Josué 24:11 - Mbeti ti Nzapa - Tënë so amu fini

¹¹ Ala fâ ngu ti Jourdain si ala si na Jéricho. Azo ti Jéricho ni atiri bira na ala. Azo ti mara ti Amori, ala ti Perizi, ala ti Kanaan, ala ti Het, ala ti Girgashi, ala ti Hivi na ala ti Yebus nga atiri bira na ala. Me mbi zia azo ni kue na maboko ti ala, azo ti Israel.

Josué 24:11 ပူးပေါင်းရင်းမြစ်များ

Tongo nda ti aye 15:19

Kodro ni ayeke bongbi akodro ti azo ti mara ti Keni, ti Kenizi, ti Kadmoni,

Abia (Psaumes) 105:44

Na pekoni, lo mu na ala sese ti amara nde si ye ti peko ti kua ti amara ni aga ti ala.

Abia (Psaumes) 114:3

Kota ngu-ingo abaa ye ni si akpe; ngu ti Jourdain akiri na peko.

Abia (Psaumes) 114:5

Kota ngu-ingo, nyen laa asara mo si mo kpe so? Ngu ti Jourdain, nyen laa asara mo si mo kiri na peko so?

Sigingo 13:5

Tongana KOTA GBIA asara si ala si na kodro ti azo ti Kanaan, azo ti mara ti Het, ti Amori, ti Hivi nga na ti azo ti Yebus, fade ala yeke sara matanga so na ya ti nze so. Kodro so KOTA GBIA adeba yanga ti lo na akotara ti ala ti mu ni na ala laa; ngu ti me ti bagara na mafuta ti wotoro asi singo daa.

Sigingo 23:23

“Na ndembe so ange ti mbi ayeke tambula na dawa ti ala ti gue na ala na ndo ti azo ti mara ti Amori, ti Het, ti Perizi, ti Kanaan, ti Hivi na ti Yebus, fade mbi yeke hunzi amara ni so kue.

Sigingo 23:28

Mbi yeke tokua akota didiri kozo ti ala titene adidiri ni atumba na dawa ti ala azo ti mara ti Hivi, azo ti Kanaan na azo ti mara ti Het.

Sigingo 23:31

Fade mbi yeke sara titene katikati ti sese ti ala alondo na kota ngu-ingo ti Asosongo ague ngbii asi na kota ngu-ingo ti Mediterane, akiri alondo na benyama ti Sinai ague ngbii asi na *bale ti Efrate. Mbi yeke zia azo ti sese ni na maboko ti ala si ala yeke tumba azo ni.

Sigingo 3:17

Nilaa mbi tene: Mbi yeke zi ala na sese ti Ezipte, ndo so ala yeke baa pasi daa mingi so, ti sigigi na ala. Mbi yeke gue na ala na sese ti azo ti Kanaan, azo ti mara ti Het, ti Amori, ti Perizi, ti Hivi na ti Yebus, *sese so ngu ti me ti bagara na mafuta ti wotoro asi singo daa.’

Sigingo 3:8

Nilaa mbi zu ti zi ala na maboko ti azo ti Ezipte, ti mu ala na sese so ala yeke daa, ti gue na ala na mbeni nzoni sese so akono, so *ngu ti me ti bagara na mafuta ti wotoro asi singo daa. Sese ni ayeke sese ti azo ti Kanaan, ti azo ti mara ti Het, ti Amori, ti Perizi, ti Hivi na ti Yebus.

Sigingo 33:2

Fade mbi yeke tokua *ange ti mbi na dawa ti ala. Mbi yeke tumba azo ti Kanaan, azo ti mara ti Amori, ti Het, ti Perizi, ti Hivi nga na azo ti mara ti Yebus.

Awatokua 13:19

Na pekoni, lo fâ azo ti ambeni mara mbarambara so kue ayeke na sese ti Kanaan si lo mu sese ti ala ni ti ga ye ti azo ti lo.

Awatokua 7:45

So akotara ti e awara da ni awe, ala mu ni, ala na Josué ague na ni na ya ti akodro so ala mu ni na maboko ti amara so Nzapa atumba ala na dawa ti akotara ni. Da so angba na ya ti akodro ni ngbii asi na ngoi ti David.

Ndia ti fani use ni 7:1

Moïse atene: Fade *KOTA GBIA Nzapa ti ala ayeke gue na ala titene ala li na ya ti kodro so ala yeke mu ni titene aga ti ala. Lo yeke tumba gba ti amara nde na dawa ti ala, amara mbarambara so awu mingi si ala yeke ngangu mingi ahon ala: azo ti mara ti Het, ti Girgashi, ti Amori, ti Kanaan, ti Perizi, ti Hivi na ti Yebus.

Josué 3:10

Na pekoni lo kiri lo tene: “Ye so ala yeke hinga atene, Nzapa so ayeke na fini ayeke na popo ti ala ayeke so: lo yeke tumba biani biani na dawa ti ala azo ti Kanaan, azo ti mara ti Het, ti Hivi, ti Perizi, ti Girgashi, ti Amori na azo ti mara ti Yebus.

Josué 4:1

So azo ti Israel kue afâ ngu ti Jourdain awe, *KOTA GBIA atene na Josué, atene:

Josué 4:19

Azo ti Israel afâ ngu ti Jourdain na lango baleoko ti kozo nze ti ngu ni. Ala sara bâbâ ti ala na Gilgal, na To ti Jéricho.

Josué 4:23

Biani, KOTA GBIA Nzapa ti ala asara si na hongo ti ala, ngu ti Jourdain ahole. Lo kanga ngu ni ngbii ala kue ahon na mbage ni kâ, tongana ti so lo kanga ando kota ngu-ingo ti Asosongo na hongo ti e ngbii e hon kue na mbage ni kâ so.

Josué 9:2

ama tere ti tiri bira na Josué nga na azo ti Israel.