Josué 5:1 - Mbeti ti Nzapa - Tënë so amu fini

¹ Agbia kue ti azo ti mara ti Amori so ayeke na mbage ti ngu ti Jourdain, na Do, na agbia kue ti azo ti Kanaan so ayeke na tere ti kota ngu-ingo ti Mediterane ama a tene, *KOTA GBIA asara si ngu ti Jourdain ahole na dawa ti azo ti Israel ngbii ala kue afâ ngu ni. So agbia ni ama tënë so, be ti ala afun kue, ala yeke na ngangu ti gbu le ni na azo ti Israel pepe.

Josué 5:1 ပူးပေါင်းရင်းမြစ်များ

Tongo nda ti aye 12:6

Abram ahon na ya ti sese ni; lo gue, lo si na gbata ti Sishem, lo hon ngbii lo si na tere ti keke ti shene ti More. Na ngoi ni so, azo ti Kanaan laa ayeke lango na ya ti kodro ni.

Tongo nda ti aye 48:22

Na ndö ti sese so mo wara, mbi yeke mu nga na mo Sishem. Mbi yeke mu na mo mbage ti sese oko ahon ti a-ita ti mo. Mbi tiri bira na azo ti mara ti Amori si mbi mu sese ni na maboko ti ala na lege ti yongoro zeme nga na kokora.”

2 Samuel 21:2

Gbia airi azo ti Gabaon ti tene tënë na ala. Azo ti Gabaon ayeke azo ti Israel pepe; me ala yeke tanga ti azo ti Amori so angba na fini. Azo ti Israel adeba yanga ti ala lani ti bata fini ti azo ti Gabaon. Me Saul, so tënë ti azo ti Israel na ti Juda agbu be ti lo ahon ndoni agi lege ti fâ azo ti Gabaon ti hunzi ala.

1 Agbia 10:5

kobe so ayeke na ndö ti meza ti lo, da ti lango ti azo ti yangbo ti lo, lege so azo ti gbe ti lo ayeke sara kua ti ala, amakonzi ti mungo samba na lo; lo baa nga *asandaga so a yeke gbi kue na wâ so Salomon ayeke mu ni na ya ti kota da ti KOTA GBIA. Na bango aye so kue, li ti gbia-wali ni kue akpe.

Esdras 9:1

Na peko ti aye so, amakonzi ti azo ti Israel aga atene na mbi: “Ataa asenge zo, ataa awayango-sandaga, ataa azo ti mara ti Lévi, mbeni zo so aduti nde na azo ti ambeni mara ayeke daa pepe. Ala sara gi asioni ye so zo alingbi ti baa na le ti lo fani use pepe; asioni ye so azo ti Kanaan, azo ti mara ti Het, ti Perizi, ti Yebus, ti Amon, ti Moab, ti Ezipte na ti Amori asara.

Abia (Psaumes) 135:11

Sihon, gbia ti azo ti mara ti Amori, Og, gbia ti Bashan na agbia ti akodro ti Kanaan kue.

Sigingo 23:28

Mbi yeke tokua akota didiri kozo ti ala titene adidiri ni atumba na dawa ti ala azo ti mara ti Hivi, azo ti Kanaan na azo ti mara ti Het.

Ésaïe 41:5

Azo ti azoa abaa lo, mbeto agbu ala. Azo so ayeke na nda ti sese aga nduru, tere ti ala ayeke do dongo.

Ezekiel 16:3

Fade mo tene na lo, mo tene: Tënë so Kota Gbia NZAPA atene na Jérusalem ayeke so: Kanaan ayeke sese ti akotara ti mo, ndo so a du mo daa. Babâ ti mo ayeke zo ti mara ti Amori si mama ti mo ayeke zo ti mara ti Het.

Ezekiel 21:7

“Molenge ti zo, mo baa ndo na mbage ti Jérusalem, mo tene peko ti tënë ti yanga ti mbi na ndö ti ando so a zia nde ndali ti yango asandaga; mo tene tënë ti yanga ti mbi na ndö ti sese ti Israel.

Daniel 5:6

le ti lo aga nde si li ti lo kue akpe; ya ti agere ti lo kue akanga si alikunu ti lo ayeke pika tere.

Amos 2:9

Andaa mbi, mbi fâ ando azo ti mara ti Amori na dawa ti ala, mbi hunzi ala kue; azo ti Amori so ayo na nduzu tongana keke ti sedre si ala yeke na ngangu tongana keke ti shene so. Ti londo na li ti azo ni asi na gere ti ala, mbi fâ ala, mbi hunzi ala kue.

Wungo ti azo 13:29

Azo ti mara ti Amalek alango na mbage ti Mbongo, azo ti mara ti Het, ti Yebus na ti Amori alango na ndö ti ahoto si azo ti mara ti Kanaan alango ti ala na tere ti kota ngu-ingo nga na tere ti ngu ti Jourdain.”

Josué 17:12

Me azo ti Manase awara lege ti tumba azo ti agbata ni pepe; azo ti Kanaan angba ti duti na sese ni.

Josué 17:18

me fade ala yeke mu sese ti ahoto so gbako ayeke daa. Ala yeke de gbako ni si ala mu ni kue, ala duti daa. Fade ala yeke tumba azo ti Kanaan ti mu sese ti ala, ataa so azo ti Kanaan ni ayeke na apusu ti mbarata ti wen si ala yeke ngangu mingi.”

Josué 24:15

Tongana sarango kua ti KOTA GBIA anzere na ala pepe, ala soro laso anzapa so ala ye ti sara kua na ala: wala ala ye ti voro anzapa so akotara ti ala avoro ala ando na mbage ti ngu ti Efrate, wala ala ye ti voro anzapa ti mara ti Amori so ala ayeke na popo ti ala. Me ti mbi na azo ti da ti mbi, fade e yeke sara kua na KOTA GBIA.”

Josué 3:16

ngu so alondo na mbage ti nduzu ti sua na gbeni akai ti sua, mo baa mo tene, a kanga ni kangango. Ngu ni aluti yongoro kâ na gbata ti Adam so ayeke nduru na gbata ti Sartan. Ngu so ayeke sua ti gue na gbeni na ya ti kota ngu ti Gba-ti-ingo ahon biani biani. Azo ni afâ ngu ti Jourdain na ndo so abaa le na gbata ti Jéricho.

Josué 3:17

Awayango-sandaga so ayeke yo sanduku ti mbuki ti KOTA GBIA aluti na ndö ti kuru sese na be ti Jourdain. Na ndembe so ala ngba ti luti, azo ti Israel kue ayeke hon, ngu andu gere ti ala pepe, ngbii azo ni kue afâ ngu ti Jourdain ni.

Aye so Nzapa afa 18:10

Mbeto ti pasi so lo yeke baa ayeke sara ala; ala yeke luti yongoro si ala yeke tene: “Mawa-ee! So mawa! Kota gbata-ee, Babilone-ee! Ngangu gbata! Gi na ya ti ngbonga oko, a fâ ngbanga na li ti mo awe!”

Awafango-ngbanga 1:1

Na peko ti kuâ ti Josué, azo ti Israel ahunda *KOTA GBIA, atene: “Mara wa laa na popo ti e ayeke gue kozo ti sara bira na azo ti Kanaan?”

Awafango-ngbanga 11:23

KOTA GBIA, Nzapa ti Israel laa atumba azo ti mara ti Amori na dawa ti e, azo ti lo. Ti mo, mo ye ti mu sese ni na maboko ti e?

Awafango-ngbanga 3:3

Amara so angba na ya ti kodro ni ayeke so: agbia oku ti azo ti Filistii, azo ti Kanaan kue, azo ti Sidon nga na azo ti Hivi so ayeke lango na hoto ti Liban, ti londo na hoto ti Baal-Hermon ngbii asi na Lebo-Hamat.

Awafango-ngbanga 4:2

Nilaa KOTA GBIA azia ala na maboko ti Yabin, gbia ti Kanaan; lo yeke lango na gbata ti Hasor. Makonzi ti aturugu ti lo ayeke Sisra; Sisra ayeke lango ti lo na Harosheth-Goim.

1 Samuel 25:37

Na ndaperere ni, tongana samba ahunzi na le ti Nabal awe, wali ti lo atene na lo peko ti ye so asi so. Be ti Nabal afun kue si tere ti lo akiri awoko kue.