Josué 3:16 - Mbeti ti Nzapa - Tënë so amu fini

¹⁶ ngu so alondo na mbage ti nduzu ti sua na gbeni akai ti sua, mo baa mo tene, a kanga ni kangango. Ngu ni aluti yongoro kâ na gbata ti Adam so ayeke nduru na gbata ti Sartan. Ngu so ayeke sua ti gue na gbeni na ya ti kota ngu ti Gba-ti-ingo ahon biani biani. Azo ni afâ ngu ti Jourdain na ndo so abaa le na gbata ti Jéricho.

Josué 3:16 ပူးပေါင်းရင်းမြစ်များ

Tongo nda ti aye 14:3

Ala kue abongbi na popo-hoto ti Sidim, so kota ngu ti Gba-ti-ingo ayeke daa laso so.

1 Agbia 4:12

Baana, molenge ti Ahilud ayeke govoronere ti sese ti Taanak na ti Megido nga na sese ti Bet-Shean kue. – Sese ti Bet-Shean ague, andu tere na Sartan si ayeke na gbe ti gbata ti Yizreel; alondo na Bet-Shean ague, asi na Abel-Mehola, akiri ague ngbii ahon Yokmeam.

1 Agbia 7:46

Hiram ato aye ni so na kpangbara sese ti Jourdain; gbia atuku ni na ya ti sese ti sara na ta. Lo sara ni na popo ti kete kodro ti Sukot na ti Sartan.

Abia (Psaumes) 114:3

Kota ngu-ingo abaa ye ni si akpe; ngu ti Jourdain akiri na peko.

Abia (Psaumes) 114:5

Kota ngu-ingo, nyen laa asara mo si mo kpe so? Ngu ti Jourdain, nyen laa asara mo si mo kiri na peko so?

Abia (Psaumes) 29:10

KOTA GBIA aduti gbia na ndö ti ngu so asuku amu ndo kue; KOTA GBIA aduti gbia kpu na kpu.

Abia (Psaumes) 33:7

Lo bongbi ngu ti kota ngu-ingo na ndo oko tongana ti so a yeke bongbi ngu na ya ti kota sembe; kota ngu-ingo so ali mingi, lo bata ni batango.

Abia (Psaumes) 66:6

Lo sara si kota ngu-ingo aga kuru sese, azo afâ *bale ni na gere. Na ndo so laa e yeke sara ngia ndali ti lo.

Abia (Psaumes) 74:15

Mo laa mo suru lege na ali ti ngu nga na akete ngu so ayeke sua, *abale so ngu ti ya ni ayeke hole ka pepe, mo sara si ahole.

Abia (Psaumes) 77:19

So bekpa ti mo asungba ngangu, awâ ti bekpa aza na ndö ti dunia kue, sese ado si ayingi.

Abia (Psaumes) 78:13

lo kangbi ya ti kota ngu-ingo, lo sara si ala hon na ya ni; lo sara si ngu ni aluti tongana mbeni kota gbagba.

Sigingo 14:21

Moïse ayoro maboko ti lo na ndö ti kota ngu-ingo. KOTA GBIA atokua mbeni kota pupu ti To so aga aya na ndö ti kota ngu-ingo na bi ni kue si akangbi ya ti kota ngu-ingo ni. Lege azi na ya ni, ndo ni aga kuru sese.

Sigingo 14:22

Azo ti Israel ahon na ya ti kota ngu-ingo ni, ngu andu gere ti ala pepe. Na mbage ti maboko ti ala ti koli nga na mbage ti maboko ti ala ti wali, ngu ni aluti tongana mbeni kota gbagba.

Sigingo 14:29

Me azo ti Israel ahon na ya ti kota ngu-ingo ni na ndö ti kuru sese. Na mbage ti maboko ti ala ti koli nga na mbage ti maboko ti ala ti wali, ngu ni aluti tongana mbeni gbagba.

Sigingo 15:8

Ngangu pupu ti hon ti mo asara si ngu abongbi na ndö ti tere, *amapo aluti na nduzu tongana gbagba, ngu so ali aga tongana kuru sese na gbe ti kota ngu-ingo.

Ésaïe 50:2

Mbi ga, mbi wara zo oko pepe, ngbanga ti nyen? Mbi iri ndo, zo oko ayeda pepe, ngbanga ti nyen? Maboko ti mbi ayeke nduru mingi titene mbi zi ala? Ngangu laa atia mbi titene mbi soo ala? Gi so mbi suku, kota ngu-ingo ahole; mbi sara si *abale aga kuru sese. Ndali ti so ngu ayeke daa pepe, asusu ayeke kui nzara ti ngu si ala yeke fun.

Ezekiel 47:8

Lo tene na mbi: “Ngu so ayeke sua na mbage ti To ti sese ni, ayeke gue na lando ti Araba, na pekoni, ayeke tuku na ya ti kota ngu ti Gba-ti-ingo. Tongana atuku na ya ti kota ngu-ingo ni awe, ngu ni akiri aga nzoni.

Nahum 1:4

Lo suku na kota ngu-ingo si kota ngu-ingo ni ahole; lo sara titene *abale kue ahole. Tongaso apere so ayeke na sese ti Bashan na akeke ti hoto ti Karmel ahole; akongo ti pere ti hoto ti Liban ahole.

Habakuk 3:8

KOTA GBIA, be ti mo aso na tere ti akota ngu? Ngonzo ti mo alondo na tere ti akota ngu? Ngonzo ti mo ti wâ alondo na tere ti kota ngu-ingo? Tongana mo ko na ndö ti ambarata ti mo, apusu ti mbarata ti mo ayeke gue na mo ti so benda.

Wungo ti azo 34:3

“Na mbage ti Mbongo, katikati ti sese ti ala ayeke londo na benyama ti Zin, ayeke hon na tere ti sese ti Edom. Na mbage ti To, katikati ni ayeke gue, asi na yanga ti kota ngu ti Gba-ti-ingo.

Ndia ti fani use ni 1:1

So ayeke atënë so Moïse atene na azo ti Israel kue na ngoi so ala yeke na mbage ti ngu ti Jourdain, na benyama, na lando so ahole kasakasa, nduru na Suf. Lando ni ayeke na popo ti Paran, ti Tofel, ti Laban, ti Haserot na ti Di-Zahab.

Ndia ti fani use ni 3:17

Katikati ti sese ni na mbage ti Do amu tere ti popo-hoto ti Jourdain ti gue na ni, ti londo na kota ngu ti Genezaret ngbii asi na kota ngu ti Gba-ti-ingo, ague ngbii asi na gbe ti hoto ti Pisga, na mbage ti To.

Josué 12:3

Sihon ayeke le-gbia nga na ndö ti sese so ayeke na To ti popo-hoto ti Jourdain, sese so ayeke na tere ti kota ngu ti Genezaret, na mbage ti Banga, ague ngbii asi na kota ngu ti Gba-ti-ingo, nduru na Bet-Yeshimot si na mbage ti Mbongo, sese so ayeke na gbe ti hoto ti Pisga.

Josué 15:2

Katikati ti sese ti ala na mbage ti Mbongo, alondo na yanga ti kota ngu ti Gba-ti-ingo, so ayeke baa le na sese ti mbage ti Mbongo.

Josué 16:7

Alondo na ndo so, azu ague na Atarot nga na Naara, akiri na Jéricho si asi na Jourdain.

Josué 3:13

Gi so awayango-sandaga ayeke zia gere ti ala na ya ti ngu ti Jourdain, ala so ayeke yo sanduku ti mbuki ti KOTA GBIA, lo so lo yeke Kota Gbia ti sese kue, fade ya ti ngu ni ayeke kangbi; ngu so alondo na mbage ti nduzu si ayeke ga so ayeke luti, mo baa mo tene, a kanga ni kangango.”

Josué 4:22

fade ala fa nda ni na amolenge ti ala, atene: ‘Azo ti Israel afâ ando Jourdain, ngu andu gere ti ala pepe.

Josué 5:1

Agbia kue ti azo ti mara ti Amori so ayeke na mbage ti ngu ti Jourdain, na Do, na agbia kue ti azo ti Kanaan so ayeke na tere ti kota ngu-ingo ti Mediterane ama a tene, *KOTA GBIA asara si ngu ti Jourdain ahole na dawa ti azo ti Israel ngbii ala kue afâ ngu ni. So agbia ni ama tënë so, be ti ala afun kue, ala yeke na ngangu ti gbu le ni na azo ti Israel pepe.

Awafango-ngbanga 7:22

Na ndembe so azo ngbangbo ota so angba ti huru tatalita, KOTA GBIA asara si azo ti ya ti bâbâ ni kue alondo ti fâ tere na yongoro zeme. Ala so angba so akpe ngbii, ala si na Bet-Shita so ayeke na lege ti guengo na Sereda; ala kpe nga na gbata ti Abel-Mehola so ayeke nduru na Tabat.