Josué 24:27 - Mbeti ti Nzapa - Tënë so amu fini

²⁷ Josué atene na azo ni kue, atene: “Ala baa têne so mbirimbiri: ni laa ayeke fâ ngbanga na li ti e ndali ti tënë so asigigi na yanga ti e, ngbanga ti so têne ni ama atënë so kue KOTA GBIA atene na e. Biani, fade têne ni ayeke fâ ngbanga na li ti ala ti kanga lege na ala ti bere tënë ti Nzapa ti ala.”

Josué 24:27 ပူးပေါင်းရင်းမြစ်များ

Mbeti ti Job 31:23

Biani, mbeto titene Nzapa atokua kpale na ndö ti mbi asara mbi mingi; nilaa mbi sara ni pepe. Mbi kpa ti luti na dawa ti gonda ti lo ti sara mara ti ye tongaso?

Mbeti ti Job 31:28

Tongana mbi sara fade sioni ye tongaso, ka wafango-ngbanga alingbi ti fâ ngbanga na li ti mbi; ka mbi ke Nzapa so ayeke na nduzu kâ awe.

Amato 30:9

Biani, tongana mbi yeke na gba ti aye, mbi lingbi ti bere tënë ti mo, mbi tene: ‘KOTA GBIA ni ayeke zo wa?’ Wala tongana mbi yeke wayere, mbi lingbi ti nzi ye. Tongaso, fade mbi yeke buba iri ti Nzapa ti mbi.

Ésaïe 1:2

Yayu, mo ma! Sese, mo dingi mê ti mo, mo ma! *KOTA GBIA laa ayeke tene tënë so: “Mbi bata amolenge, ala kono na gbe ti mbi, me ala tomboka na tere ti mbi.

Ésaïe 59:13

e ke ndia ti mo, e bere tënë ti mo, e ke ti mu peko ti mo, Nzapa ti e, e tene gi atënë ti sarango ngangu na zo nga na sarango ngangu li. Ye so e leke na be ti e na ye so e gbu li ti e daa ayeke gi atënë ti mvene.

Habakuk 2:11

Ataa atêne ti dere ti da ayeke dekongo: ‘Mawa!’ si ayongoro keke ti li ti da ayeke mu tënë na yanga ti atêne ni.

Wungo ti azo 11:20

Me na ya ti nze oko kue, ala yeke te ni ngbii ayeke sigigi na du ti hon ti ala, nzara ni ayeke hunzi na be ti ala. Ye ni ayeke si na ala tongaso, ngbanga ti so ala ke KOTA GBIA so ayeke na popo ti ala si ala toto na dawa ti lo, ala tene: E sigigi na Ezipte ngbanga ti nyen?’ ”

Matthieu 10:33

Me zo so abere tënë ti mbi na le ti azo, fade mbi nga, mbi yeke bere tënë ti lo na le ti Babâ ti mbi so ayeke na yayu.”

Nzoni Tënë so Luc asu na mbeti 19:40

Lo kiri tënë na ala, lo tene: “Mbi tene na ala: tongana ala kai, fade atêne ayeke dekongo!”

Ndia ti fani use ni 30:19

Mbi tene na ala laso biani, yayu na sese ayeke ma mbi: mbi zia na dawa ti ala fini na kuâ, tufa na dengo ba. Alingbi ala soro fini si fade ala ngba na fini, ala na *ahale ti ala.

Ndia ti fani use ni 31:19

Fadeso, Moïse mo na Josué, ala su bia so na mbeti. Ti mo Moïse, mo fa bia ni na azo ti Israel; mo sara kue titene ala manda ni, bia ni angba na yanga ti ala si aga bia so ayeke fa asioni ti ala na le ti ala.

Ndia ti fani use ni 31:21

Tongana akpale na aye ti ngangu asi ande na ala, fade bia so ayeke ga mbeni ye ti bi tënë na li ti ala. Ataa *ahale ti ala ayeke girisa bia so pepe. Biani, gi laso laso, mbi hinga ye so ala leke na be ti ala ti sarango ni kozo si mbi sara titene ala li na ya ti kodro so mbi deba yanga ti mbi ti mu na ala.”

Ndia ti fani use ni 31:26

“Ala mu buku ti Ndia so, ala zia ni na tere ti sanduku ti mbuki ti KOTA GBIA Nzapa ti ala. Buku ni ayeke ngba na ndo so tongana mbeni ye so ayeke fa asioni ti azo ti Israel na le ti ala.

Ndia ti fani use ni 32:1

“Yayu, mo dingi mê ti mo, fade mbi yeke tene tënë! Sese, mo ma atënë so mbi yeke tene!

Ndia ti fani use ni 4:26

Tongana ala sara mara ti asiokpari tongaso, mbi tene na ala laso biani, yayu na sese ayeke ma mbi, sese so ala yeke gue ti mu na mbage ti ngu ti Jourdain kâ titene aga ti ala so, ala yeke ngba na ya ni aninga pepe, a yeke fâ ala kue ti hunzi ala.

Tite 1:16

Ala tene na yanga ti ala atene, ala hinga Nzapa, me ye so ala yeke sara afa so, ala bere tënë ti lo awe. Ala yeke azo so sioni ti ala ahon ndoni, azo ti ngangu li, ala lingbi ti sara nzoni ye oko pepe.

Josué 22:34

Azo ti mara ti Ruben na ti Gad adi iri ti gbalaka ni: “Gbalaka so ayeke duti mbeni ye na popo ti e” ti fa atene, KOTA GBIA ayeke Nzapa.

Josué 24:28

Na pekoni, Josué atene na azo ni titene zo oko oko akiri na sese so a mu na lo ti ga ti lo.

Aye so Nzapa afa 3:8

Lo tene: Mbi hinga aye so mo yeke sara. Mbi zi mbeni yanga ti da na dawa ti mo so mbeni zo alingbi ti kanga ni pepe. Mo yeke na ngangu mingi pepe, me mo sara ye alingbi na tënë ti mbi si mo bere tënë ti mbi pepe.

1 Samuel 7:12

Samuel amu mbeni têne si lo zia ni na popo ti Mispa na ndo so a iri ni Pembe. Lo di iri ti têne ni Eben-Ezer si lo tene: “KOTA GBIA amu maboko na e ngbii asi na ndo so.”