Josué 4:14 - Mbeti ti Nzapa - Tënë so amu fini

¹⁴ Na lango ni so, KOTA GBIA asara si Josué aga kota na le ti azo ti Israel kue. Na lango so kue lo ngba na fini, ala ne lo tongana ti so ala ne ando Moïse.

Josué 4:14 ပူးပေါင်းရင်းမြစ်များ

1 Agbia 3:28

Azo ti Israel kue ama tënë ti ngbanga so gbia Salomon afâ. Ala kpe mbeto ti gbia, ngbanga ti so ala baa so Nzapa amu na lo ndara ti fâ ngbanga mbirimbiri.

2 Agbia 2:15

Bongbi ti awayanga-Nzapa so ayeke na Jéricho aluti yongoro si ala baa Élisée na sarango ye ni; ala tene: “Yingo so ayeke lani na ndö ti Élie aga fadeso na ndö ti Élisée awe.” Ala gue, awara lo na lege, ala kuku akpo li ti ala na sese na dawa ti lo.

1 Mbai 29:25

KOTA GBIA aya iri ti Salomon si lo ga kota zo mingi na le ti azo ti Israel kue. Lo sara si komandema ti Salomon awara gonda mingi ahon ti agbia ti Israel so ayeke kozoni na lo.

2 Mbai 30:12

Na sese ti Juda nga, Nzapa asara si be ti azo ni aga oko, ala yeda ti ma yanga so gbia na amakonzi ti lo amu, alingbi na tënë ti KOTA GBIA.

Sigingo 11:3

KOTA GBIA asara si azo ti Ezipte abaa azo ti Israel na nzoni le. Na ndö ni kue, na sese ti Ezipte, azo ti gbe ti Faraon nga na azo ti kodro ni abaa Moïse tongana kota zo mingi.

Sigingo 14:31

Azo ti Israel abaa so, na lege ti ngangu ti maboko ti lo, KOTA GBIA ahon ndö ti azo ti Ezipte. Nilaa ala kpe mbeto ti KOTA GBIA si ala zia be ti ala na ndö ti KOTA GBIA nga na ndö ti Moïse, zo ti kua ti lo.

Amato 24:21

Molenge ti mbi, mo kpe mbeto ti KOTA GBIA nga na ti gbia ti kodro. Azo so aye titene ye kue aga nde so, mo na ala aduti na ndo oko pepe.

Rome 13:4

Biani, akota zo ti li ti kodro ayeke sara kua na Nzapa ti pusu mo ti sara nzoni ye. Me tongana mo sara sioni ye, mo sara mbeto ti ala! So ala yeke na ngangu ti fango ngbanga na li ti azo, nda ni ayeke daa: tongana ala yeke fâ ngbanga, ala yeke sara kua na Nzapa ti sara si ngonzo ti lo alondo na tere ti azo so asara sioni.

1 Korente 10:2

Akotara ti e ni kue awara bateme na ya ti mbinda nga na ya ti kota ngu-ingo, ngbanga ti so ala ga oko na Moïse.

Josué 3:7

KOTA GBIA atene na Josué: “Ti londo na lango ti laso, mbi yeke sara titene mo ga kota na le ti azo ti Israel kue; tongaso, fade ala yeke hinga atene, mbi yeke na mo tongana ti so mbi yeke ando na Moïse so.

Josué 4:13

Azo nduru na saki baleosio so aleke tere ti ala ti tiri bira, ala hon na dawa ti KOTA GBIA si ala fâ ngu ti Jourdain ti gue na mbage ti lando ti Jéricho.

Josué 4:15

Na pekoni, KOTA GBIA atene na Josué:

1 Samuel 12:18

Samuel asambela KOTA GBIA si KOTA GBIA atokua bekpa na ngu-Nzapa gi na lango ni so. Mbeto ti KOTA GBIA na mbeto ti Samuel agbu azo ti kodro mingi.