Josué 24:9 - Mbeti ti Nzapa - Tënë so amu fini

⁹ Balak, molenge ti Sipor, gbia ti Moab, alondo ti tiri na ala, azo ti Israel. Lo iri Balaam, molenge ti Beor titene lo ga lo deba ala.

Josué 24:9 ပူးပေါင်းရင်းမြစ်များ

Mishe 6:5

Ala azo ti mbi, ala dabe ti ala na ye so Balak, gbia ti Moab, aleke ando na be ti lo ti sarango ni, nga na tënë so Balaam, molenge ti Beor, akiri na ni na Balak so. Ala dabe ti ala nga na londongo so azo ti Israel alondo na Shitim ngbii ala si na Gilgal so. Tongaso, fade ala yeke hinga lege so KOTA GBIA ayeke sara nzoni na azo ti lo.”

Wungo ti azo 22:2

Balak, molenge ti Sipor abaa ye so kue azo ti Israel asara na azo ti mara ti Amori.

Awafango-ngbanga 11:17

So ala si na Kades awe, ala tokua ndo na gbia ti Edom titene lo zia lege na ala ti hon na ya ti kodro ti lo. Me gbia ti Edom ayeda na ala pepe. Na pekoni, ala tokua gi oko tënë so na gbia ti Moab. Gbia ti Moab nga ake. Nilaa azo ti Israel angba na Kades.

Awafango-ngbanga 11:25

Mo yeke ngangu mo hon Balak, molenge ti Sipor, gbia ti Moab? Laoko lo gi tënë na azo ti Israel, wala ti sara bira na ala?