Josué 24:17 - Mbeti ti Nzapa - Tënë so amu fini

¹⁷ Biani, KOTA GBIA Nzapa ti e laa asara si e sigigi, e na akotara ti e na Ezipte, ndo so lani e yeke angbaa daa. Lo sara akota ye ti kpene so le ti e kue abaa ni; lo bata e na ndembe so kue e yeke tambula na lege na gango ni, na popo ti amara so kue e hon na ya ti akodro ti ala.

Josué 24:17 ပူးပေါင်းရင်းမြစ်များ

2 Mbai 13:10

Ti e, KOTA GBIA laa ayeke Nzapa ti e; e zia lo pepe. Awayango-sandaga so ayeke sara kua na KOTA GBIA ayeke ahale ti Aaron si azo ti mara ti Lévi ayeke sara kua ti ala.

Sigingo 13:14

Gbanda, tongana amolenge ti ala ahunda ala, atene: ‘Nda ti ye so ala sara so ayeke nyen?’ Fade ala kiri tënë na ala, atene: ‘Na ngangu ti maboko ti KOTA GBIA, lo sara si e sigigi na Ezipte, ndo so lani e yeke angbaa daa so.

Sigingo 13:3

Moïse atene na azo ni, atene: “Lango so lani ala sigigi na sese ti Ezipte, ndo so ala yeke angbaa daa so, ala dabe ti ala na ni! Biani, na lege ti ngangu ti maboko ti KOTA GBIA, lo zi ala, lo sigigi na ala na ya ti kodro ni. Mapa so a sara na mama ni, fade ala te ni pepe.

Sigingo 19:4

‘Ala wani abaa na le ti ala ye so mbi sara na azo ti Ezipte. Ala baa lege so mbi yo ala, mbi ga na ala ge na tere ti mbi; mbi yo ala tongana ti so *ngoalo ayeke yo amolenge ti lo na ndö ti *kpangi ti lo.

Ésaïe 46:4

Mbi yeke ngba gi tongaso ngbii asi na mbakoro ti ala; mbi yeke yo ala ngbii kua ti li ti ala avuru. Mbi laa mbi sara ala, mbi laa mbi yeke yo ala. Biani, mbi yeke ngba ti yo ala si mbi yeke soo ala.

Ndia ti fani use ni 29:2

Ala baa akota pasi so lo tokua na ndö ti ala, aye ti kpene na akota ye ti dongo be so lo sara.

Ndia ti fani use ni 32:9

Me azo ti Israel ayeke azo so aga ti KOTA GBIA, *ahale ti Jacob aga ye ti lo.

Ndia ti fani use ni 7:19

ala wani abaa na le ti ala akota pasi, aye ti kpene na aye ti dongo be so KOTA GBIA asara lani. Ala dabe ti ala nga na ngangu ti maboko ti lo nga na maboko ti lo so lo yoro ti sara si ala sigigi na ya ti kodro ni. Fade KOTA GBIA Nzapa ti ala ayeke sara legeoko tongaso na amara nde so kue ala, azo ti Israel, ala ngba ti sara mbeto ti ala so.

Josué 24:16

Azo ni akiri tënë: “E lingbi ti zia KOTA GBIA oko pepe ti sara kua na ambeni nzapa nde!

Josué 24:18

KOTA GBIA atumba amara kue na dawa ti e, mbirimbiri azo ti mara ti Amori so ayeke lango ando na sese ni so. Tongaso, e nga, fade e yeke sara kua na KOTA GBIA, ngbanga ti so lo yeke Nzapa ti e.”