Josué 24:32 - Mbeti ti Nzapa - Tënë so amu fini

³² Ti abio ti Joseph so azo ti Israel amu na Ezipte si akiri na ni, ala lu ni na Sishem, na sese so Jacob avo na maboko ti amolenge ti Hamor, babâ ti Sishem. Lo vo ni na ale ti nginza ngbangbo oko. Sese ni aga fadeso ti amolenge ti Joseph.

Josué 24:32 ပူးပေါင်းရင်းမြစ်များ

Tongo nda ti aye 33:19

Lo vo mbeni sese na maboko ti amolenge ti Hamor, babâ ti Sishem na ale ti nginza ngbangbo oko. Lo sara da ti lo ti bongo na ndo ni so.

Tongo nda ti aye 48:22

Na ndö ti sese so mo wara, mbi yeke mu nga na mo Sishem. Mbi yeke mu na mo mbage ti sese oko ahon ti a-ita ti mo. Mbi tiri bira na azo ti mara ti Amori si mbi mu sese ni na maboko ti ala na lege ti yongoro zeme nga na kokora.”

Tongo nda ti aye 50:24

Joseph atene na a-ita ti lo: “Mbi ga nduru ti kui awe. Me fade Nzapa ayeke ga ti mu maboko na ala, ti mu ala ti sigigi na ala na ya ti kodro so ti gue na ala na sese so lo deba yanga ti lo ti mu na Abraham, Isaac na Jacob.”

Tongo nda ti aye 50:25

Joseph ahunda na amolenge ti Jacob titene ala deba yanga ti ala, atene: “Tongana Nzapa amu maboko na ala si ala yeke sigigi ande na kodro ni ti hon, ayeke nzoni ala mu abio ti mbi ague na ni.”

Sigingo 13:19

Moïse amu abio ti Joseph ague na ni, ngbanga ti so Joseph ahunda ando na azo ti Israel atene: “Gba fade Nzapa ayeke ga ti mu maboko na ala; ala deba yanga ti ala ti mu abio ti mbi ti gue na ni.”

Jean 4:5

Lo si na ya ti mbeni kete kodro ti Samarii so iri ni Sikar, nduru na yaka so Jacob amu na molenge ti lo Joseph.

Awatokua 7:15

Nilaa Jacob ague na Ezipte. Kâ laa lo na akotara ti e akui.

Awatokua 7:16

A mu kuâ ti ala, a gue na ni na gbata ti Sishem si a lu ala na ya ti du ti kuâ so Abraham avo ando kâ na nginza na maboko ti amolenge ti Hamor.

Ahebro 11:22

Na lege ti mabe, Joseph atene na azo ti Israel na ndembe so lo ga nduru ti kui, lo tene, ala yeke londo gbanda na kodro ti Ezipte ti sigigi. Lo mu nga yanga na ala ngbanga ti ye so ala lingbi ti sara na abio ti lo na ndembe so ala yeke londo ti hon.