Josué 24:15 - Mbeti ti Nzapa - Tënë so amu fini

¹⁵ Tongana sarango kua ti KOTA GBIA anzere na ala pepe, ala soro laso anzapa so ala ye ti sara kua na ala: wala ala ye ti voro anzapa so akotara ti ala avoro ala ando na mbage ti ngu ti Efrate, wala ala ye ti voro anzapa ti mara ti Amori so ala ayeke na popo ti ala. Me ti mbi na azo ti da ti mbi, fade e yeke sara kua na KOTA GBIA.”

Josué 24:15 ပူးပေါင်းရင်းမြစ်များ

Tongo nda ti aye 18:19

Mbi soro lo titene lo mu yanga na amolenge ti lo, na *ahale ti lo so kue ayeke ga na peko ti lo titene ala ma yanga ti KOTA GBIA; ala sara ye so ayeke mbirimbiri, na ye so ayeke na legeni. Tongaso si mbi KOTA GBIA, mbi yeke sara ande na Abraham aye so kue mbi tene tënë ti sarango ni ndali ti lo.”

Tongo nda ti aye 35:2

Jacob atene na azo ti sewa ti lo nga na azo so kue amu peko ti lo, atene: “Ala zi anzapa ti akodro wande so ayeke na popo ti ala. Ala *sukula asioni ti ala si ala yu ambeni bongo nde.

1 Agbia 18:21

Élie ague nduru na azo ni kue si lo tene: “Lawa laa ala yeke zia ti gue mbage na mbage so? Tongana *KOTA GBIA laa ayeke Nzapa, ala mu peko ti lo. Tongana ayeke *Baal, ala mu peko ti lo.” Me mbeni zo na popo ti ala akiri tënë oko pepe.

1 Mbai 1:14

Lo yeke kotara ti azo ti mara ti Yebus, ti Amori, ti Girgashi,

Abia (Psaumes) 101:2

Mbi ye ti hinga lege ti sarango ye ti azo so alingbi kue. Lawa laa mo yeke ga ande na mbage ti mbi? Na ya ti da ti mbi, mbi yeke sara ye na be so alingbi kue.

Abia (Psaumes) 119:106

Mbi deba yanga ti mbi awe si mbi luti na ndö ni, mbi tene: mbi yeke sara ye alingbi na atënë ti fango ngbanga ti mo ti mbirimbiri.

Sigingo 23:2

Tongana gba ti azo aye ti sara sioni, ala mu peko ti azo ni pepe. Tongana gba ti azo aye ti tene mvene na le ti ngbanga, ala mu peko ti azo ni pepe, tongana azo ni aye ti fâ ngbanga ni na legeni pepe.

Sigingo 23:24

Fade ala yeke kuku na gbe ti anzapa ti amara ni so pepe, ala yeke voro anzapa ni pepe; ala yeke mu peko ti sarango ye ti amara ni pepe. Me fade ala yeke buba alimo ti anzapa ni biani biani, ala yeke kungbi na sese angbongboro têne ti ala so ala leke si aluti na nduzu so.

Sigingo 34:15

Tongaso, alingbi ala na azo ti kodro ni aga ambuki pepe. Tongaso pepe, tongana azo ni ayeke kpe na peko ti anzapa ti ala si ayeke mu *asandaga na anzapa ni, gbaa fade azo ni ayeke tisa ala, azo ti Israel ti te kobe so azo ni ayeke mu na sandaga na anzapa ti ala ni.

Ezekiel 20:39

Ti ala, azo ti Israel, tënë so mbi Kota Gbia NZAPA, mbi tene ayeke so: Ayeke nzoni zo oko oko ague, avoro ayanda ti lo ma! Me na pekoni, e yeke baa wala ala yeke ngba ti ke yanga ti mbi. Tongaso, iri ti mbi so ayeke nde si ayeke nzoni kue, ala yeke kiri ti sara si aga sioni pepe na lege ti amatabisi ti ala nga na lege ti vorongo ayanda ti ala.

Daniel 3:18

Ataa lo zi e pepe, o gbia, hinga, mo tene, e yeke sara ande na anzapa ti mo pepe; e yeke voro nga yanda ti lôro so mo zia aluti na nduzu so pepe.”

Awayango-sandaga 14:42

Na pekoni, a yeke mu ambeni têne nde ti zia na ndo so lani akozo têne ni ayeke daa; a yeke mu mbeni sese nde, a sara na potopoto ti bo na tere ti da ni.

Mishe 4:5

Amara oko oko ayeke sara ye gi na iri ti anzapa ti ala; me ti e, e yeke sara ye gi na iri ti KOTA GBIA, Nzapa ti e kpu na kpu.

Awatokua 11:23

So lo si, lo baa lege so Nzapa asara nzoni be na azo ni. Be ti lo asi na ngia si lo mu wango na ala titene ala kue angba ti mu peko ti Kota Gbia lakue.

Ndia ti fani use ni 13:7

Mbeni ye tongaso alingbi ti si: mbeni ita ti ala ti koli so ayeke molenge ti mama ti ala, wala molenge ti ala ti koli, wala molenge ti ala ti wali, wala wali ti ala so ayeke lango na kate ti ala, wala mbeni mba ti ala so ala na lo aye tere mingi aga abaa ala na hondengo ni si atene na ala: “E gue, e voro ambeni nzapa nde”; – andaa ayeke anzapa so, ala azo ti Israel, ala hinga ala pepe, akotara ti ala ahinga nga ala pepe.

Ndia ti fani use ni 29:18

Tongana mbeni zo ama atënë ti dengo ba so si lo wara nzerengo tere na be ti lo kâ, lo tene: “Fade aye ti mbi kue ayeke ga nzoni, ataa so mbi ngba ti sara ngangu li si mbi yeke sara aye so be ti mbi aye.” Biani, sese so anyon ngu alingbi na lo ayeke kiri ti hunda ngu pepe.

Josué 24:16

Azo ni akiri tënë: “E lingbi ti zia KOTA GBIA oko pepe ti sara kua na ambeni nzapa nde!

Awafango-ngbanga 6:10

Mbi tene na ala: Mbi yeke KOTA GBIA, Nzapa ti ala. Ayeke nzoni ala voro anzapa ti azo ti Amori pepe so ayeke lango na sese ti ala.’ Me ala ke ti ma yanga ti mbi.”