Josué 24:19 - Mbeti ti Nzapa - Tënë so amu fini

¹⁹ Josué atene na azo ni, atene: “Ala lingbi ti sara kua na KOTA GBIA pepe, ngbanga ti so lo yeke Nzapa so lo yeke nde si lo yeke nzoni kue; lo yeke Nzapa so ayeke sara mbanda ti azo ti lo. Ndali ngangu li ti ala na siokpari ti ala, fade lo yeke zi tënë na li ti ala pepe.

Josué 24:19 ပူးပေါင်းရင်းမြစ်များ

2 Mbai 36:16

Me azo ti Juda ahe awatokua ti Nzapa, ala baa atënë ti Nzapa tongana buba ye, ala he awayanga-Nzapa na ngia ngbii ngonzo ti KOTA GBIA ti wâ alondo na tere ti azo ti lo, ngonzo so ala lingbi ti sigigi na ya ni pepe.

Abia (Psaumes) 99:3

Ayeke nzoni azo asepela iri ti mo so ayeke kota si ayeke zia mbeto na be ti zo. – Biani, mo yeke nde si mo yeke nzoni kue!

Abia (Psaumes) 99:5

Ala azo, ala mu iri ti KOTA GBIA Nzapa ti e na nduzu, ala kuku akpo li ti ala na sese na dawa ti mbata ti gere ti lo. – Biani, lo yeke nde si lo yeke nzoni kue!

Abia (Psaumes) 99:9

Ala mu iri ti KOTA GBIA Nzapa ti e na nduzu, ala kuku akpo li ti ala na sese na dawa ti hoto ti lo so ayeke nde si ayeke nzoni kue. – Biani, KOTA GBIA Nzapa ti e ayeke nde si ayeke nzoni kue!

Sigingo 20:5

Alingbi mo kuku na gbe ti ayanda so pepe, mo voro ala pepe, ngbanga ti so mbi KOTA GBIA Nzapa ti mo, mbi yeke Nzapa so ayeke sara mbanda ti azo ti lo. Azo so asara sioni ti ke mbi, mbi yeke kiri na sioni ti azo ni na ndö ti *ahale ti ala, ngbii asi na molongo ota ni wala molongo osio ni.

Sigingo 23:21

Ala kpe mbeto ti lo, ala ma yanga ti lo. Ala sara ye ti songo be na lo pepe, fade lo yeke zi siokpari na li ti ala pepe, ngbanga ti so lo yeke sara ye na iri ti mbi.

Sigingo 34:14

Fade ala yeke kuku akpo li ti ala na sese na gbe ti mbeni nzapa nde pepe, ngbanga ti so iri ti KOTA GBIA ayeke: ‘Lo so lo yeke sara mbanda’. Biani, mbi yeke Nzapa so mbi yeke sara mbanda.

Sigingo 34:7

Mbi yeke sara nzoni be na azo ngbii asi na molongo ti ala saki oko. Azo so asara sioni, azo so asara ngangu li na azo so asara siokpari, mbi yeke kanga be na ala; me zo so tënë ayeke na li ti lo, mbi yeke zia lo senge pepe. Azo so asara siokpari, mbi yeke sara titene siokpari ti azo ni akiri na ndö ti amolenge ti ala na *ahale ti ala ngbii asi na molongo ota ni wala osio ni.”

Ésaïe 2:9

Ndani laa, fade azo ayeke ba li ti ala na sese, kamene ayeke gbu le ti ala. KOTA GBIA, zi siokpari na li ti ala pepe!

Ésaïe 27:11

Tongana amaboko ti keke ahole, a yeke fâ ni si awali ayeke ga ti ro ni ti sara na wâ. Biani, azo so ahinga ndo pepe. Ndani laa lo so lo sara ala abaa mawa ti ala pepe, lo so lo sara ala azi tënë na li ti ala pepe.

Ésaïe 30:11

Ala zia nzoni lege, ala hon yamba, ala londo na ndö ti nzoni lege. Ala kiri atene na e tënë ti Nzapa ti Israel pepe, lo so lo yeke nde si lo yeke nzoni kue so!”

Ésaïe 30:15

Biani, Kota Gbia NZAPA ti Israel, lo so lo yeke nde si lo yeke nzoni kue, tënë so lo tene ayeke so: Ala lingbi ti soo kuâ gi tongana ala kiri na mbi si ala duti kpoo. Ala yeke wara ngangu gi tongana ala duti kpoo si ala zia be ti ala na ndö ti mbi. Me ala ye pepe.

Ésaïe 5:16

KOTA GBIA so ayeke na ndö ti dunia kue, a yeke ya iri ti lo na lege ti fango ngbanga ti lo; Nzapa so ayeke nde si ayeke nzoni kue, lo yeke fa so lo yeke nde si lo yeke nzoni kue na lege ti mbirimbiri ti lo.

Awayango-sandaga 10:3

Moïse atene na Aaron: “KOTA GBIA atene lani tongaso: ‘Azo so ayeke ga nduru na mbi, mbi ye si ala hinga atene, mbi yeke nde si mbi yeke nzoni kue; mbi ye si ala gonda mbi na le ti azo kue.’ ” Aaron aduti gi kpoo, lo zi yanga oko pepe.

Awayango-sandaga 11:44

Mbi laa mbi yeke KOTA GBIA Nzapa ti ala: alingbi ala sara ye tongana azo so ayeke nde si ayeke nzoni kue, ngbanga ti so mbi yeke nde si mbi yeke nzoni kue. Akete nyama so ayeke gbani na ndö ti sese, alingbi ala ga *sioni ndali ti ala pepe.

Awayango-sandaga 11:45

Biani, mbi KOTA GBIA laa, mbi sara si ala sigigi na kodro ti Ezipte titene mbi duti Nzapa ti ala. Tongaso, ayeke nzoni ala duti azo so ayeke nde si ayeke nzoni kue, ngbanga ti so mbi yeke nde si mbi yeke nzoni kue.”

Awayango-sandaga 19:2

Mo tene na bongbi ti azo ti Israel kue, mo tene: “Ayeke nzoni ala duti nde si ala duti nzoni kue, ngbanga ti so mbi KOTA GBIA Nzapa ti ala, mbi yeke nde si mbi yeke nzoni kue.

Awayango-sandaga 20:26

“Ayeke nzoni ala duti nde, ala duti nzoni kue ndali ti mbi, ngbanga ti so mbi KOTA GBIA, mbi yeke nde si mbi yeke nzoni kue. Mbi zia ala nde na popo ti amara nde titene ala ga azo ti mbi.

Awayango-sandaga 20:7

“Ala sara ye tongana azo so ayeke nde si ayeke nzoni kue, ngbanga ti so mbi laa mbi yeke KOTA GBIA, Nzapa ti ala.”

Nahum 1:2

*KOTA GBIA ayeke Nzapa so ayeke sara mbanda, lo yeke kiri peko ti sioni na azo so asara sioni na lo. KOTA GBIA ayeke kiri peko ti sioni na azo so ake lo; ngonzo ti lo ayeke sioni mingi. Lo yeke kiri peko ti sioni na awato ti lo, ngonzo ti lo ayeke londo tongana wâ na tere ti ala.

Habakuk 1:13

Le ti mo alingbi na bango asioni ye pepe, ngangu so zo ayeke sara na mba ti lo, mo lingbi ti yeda ti baa ni pepe. Azo so ayeke ka amba ti ala so, mo lingbi ti yeda ti baa ala? So azo ti sioni ayeke buba azo so ayeke mbirimbiri ahon ala so, mo ke ti zi yanga ti mo daa ngbanga ti nyen?

Matthieu 6:24

“Zo oko alingbi ti sara kua na amakonzi use pepe, ngbanga ti so fade lo yeke ke mbeni oko si lo yeke ye mbeni; lo yeke ma yanga ti mbeni oko si lo yeke baa mbeni na le ti lo tongana senge zo. Ala lingbi ti sara kua na Nzapa nga na nginza legeoko pepe.”

Josué 24:18

KOTA GBIA atumba amara kue na dawa ti e, mbirimbiri azo ti mara ti Amori so ayeke lango ando na sese ni so. Tongaso, e nga, fade e yeke sara kua na KOTA GBIA, ngbanga ti so lo yeke Nzapa ti e.”

Josué 24:23

Tongaso Josué atene: “Fadeso, ala zi anzapa nde so ayeke na popo ti ala! Ala mu be ti ala kue na KOTA GBIA, Nzapa ti Israel!”

Ruth 1:15

Noemi atene na Ruth: “Baa, ita ti mo akiri na popo ti azo ti lo nga na tere ti anzapa ti lo awe. Mo sara tongana ti ita ti mo, mo kiri na ndo ti mo.”

1 Samuel 3:14

Ndani laa, mbi deba yanga ti mbi na azo ti sewa ti Heli, mbi tene: Ataa ala mu *sandaga wala mbeni ye na mbi, so laa ayeke zi ande siokpari na li ti ala laoko pepe.”

1 Samuel 6:20

Azo ti Bet-Shemesh atene: “Zo wa laa alingbi ti luti na le ti KOTA GBIA, Nzapa so ayeke nde si ayeke nzoni kue so? Fade e yeke tokua sanduku ti mbuki ni na ndo ti zo wa titene ahon yongoro na tere ti e?”