Josué 4:9 - Mbeti ti Nzapa - Tënë so amu fini

⁹ Josué aleke têne baleoko na use so taa na be ti Jourdain, na ndo so awayango-sandaga so ayeke yo sanduku ti mbuki azia gere ti ala lani daa so. Atêne ni ayeke kâ ngbii asi laso.

Josué 4:9 ပူးပေါင်းရင်းမြစ်များ

Tongo nda ti aye 26:33

Lo di iri ti du ti ngu so Shiba. Ndani laa laso azo angba ti iri gbata ni Bersheba.

Tongo nda ti aye 28:18

Na ndaperere so ndo angba kâ, Jacob alondo, lo mu têne so lo zia na gbe ti li ti lo so; lo leke ni, aluti na nduzu si lo tuku mafuta na li ni.

2 Samuel 4:3

Azo ti Beerot akpe ague na Gitaim; *ahale ti ala angba ti duti kâ ngbii asi laso. –

1 Agbia 18:31

Lo mu têne baleoko na use alingbi na wungo ti amara baleoko na use ti Jacob. Ando tënë ti KOTA GBIA asi na Jacob, atene: “Fade iri ti mo ayeke duti Israel.”

2 Mbai 5:9

Ndali ti so akeke ni ayo mingi, zo alingbi ti baa yanga ni gi tongana lo luti na popo ti sanduku ti mbuki nga na dawa ti ndo so ayeke nde si ayeke nzoni kue ahon atanga ni. Me tongana zo aluti na gigi, lo lingbi ti baa yanga ti akeke ni pepe. Sanduku ni angba kâ ngbii asi laso.

Sigingo 24:12

KOTA GBIA atene na Moïse: “Ma na li ti hoto na mbage ti mbi, mo duti na ndo so. Mbi yeke mu na mo akpangbara têne so mbi su atënë ti *Ndia na le ni titene mo fa na azo ti Israel.”

Sigingo 28:21

Ala yeke kpaka iri ti amolenge ti Jacob baleoko na use na ndö ti têne oko oko, tongana ti so a yeke kpaka iri ti zo na ndö ti *ye ti kpongo na nzoroko. Fade wungo ti atêne ni ayeke lingbi na wungo ti amara baleoko na use ti Israel.

Matthieu 27:8

Ndani laa azo airi yaka ni “yaka ti mene” ngbii asi laso.

Matthieu 28:15

Aturugu ni amu nginza ni si ala sara ye alingbi na tënë so a fa na ala. Nilaa tënë ti mvene so awu na popo ti azuife ngbii asi laso.

Ndia ti fani use ni 34:6

KOTA GBIA wani alu lo na popo-hoto ti sese ti Moab, na ndo so abaa le na Bet-Peor. Ti londo na ngoi ni so ngbii asi laso, zo oko ade ti baa ndo so du ti kuâ ti lo ayeke da pepe.

Josué 24:26

Josué asu atënë so na ya ti mbeti ti *Ndia ti Nzapa. Na pekoni, lo mu mbeni kota têne, lo leke ni aluti na nduzu na gbe ti keke ti shene, na ndo so a zia nde ndali ti KOTA GBIA.

Josué 4:10

Awayango-sandaga so ayeke yo sanduku ti mbuki ni aluti na nduzu taa na be ti Jourdain ngbii azo ni asara ye so kue KOTA GBIA amu yanga na Josué si lo tene peko ni na ala so. Lege so Josué asara ye alingbi na yanga so Moïse amu na lo so laa. Azo ni afâ ngu ni hio.

Awafango-ngbanga 1:26

Koli ni ague na kodro ti azo ti mara ti Het. Kâ, lo leke mbeni gbata so lo di iri ni Luz; iri so angba ngbii asi laso.

1 Samuel 30:25

Gi na lango ni so, yanga so David amu aga tongana ndia ndali ti azo ti Israel; ngangu ti ndia so angba laso.

1 Samuel 7:12

Samuel amu mbeni têne si lo zia ni na popo ti Mispa na ndo so a iri ni Pembe. Lo di iri ti têne ni Eben-Ezer si lo tene: “KOTA GBIA amu maboko na e ngbii asi na ndo so.”