Josué 3:7 - Mbeti ti Nzapa - Tënë so amu fini

⁷ KOTA GBIA atene na Josué: “Ti londo na lango ti laso, mbi yeke sara titene mo ga kota na le ti azo ti Israel kue; tongaso, fade ala yeke hinga atene, mbi yeke na mo tongana ti so mbi yeke ando na Moïse so.

Josué 3:7 ပူးပေါင်းရင်းမြစ်များ

1 Mbai 29:25

KOTA GBIA aya iri ti Salomon si lo ga kota zo mingi na le ti azo ti Israel kue. Lo sara si komandema ti Salomon awara gonda mingi ahon ti agbia ti Israel so ayeke kozoni na lo.

2 Mbai 1:1

Salomon, molenge ti David asara si lengo-gbia ti lo akpengba; *KOTA GBIA Nzapa ti lo ayeke na lo si amu nengo na lo mingi.

Mbeti ti Job 7:17

Zo ayeke nyen si mo yeke mu ngoi ti mo ndali ti lo? Ngbanga ti nyen laa mo yeke baa ndo na ndö ti lo tongaso?

Abia (Psaumes) 18:35

Lo yeke fa na mbi lege ti tiringo bira, lo sara si mbi gboto ya ti kamba ti kpengbango kokora.

Jean 17:1

Na peko ti tënë so, Jésus ayo le ti lo na nduzu si lo tene: “Babâ, ngbonga ni alingbi awe. Gonda Molenge ti mo si Molenge ti mo agonda mo.

Filipe 1:20

Ndali ti ye so mbi yeke ku si mbi zia be ti mbi ti ku ni, kamene ayeke gbu ande mbi pepe. Me ti londo laso ngbii asi na tanga ti alango kue, ataa mbi kui wala mbi ngba na fini, mbi hinga biani na be ti mbi, mbi tene, dutingo ti mbi ayeke fa ande na azo so Christ ayeke kota mingi.

Josué 1:17

E yeke ma yanga ti mo na ya ti ye kue tongana ti so e ma lani yanga ti Moïse so. Biani, fade KOTA GBIA, Nzapa ti mo ayeke na mo tongana ti so lo yeke lani na Moïse so.

Josué 1:5

Na lango so kue mo ngba na fini, fade mbeni zo ti gbu le ni na mo ayeke daa pepe. Fade mbi yeke na mo tongana ti so mbi yeke ando na Moïse; mbi yeke do mo ti zia mo pepe, mbi yeke zia mo oko pepe.

Josué 1:9

Mbi mu yanga na mo, mbi tene: gbu ngangu, mo sara ye ti koli! Zia mbeto asara mo pepe, zia mbeto ahon ndö ti mo pepe, ngbanga ti so mbi KOTA GBIA, Nzapa ti mo, fade mbi yeke na mo na ndo so kue mo yeke gue daa.”

Josué 3:6

Lango oko na pekoni, Josué amu yanga na awayango-sandaga, atene: “Ala mu sanduku ti mbuki ni, ala hon kozo ti azo ni.” Awayango-sandaga ni asara tongana ti so lo hunda.

Josué 3:8

Ti mo, fade mo mu yanga na awayango-sandaga so ayeke yo sanduku ti mbuki, mo tene: ‘Tongana ala si na ya ti ngu ti Jourdain ni awe, ala luti.’ ”

Josué 4:14

Na lango ni so, KOTA GBIA asara si Josué aga kota na le ti azo ti Israel kue. Na lango so kue lo ngba na fini, ala ne lo tongana ti so ala ne ando Moïse.