Josué 24:23 - Mbeti ti Nzapa - Tënë so amu fini

²³ Tongaso Josué atene: “Fadeso, ala zi anzapa nde so ayeke na popo ti ala! Ala mu be ti ala kue na KOTA GBIA, Nzapa ti Israel!”

Josué 24:23 ပူးပေါင်းရင်းမြစ်များ

1 Agbia 8:57

Fadeso, ayeke nzoni KOTA GBIA, Nzapa ti e aduti na e tongana ti so lo duti ando na akotara ti e! Ayeke nzoni lo zia e pepe, lo girisa e pepe.

1 Agbia 8:58

Ayeke nzoni lo sara si be ti e angba na mbage ti lo, tongaso si e sara ye na lege so be ti lo aye, e sara ye alingbi na atënë ti ndia ti lo, ambela ti lo nga na andia so lo mu ando na akotara ti e.

Abia (Psaumes) 119:36

Sara si mbi gi ti wara ye gi ndali ti mbi wani pepe, me mbi gi lege ti sara aye so mo hunda.

Abia (Psaumes) 141:4

Sara si be ti mbi ague na lege ti sioni pepe, sara si mbi sara aye ti sioni pepe legeoko na azo ti sarango sioni. Ayeke nzoni anzerengo kobe ti ala andu yanga ti mbi pepe.

Abia (Psaumes) 81:10

Fade mbeni nzapa nde ayeke duti na sese ti mo pepe, fade mo yeke kuku ti voro mbeni nzapa nde pepe.

Sigingo 20:23

Alingbi ala mu wen ti nginza wala lôro, ala leke na ambeni nzapa nde ti zia na tere ti mbi pepe; ala sara ambeni nzapa nde ndali ti ala wani pepe.

Amato 2:2

Dingi mê ti mo, mo ma atënë ti ndara, gi lege ngangu ti ma ya ni.

Osée 14:8

Azo ti mbi ayeke kiri ti duti na gbe ti de ti lo, ala yeke kiri ti lu ale ti *ble, ala yeke mai tongana keke ti vinye; sango ti ala ayeke mu ndo kue tongana ti pendere vin ti Liban.

Josué 24:14

Josué akiri atene: “Fadeso, ala kpe mbeto ti KOTA GBIA, ala sara kua na lo na legeni nga na be ti ala kue! Anzapa so akotara ti ala asara ando kua na ala na mbage ti ngu ti Efrate nga na ti Ezipte so, ala zi anzapa ni yamba si ala sara kua gi na KOTA GBIA.