Josué 3:15 - Mbeti ti Nzapa - Tënë so amu fini

¹⁵ Andaa ayeke ando na ngoi ti fango ale ti kobe; ngoi so ngu ti Jourdain ayeke suku si ayeke mu asese so ayeke na tere ni. Gi so awayango-sandaga asi na yanga ti ngu si ala yoro gere ti ala na ya ti ngu ni,

Josué 3:15 ပူးပေါင်းရင်းမြစ်များ

2 Agbia 2:6

Élie akiri atene na Élisée: “Mbi gbu gere ti mo, mo ngba na ndo so, ngbanga ti so KOTA GBIA atokua mbi na ngu ti Jourdain.” Élisée akiri tënë: “KOTA GBIA ayeke na fini! Mo nga, mo yeke na fini! Fade mbi yeke zia mo pepe!” Tongaso ala use kue amu lege ague.

1 Mbai 12:15

Azo ti mara ti Gad so kue ayeke amakonzi ti aturugu. Kete zo na popo ti ala, ngangu ti lo alingbi na ngangu ti aturugu 100 si kota zo ni, ngangu ti lo alingbi na ngangu ti aturugu 1 000.

1 Mbai 12:16

Ala laa afâ ngu ti Jourdain na kozo nze, na ngoi so ngu ni asuku mingi si ala tumba azo so alango na apopo-hoto ni kue, na mbage ti To nga na mbage ti Do.

Ésaïe 26:6

Awayere na asenge zo ayeke do gbata ni na gbe ti gere ti ala.”

Jérémie 12:5

KOTA GBIA atene: “Tongana mo lingbi ti mu loro na azo ti kpengo loro pepe, mo lingbi ti sara mandako ti loro na ambarata tongana nyen? Tongana mo duti na siriri gi na ya ti kodro so ye kue ayeke na legeni, fade mo yeke sara tongana nyen na ya ti gbako ti yanga ti ngu ti Jourdain?

Jérémie 49:19

KOTA GBIA atene: “Mbi yeke duti tongana bamara so asigigi na ya ti pere ti yanga ti ngu ti Jourdain ti gue na ndo so anyama ayeke wara fini pere daa. Gi hio tongaso, mbi yeke sara si azo ni kue alondo ahon. Na pekoni, mbi yeke zia na ndö ti Edom makonzi so mbi yeke soro lo. Biani, zo wa laa alingbi na mbi, zo wa? Zo wa laa alingbi ti gue na mbi na gbe ti ngbanga, zo wa? Zo ti li ni wa laa alingbi ti gbu le ni na mbi, zo wa?”

Nahum 1:4

Lo suku na kota ngu-ingo si kota ngu-ingo ni ahole; lo sara titene *abale kue ahole. Tongaso apere so ayeke na sese ti Bashan na akeke ti hoto ti Karmel ahole; akongo ti pere ti hoto ti Liban ahole.

Josué 3:13

Gi so awayango-sandaga ayeke zia gere ti ala na ya ti ngu ti Jourdain, ala so ayeke yo sanduku ti mbuki ti KOTA GBIA, lo so lo yeke Kota Gbia ti sese kue, fade ya ti ngu ni ayeke kangbi; ngu so alondo na mbage ti nduzu si ayeke ga so ayeke luti, mo baa mo tene, a kanga ni kangango.”

Josué 4:18

Awayango-sandaga so ayeke yo sanduku ti mbuki ti KOTA GBIA asara ye alingbi na yanga so Moïse amu na ala. Gi so ala sigigi na ya ti ngu ti Jourdain si gere ti ala ado kuru sese awe, ngu ni akiri na plase ti lo, asuku tongana ti kozo si ayeke sua ti hon.