Josué 24:8 - Mbeti ti Nzapa - Tënë so amu fini

⁸ Na pekoni mbi gue na ala, azo ti Israel na sese ti azo ti mara ti Amori so ayeke na To ti ngu ti Jourdain. Azo ti Amori ni atiri bira na ala si mbi zia azo ti Amori ni na maboko ti ala. Ala azo ti Israel, ala mu sese ti azo ni aga ti ala, ngbanga ti so mbi fâ azo ni, mbi hunzi ala kue na dawa ti ala.

Josué 24:8 ပူးပေါင်းရင်းမြစ်များ

Néhémie 9:22

Mo zia akodro-gbia na amara na maboko ti akotara ti e. Ala mu asese so ayeke nduru na ala titene aga ti ala: kodro ti Sihon, gbia ti Heshebon na kodro ti Og, gbia ti Bashan.

Sigingo 23:23

“Na ndembe so ange ti mbi ayeke tambula na dawa ti ala ti gue na ala na ndo ti azo ti mara ti Amori, ti Het, ti Perizi, ti Kanaan, ti Hivi na ti Yebus, fade mbi yeke hunzi amara ni so kue.

Amos 2:10

Kozoni, mbi mu ala, azo ti Israel na kodro ti Ezipte mbi sigigi na ala, mbi fa lege na ala na ya ti benyama ngu baleosio titene ala gue, amu kodro ti mara ti Amori titene aga ti ala.

Amos 2:9

Andaa mbi, mbi fâ ando azo ti mara ti Amori na dawa ti ala, mbi hunzi ala kue; azo ti Amori so ayo na nduzu tongana keke ti sedre si ala yeke na ngangu tongana keke ti shene so. Ti londo na li ti azo ni asi na gere ti ala, mbi fâ ala, mbi hunzi ala kue.

Ndia ti fani use ni 2:32

Sihon na aturugu ti lo kue asigigi ti tiri bira na e na kodro ti Yahas.

Josué 13:10

amu nga agbata ti gbia Sihon, gbia ti azo ti Amori; Sihon ale-gbia lani na gbata ti Heshebon si lengo-gbia ti lo ague ngbii asi na katikati ti sese ti azo ti Amon.