Josué 24:33 - Mbeti ti Nzapa - Tënë so amu fini

³³ Elazar, molenge ti Aaron, akui nga. A lu lo na ndö ti kete hoto so a mu na molenge ti lo Pinas, na sese ti Efraim, ndo so ahoto ayeke daa.

Josué 24:33 ပူးပေါင်းရင်းမြစ်များ

2 Samuel 20:21

Tënë ni laa pepe. Me tënë ni ayeke ti mbeni koli so ayeke zo ti sese ti ahoto ti Efraim; iri ti lo ayeke Sheba, molenge ti Bikri. Lo tomboka na tere ti gbia David. Ala zia gi lo oko na maboko ti mbi si fade mbi londo na gbata ni, mbi hon.” Wali ni atene na Yoab: “Nzoni! Fade e yeke bi li ti lo na mo na ndö ti gbagba.”

1 Agbia 4:8

Iri ti agovoronere ni ayeke so: Molenge ti Hur, lo yeke govoronere na sese ti ahoto ti Efraim;

2 Agbia 5:22

Gehazi akiri tënë na lo: “Ye ayeke daa pepe! Wa ti mbi laa atokua mbi ti tene na mo: ‘Amaseka-koli use na popo ti awayanga-Nzapa alondo na hoto ti Efraim si ala si na mbi fafadeso. Mbi gbu gere ti mo, mo mu na mbi wen ti nginza so nengo ni ayeke kilo baleota nga na fini bongo use ndali ti ala.’ ”

Mbeti ti Job 30:23

Mbi hinga kue, mo yeke gue na mbi na kuâ laa, ndo so a diko ndali ti azo so kue ayeke na fini.

Abia (Psaumes) 49:10

Zo ayeke ngba ande na fini lakue? Lo yeke li ande na du ti kuâ pepe?

Sigingo 6:23

Aaron amu Elisheba, molenge ti Aminadab ti ga wali ti lo. Elisheba ayeke ita ti Nashon ti wali. Aaron na Elisheba adu amolenge-koli osio: Nadab, Abihu, Elazar na Itamar.

Sigingo 6:25

Elazar, molenge ti Aaron ti koli amu mbeni molenge ti Putiel ti ga wali ti lo. Lo na Elazar adu Pinas. So ayeke iri ti ababâ ti asewa ti azo ti mara ti Lévi na lege ti akete mara ti ala laa.

Zakarii 1:5

Fadeso, akotara ti ala ni ayeke na ndo wa? Awayanga-Nzapa ni angba lakue na fini?

Wungo ti azo 3:32

Kota makonzi ti azo ti mara ti Lévi kue ayeke Elazar, molenge ti wayango-sandaga Aaron. Lo laa lo yeke baa ndo na ndö ti akoli so ayeke sara kua ti da so a zia nde ndali ti KOTA GBIA.

Awatokua 13:36

Na ngoi so David angba na fini, lo sara ye so kue Nzapa aye lo ti sara. Na pekoni lo kui, a lu lo na tere ti akotara ti lo si lo fun.

Ahebro 7:24

Me ti Jésus, lo yeke ngba na fini lakue lakue; mbeni zo nde ti mu ndo ti lo, ti sara kua ti yango sandaga ni ayeke daa pepe.

Josué 14:1

Baa asese so a kangbi na azo ti Israel titene aga ti ala na sese ti Kanaan laa. Wayango-sandaga Elazar, na Josué, molenge ti Nune na amakonzi ti asewa ti amara ti Israel laa akangbi ni na ala.

Josué 22:13

Azo ti Israel atokua Pinas, molenge ti wayango-sandaga Elazar ti gue na sese ti Galaad titene lo tene tënë na azo ti mara ti Ruben, ala ti mara ti Gad na ala ti ndambo ti mara ti Manase.

Awafango-ngbanga 17:8

Lo londo na Betlehem na sese ti Juda ti gi mbeni ndo so lo lingbi ti lango daa. Lo gue ngbii lo si na da ti Mika na sese ti Efraim, ndo so ahoto ayeke daa.

Awafango-ngbanga 18:13

Ala londo na ndo so, ala gue na sese ti Efraim, ndo so ahoto ayeke daa; ala si na da ti Mika.

Awafango-ngbanga 20:28

Pinas, molenge ti Elazar, molenge ti Aaron laa ayeke bata sanduku ni. Azo ti Israel atene: “Fade e kiri e sara bira na azo ti Benjamin, a-ita ti e? Wala e zia lege ni?” KOTA GBIA akiri tënë na ala: “Ala gue senge, ngbanga ti so kekereke, mbi yeke zia azo ti Benjamin na maboko ti ala.”

1 Samuel 1:1

Mbeni koli ayeke daa, iri ti lo Elkana; lo yeke lango na Ramataim-Sofim, na sese ti Efraim, ndo so ahoto ayeke daa. Lo yeke molenge ti Yeroam; Yeroam ayeke molenge ti Elihu; Elihu ayeke molenge ti Tohu; Tohu ayeke molenge ti Suf, zo ti mara ti Efraim.

1 Samuel 9:4

Saul na zo ti kua ni ahon na sese ti Efraim, ndo so ahoto ayeke daa; ala hon na ya ti sese ti Shalisha, ala wara anyama ni pepe. Ala hon na ya ti sese ti Shaalim, ye oko ala wara pepe. Ala hon na ya ti sese ti Benjamin, ala gi ndo gbaa.