Josué 24:25 - Mbeti ti Nzapa - Tënë so amu fini

²⁵ Na lango ni so, Josué na azo ni aga ambuki. Lo leke andia na aye so Nzapa afa ndali ti azo na gbata ti Sishem.

Josué 24:25 ပူးပေါင်းရင်းမြစ်များ

Tongo nda ti aye 35:4

Tongaso azo ni amu na Jacob anzapa ti akodro wande so ala yeke na ni, nga na *akati so ayeke na mê ti ala. Jacob amu ni si lo lu ni na gbe ti kota keke so ayeke nduru na Sishem.

2 Agbia 11:17

Yoyada asara mbuki na popo ti KOTA GBIA na gbia nga na azo ti kodro titene ala ga azo ti KOTA GBIA. Yoyada asara nga mbuki na popo ti gbia na azo ti kodro.

2 Mbai 15:12

Ala deba yanga ti ala na lege ti mbuki ti gi KOTA GBIA, Nzapa ti akotara ti ala na be ti ala kue, na yingo ti ala kue.

2 Mbai 15:15

Tere ti azo ti Juda kue anzere ndali ti deba ti yanga ti ala so ala de so, ngbanga ti so ala sara ni na be ti ala kue. Azo kue azia be ti ala ti gi KOTA GBIA; nilaa lo zia lege na ala ti wara lo. Lo mu na ala siriri mbage na mbage kue.

2 Mbai 23:16

Yoyada asara mbuki na popo ti lo na azo kue nga na gbia titene ala ga azo ti KOTA GBIA.

2 Mbai 29:10

Fadeso, mbi ye ti sara *mbuki na KOTA GBIA, Nzapa ti Israel, tongaso si sioni ngonzo ti lo ade na tere ti e.

Sigingo 15:25

Moïse adema tere ti lo na KOTA GBIA si KOTA GBIA afa na lo mbeni nduru keke. Moïse amu keke ni, lo bi na ya ti ngu ni si ngu ni aga nzoni. Na ndo so laa KOTA GBIA amu na azo ti Israel andia nga na lege ti sarango ye so lo fa. Na ndo so nga laa KOTA GBIA atara be ti ala.

Sigingo 24:3

Moïse aga afa na azo ni peko ti atënë kue ti KOTA GBIA nga na andia ti lo kue. Azo ni kue akiri tënë yanga oko, atene: “Atënë so kue KOTA GBIA atene, fade e yeke sara ye alingbi na ni.”

Ndia ti fani use ni 29:1

Moïse abongbi azo ti Israel kue si lo tene na ala: Ala wani abaa na le ti ala aye so kue *KOTA GBIA asara na gbia Faraon, na azo ti gbe ti lo nga na kodro ti lo kue.

Josué 24:1

Josué abongbi amara ti Israel kue na Sishem. Lo iri *akangba ti ala, amakonzi ti ala, awafango-ngbanga ti ala nga na awafango-ndia ti ala. Ala ga aluti na dawa ti Nzapa.

Josué 24:26

Josué asu atënë so na ya ti mbeti ti *Ndia ti Nzapa. Na pekoni, lo mu mbeni kota têne, lo leke ni aluti na nduzu na gbe ti keke ti shene, na ndo so a zia nde ndali ti KOTA GBIA.