Josué 24:20 - Mbeti ti Nzapa - Tënë so amu fini

²⁰ Tongana ala zia KOTA GBIA ti sara kua na ambeni nzapa nde, fade lo yeke kiri na ndö ti ala ti sara sioni na ala, lo yeke fâ ala ti hunzi ala na peko ti nzoni so lo sara na ala.”

Josué 24:20 ပူးပေါင်းရင်းမြစ်များ

1 Mbai 28:8

Ti fadeso, na le ti azo ti Israel kue, na le ti bongbi ti azo ti KOTA GBIA nga na le ti Nzapa ti e, ayeke nzoni ala, a-ita ti mbi, ala bata andia kue ti KOTA GBIA, Nzapa ti ala. Tongaso si ala yeke ngba na nzoni kodro so si ala yeke zia ni titene aga ti amolenge ti ala kpu na kpu.

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

2 Mbai 15:2

Lo gue, lo wara Asa si lo tene na lo: “Gbia Asa, mo na azo ti Juda nga na azo ti Benjamin kue, ala ma mbi si! *KOTA GBIA ayeke na ala, tongana ala yeke na lo. Tongana ala gi lo, fade lo yeke zi lege na ala ti wara lo; me tongana ala zia lo, fade lo nga lo yeke zia ala.

Esdras 8:22

Tongana mbi hunda fade na gbia titene lo mu na e aturugu na azo ti kpengo na ambarata titene ala bata e na lege ndali ti awato ti e, ka kamene asara mbi. Biani, lani e tene na gbia, e tene: “Maboko ti Nzapa ti e ayeke na ndö ti azo so kue ayeke gi lo; me ngonzo ti lo ayeke londo ngangu na tere ti azo so azia lo.”

Abia (Psaumes) 89:31

“Tongana ahale ti lo azia *Ndia ti mbi, tongana ala sara ye na lege ti atënë ti ndia ti mbi pepe,

Ésaïe 1:28

Me azo ti ngangu li na azo ti siokpari, fade a yeke kungbi ala; azo so azia *KOTA GBIA, gigi ti ala ayeke hunzi.

Ésaïe 63:10

Me ala tomboka na tere ti lo, ala sara si yingo ti lo so ayeke nde si ayeke nzoni kue awara vundu. Tongaso lo kiri lo ga wato ti ala si lo wani, lo tiri bira na ala.

Jérémie 17:13

*KOTA GBIA, mo laa azo ti Israel azia be ti ala ti ku mo. Azo so kue ado mo azia, ayeke nzoni kamene agbu le ti ala. Azo so azia lege ti mo, ala yeke tongana azo so a su iri ti ala na ya ti fuku ti sese. Biani, ala do mo azia mo awe, KOTA GBIA, mo so mo yeke li ti ngu so ayeke mu fini na zo.

Ezekiel 18:24

Me ti zo ti mbirimbiri so azia lege ti sarango ye ti mbirimbiri ti lo, tongana lo to nda ti sara asioni ye so zo alingbi ti baa na le ti lo fani use pepe tongana ti azo ti sioni, ala baa ti ala atene, fade lo yeke ngba na fini? Aye ti mbirimbiri so kue lo sara, a yeke kiri ti dabe na ni pepe. Fade lo yeke kui ndali ti asioni ye ti lo nga ndali ti asiokpari so lo sara.

Awatokua 7:42

Nilaa Nzapa azia ala titene ala voro atongoro ti yayu, tongana ti so a tene tënë ni na ya ti mbeti ti awayanga-Nzapa, atene: ‘Ala azo ti Israel, anyama so ala fâ nga na sandaga so ala mu na ya ti ngu baleosio so ala sara na benyama so, ala ga na ni na mbi?

Ndia ti fani use ni 4:25

Tongana ala duti ande na sese ni aninga si ala du amolenge, amolenge ti ala adu amolenge, alingbi ala sara siokpari pepe na lege ti sarango mbeni yanda, limo ti mbeni ye so a leke na kode si akpa limo ti aye nde nde. Ala sara pepe ye so ayeke sioni ti so be ti KOTA GBIA Nzapa ti ala.

Ndia ti fani use ni 4:26

Tongana ala sara mara ti asiokpari tongaso, mbi tene na ala laso biani, yayu na sese ayeke ma mbi, sese so ala yeke gue ti mu na mbage ti ngu ti Jourdain kâ titene aga ti ala so, ala yeke ngba na ya ni aninga pepe, a yeke fâ ala kue ti hunzi ala.

Ahebro 10:38

Nzapa atene: “Zo so aga mbirimbiri na le ti mbi na lege ti mabe, fade lo yeke duti na fini. Me tongana lo zia lege ti mabe, fade mbi yeke wara ngia na lege ti lo pepe.”

Josué 24:21

Azo ni akiri tënë na Josué, atene: “Ên-en! E yeke sara kua gi na KOTA GBIA.”

1 Samuel 12:15

Me tongana ala ma yanga ti KOTA GBIA pepe, tongana ala ke andia ti lo, fade maboko ti KOTA GBIA ayeke sara ngangu na ala tongana ti so lo sara ando na akotara ti ala so.

1 Samuel 12:25

Me tongana ala sara sioni, fade a yeke nika ala, ala na gbia ti ala kue.”