Josué 3:5 - Mbeti ti Nzapa - Tënë so amu fini

⁵ Na pekoni, Josué atene na azo ni, atene: “Ala zia tere ti ala nde ndali ti Nzapa, ngbanga ti so kekereke fade KOTA GBIA ayeke sara aye ti kpene na popo ti ala.”

Josué 3:5 ပူးပေါင်းရင်းမြစ်များ

Mbeti ti Job 1:5

Tongana amatanga ni ahunzi awe, Job ayeke iri amolenge ti lo ni ti ga titene lo *sukula sioni ti ala. Na ndade ni, lo yeke londo na kota ndaperere si lo mu *sandaga so a yeke gbi ni kue na wâ ndali ti zo oko oko. Lo yeke tene na be ti lo, lo tene: “Mbi hinga pepe, amolenge ti mbi asara siokpari, wala ala zonga Nzapa na be ti ala.” Ye so Job ayeke sara lakue laa!

Abia (Psaumes) 77:15

Mo yeke oko Nzapa so mo sara ye ti kpene; mo fa ngangu ti mo na popo ti azo.

Abia (Psaumes) 86:10

Biani, mo yeke kota, mo yeke sara aye ti kpene, gi mo oko laa mo yeke Nzapa!

Joël 2:16

ala bongbi azo ti kodro, ala iri azo ti bongbi ndali ti Nzapa. Ala bongbi ambakoro, ala bongbi amaseka nga na akete molenge so angba ti nyon me. Ayeke nzoni koli na wali so amu tere fini ni alondo na ya ti kubu ti ala asigigi.

Awayango-sandaga 10:3

Moïse atene na Aaron: “KOTA GBIA atene lani tongaso: ‘Azo so ayeke ga nduru na mbi, mbi ye si ala hinga atene, mbi yeke nde si mbi yeke nzoni kue; mbi ye si ala gonda mbi na le ti azo kue.’ ” Aaron aduti gi kpoo, lo zi yanga oko pepe.

Awayango-sandaga 20:7

“Ala sara ye tongana azo so ayeke nde si ayeke nzoni kue, ngbanga ti so mbi laa mbi yeke KOTA GBIA, Nzapa ti ala.”

Wungo ti azo 11:8

Azo ti Israel akangbi tere ti ala nde nde nde ti ro mane ni; na pekoni, ala yeke nika ni na ndö ti têne, wala ala yeke pika ni na ya ti kpu, ala yeke to ni na ya ti tawa si aga tongana kanda. Nzerengo ni akpa nzerengo ti gatoo so a sara na mafuta.

Jean 17:19

Ndali ti nzoni ti ala, mbi bata tere ti mbi nde ndali ti mo titene ala nga, ala bata tere ti ala nde ndali ti mo na lege ti taa-tënë.

Josué 3:13

Gi so awayango-sandaga ayeke zia gere ti ala na ya ti ngu ti Jourdain, ala so ayeke yo sanduku ti mbuki ti KOTA GBIA, lo so lo yeke Kota Gbia ti sese kue, fade ya ti ngu ni ayeke kangbi; ngu so alondo na mbage ti nduzu si ayeke ga so ayeke luti, mo baa mo tene, a kanga ni kangango.”

Josué 3:15

Andaa ayeke ando na ngoi ti fango ale ti kobe; ngoi so ngu ti Jourdain ayeke suku si ayeke mu asese so ayeke na tere ni. Gi so awayango-sandaga asi na yanga ti ngu si ala yoro gere ti ala na ya ti ngu ni,

Josué 3:4

Tongaso si fade ala hinga lege so ala gue daa, ngbanga ti so ala de ti hon na lege so laoko pepe. Me ayeke nzoni popo ti ala na sanduku ti mbuki ni ayo nduru na kilometere oko. Ala gue nduru na ni pepe.”

Josué 3:6

Lango oko na pekoni, Josué amu yanga na awayango-sandaga, atene: “Ala mu sanduku ti mbuki ni, ala hon kozo ti azo ni.” Awayango-sandaga ni asara tongana ti so lo hunda.

Josué 7:13

Londo, mo leke azo ni titene ala zia tere ti ala nde ndali ti Nzapa. Fade mo tene na ala: ‘Ala zia tere ti ala nde ndali ti Nzapa ti ku na lango ti kekereke. Biani, tënë so KOTA GBIA, Nzapa ti Israel atene ayeke so: Aye so mbi ke na ala ti mu so ayeke na popo ti ala. Ala lingbi ti gbu le ni na awato ti ala pepe, ngbii ala zi aye ni na popo ti ala si.

1 Samuel 16:5

Samuel akiri tënë: “Een, mbi ga ti mu sandaga na KOTA GBIA. Ala zia tere ti ala nde ndali ti Nzapa, ala ga, e gue, e mu sandaga ni.” Samuel azia Yese na amolenge ti lo nde ndali ti Nzapa si lo iri ala titene ala ga aduti na matanga ti mungo sandaga ni.