Josué 24:28 - Mbeti ti Nzapa - Tënë so amu fini

²⁸ Na pekoni, Josué atene na azo ni titene zo oko oko akiri na sese so a mu na lo ti ga ti lo.

Josué 24:28 ပူးပေါင်းရင်းမြစ်များ

Néhémie 11:20

Tanga ti azo ti Israel, ala na awayango-sandaga na azo ti mara ti Lévi aduti na ya ti ambeni gbata ti Juda, zo oko oko na sese ti lo wani.

Wungo ti azo 36:7

Tongaso, sese ti azo ti Israel alingbi ti londo pepe na mbeni mara ti gue na mbeni mara nde. Alingbi zo ti Israel oko oko angba gi na sese so ayeke ti mara ti babâ ti lo.

Wungo ti azo 36:9

Tongaso, sese ti mbeni mara alingbi ti londo pepe ti gue na mbeni mara nde. Alingbi mara ti Israel oko oko angba gi na sese ti lo wani.”

Josué 22:6

Na pekoni, Josué asara tufa na ndö ti ala si lo zia ala titene ala kiri na ndo ti ala.

Josué 24:27

Josué atene na azo ni kue, atene: “Ala baa têne so mbirimbiri: ni laa ayeke fâ ngbanga na li ti e ndali ti tënë so asigigi na yanga ti e, ngbanga ti so têne ni ama atënë so kue KOTA GBIA atene na e. Biani, fade têne ni ayeke fâ ngbanga na li ti ala ti kanga lege na ala ti bere tënë ti Nzapa ti ala.”

Josué 24:29

Na peko ti aye so, Josué, molenge ti Nune, zo ti kua ti *KOTA GBIA, akui na ngu ngbangbo oko na baleoko.

Awafango-ngbanga 2:6

Na pekoni, Josué azia azo ti Israel titene zo oko oko ague, amu sese so akangbi na lo titene aga ye ti lo.