Josué 23:9 - Mbeti ti Nzapa - Tënë so amu fini

⁹ KOTA GBIA atumba na dawa ti ala amara so ayeke kota si ayeke ngangu mingi; zo oko agbu le ni na ala, azo ti Israel pepe, ngbii asi laso.

Josué 23:9 ပူးပေါင်းရင်းမြစ်များ

1 Agbia 21:26

Mara ti asioni ye so lo sara so, zo alingbi ti baa na le ti lo fani use pepe: lo mu peko ti anzapa nde ti voro ala gi tongana ti so azo ti mara ti Amori asara ando, azo so KOTA GBIA atumba ala si lo mu ndo ti ala na azo ti Israel.

2 Mbai 20:7

Mo laa mo yeke Nzapa ti e so mo tumba ando azo ti kodro so na dawa ti azo ti Israel, azo ti mo; mo mu kodro ni na *ahale ti Abraham so aye mo mingi; mo mu kodro ni na ala titene aga ti ala biani biani!

Sigingo 23:23

“Na ndembe so ange ti mbi ayeke tambula na dawa ti ala ti gue na ala na ndo ti azo ti mara ti Amori, ti Het, ti Perizi, ti Kanaan, ti Hivi na ti Yebus, fade mbi yeke hunzi amara ni so kue.

Sigingo 23:30

Fade mbi yeke tumba amara ni kete na kete na dawa ti ala, ngbii asi na ndembe so, ala azo ti Israel, ala yeke ga gbani si ala yeke mu ya ti kodro ni kue titene aga ti ala.

Awatokua 7:45

So akotara ti e awara da ni awe, ala mu ni, ala na Josué ague na ni na ya ti akodro so ala mu ni na maboko ti amara so Nzapa atumba ala na dawa ti akotara ni. Da so angba na ya ti akodro ni ngbii asi na ngoi ti David.

Ndia ti fani use ni 11:23

Tongana ala sara tongaso, fade lo yeke tumba amara nde so kue na dawa ti ala, azo ti Israel. Ala yeke mu sese ti amara so awu mingi si ala yeke ngangu ahon ala.

Ndia ti fani use ni 7:24

Lo yeke zia agbia ti amara ni so na maboko ti ala; ala yeke sara titene a zi iri ti ala biani biani na ndö ti sese so. Mbeni zo oko na popo ti ala ayeke gbu le ni na ala pepe; ala yeke fâ agbia ni kue ti hunzi ala.

Josué 1:5

Na lango so kue mo ngba na fini, fade mbeni zo ti gbu le ni na mo ayeke daa pepe. Fade mbi yeke na mo tongana ti so mbi yeke ando na Moïse; mbi yeke do mo ti zia mo pepe, mbi yeke zia mo oko pepe.

Josué 15:14

Kaleb atumba azo ti kete mara ota ti Anak na Hebron: mara ti Sheshai, ti Ahiman na ti Talmai.

Josué 23:5

Fade KOTA GBIA Nzapa ti ala wani ayeke tumba azo ni, lo yeke sara titene azo ni akpe na dawa ti ala si ala azo ti lo, ala yeke mu sese ni tongana ti so KOTA GBIA Nzapa ti ala amu zendo ni na ala.

Josué 23:8

Ala ngba gi na tere ti KOTA GBIA, Nzapa ti ala tongana ti so ala sara ngbii asi laso so.

Josué 24:18

KOTA GBIA atumba amara kue na dawa ti e, mbirimbiri azo ti mara ti Amori so ayeke lango ando na sese ni so. Tongaso, e nga, fade e yeke sara kua na KOTA GBIA, ngbanga ti so lo yeke Nzapa ti e.”