na ndo so si mbi hinga ti mbi fade pepe so!”

Tongo nda ti aye 33:1

Jacob ayo le ti lo na nduzu si lo baa Ezau so ayeke ga na akoli ngbangbo osio na tere ti lo. Jacob akangbi amolenge ni na popo ti Lea, Rachel na azo ti kua ti wali use so.

Tongo nda ti aye 33:5

Na pekoni Ezau ayo le ti lo na nduzu, lo baa awali ni na amolenge ni si lo hunda ndo, lo tene: “So azo wa laa na peko ti mo so?” Jacob akiri tënë, atene: “Amolenge so Nzapa asara nzoni be na mbi si lo mu ala na mbi, zo ti gbe ti mo laa.”

1 Mbai 12:22

Ala yeke mu maboko na David na li ti aturugu, ngbanga ti so ala kue ayeke akpengba turugu si ala ga amakonzi ti aturugu ti lo.

1 Mbai 21:27

Na pekoni, KOTA GBIA amu yanga na ange ni ti kiri na yongoro zeme ti lo na ya ti bozo ni.

1 Mbai 21:30

Me lege titene David ague kâ ti hunda Nzapa ayeke daa pepe, ngbanga ti so mbeto ti yongoro zeme ti ange ti KOTA GBIA agbu lo mingi.

Sigingo 23:23

“Na ndembe so ange ti mbi ayeke tambula na dawa ti ala ti gue na ala na ndo ti azo ti mara ti Amori, ti Het, ti Perizi, ti Kanaan, ti Hivi na ti Yebus, fade mbi yeke hunzi amara ni so kue.

Daniel 10:5

So mbi yo le ti mbi na nduzu, mbi baa mbeni zo aluti, lo yu bongo ti *len si kamba ti ndö ti bongo ti lo ayeke na lôro ti nzoni ni.

Daniel 8:3

Mbi yo le ti mbi na nduzu, mbi baa mbeni koli-taba so aluti na yanga ti ngu ni. Lo yeke na ayongoro didi use; me didi so asigigi na peko ayo ahon ti so asigigi kozo so.

Zakarii 1:8

Na bi so, na ya ti mbeni ye tongana bango-li, mbi baa mbeni koli so aduti na ndö ti mbeni mbarata so tere ti lo abe bengo. Mbarata ni ayeke luti na popo ti akeke ti mirte, na popo-hoto, na gbeni kâ. Na peko ti lo, ambeni mbarata ni ayeke daa so tere ti ala abe bengo, tere ti ala avuru tuuu si tere ti ala avuru vurungo.

Wungo ti azo 22:23

Mama ti lele ni abaa ange ti KOTA GBIA so aluti na ndö ti lege, yongoro zeme so a gboto na ya ti bozo ni ayeke na maboko ti lo. Mama ti lele ni azia lege si lo fâ na ya ti ayaka ti hon. Balaam apika lo ti kiri lo na ndö ti lege.

Wungo ti azo 22:31

Tongaso KOTA GBIA azi le ti Balaam si lo baa ange ti KOTA GBIA so aluti na ndö ti lege, yongoro zeme so a gboto na ya ti bozo ni ayeke na maboko ti lo. Balaam akuku akpo li ti lo na sese.

Awatokua 1:10

So ala ngba ti baa ndo na nduzu na peko ti lo, ambeni koli use so ayu vuru bongo, aga aluti nduru na tere ti ala.

Josué 6:2

*KOTA GBIA atene na Josué: “Baa, mbi zia na maboko ti mo awe gbata ti Jéricho, gbia ni nga na angangu zo ti bira ni.

Aye so Nzapa afa 1:13

Na popo ti agere ti lamba ni, mbi baa lo so akpa zo. Lo yu mbeni yongoro bongo, lo kanga na kate ti lo kamba ti ndö ti bongo so a sara na lôro.

Awafango-ngbanga 13:11

Manoa amu peko ti wali ti lo, lo gue, lo wara koli ni, lo tene na lo: “Mo laa mo tene tënë na wali so?” Lo kiri tënë: “Mbi laa!”

Awafango-ngbanga 13:22

Manoa atene na wali ti lo: “Ti so ni, fade e yeke kui kue, ngbanga ti so e baa Nzapa awe.”