Josué 23:8 - Mbeti ti Nzapa - Tënë so amu fini

⁸ Ala ngba gi na tere ti KOTA GBIA, Nzapa ti ala tongana ti so ala sara ngbii asi laso so.

Josué 23:8 ပူးပေါင်းရင်းမြစ်များ

2 Agbia 18:6

Lo ngba na lege ti KOTA GBIA, lo zia lege ti lo pepe. Lo sara ye alingbi gi na yanga so KOTA GBIA amu na Moïse.

Awatokua 11:23

So lo si, lo baa lege so Nzapa asara nzoni be na azo ni. Be ti lo asi na ngia si lo mu wango na ala titene ala kue angba ti mu peko ti Kota Gbia lakue.

Ndia ti fani use ni 10:20

Alingbi ala kpe mbeto ti KOTA GBIA Nzapa ti ala, ala voro lo, ala ngba gi na tere ti lo, ala deba yanga ti ala gi na iri ti lo.

Ndia ti fani use ni 11:22

Biani, alingbi ala sara kue ti bata atënë ti ndia so kue mbi yeke fa na ala, ala sara ye alingbi na ni. Ala ye KOTA GBIA Nzapa ti ala, ala tambula na lege so kue lo ye, ala ngba gi na tere ti lo.

Ndia ti fani use ni 13:4

alingbi ala ma tënë ti wayanga-Nzapa ni pepe, wala ti zo ti bango aye na ya ti bango-li ni pepe. Biani, *KOTA GBIA Nzapa ti ala laa ayeke tara be ti ala na lege ti ye tongaso ti baa, wala ala ye lo na be ti ala kue, na yingo ti ala kue.

Ndia ti fani use ni 13:5

Ala mu gi peko ti KOTA GBIA Nzapa ti ala oko, alingbi ala kpe gi mbeto ti lo oko. Ala sara ye alingbi gi na atënë ti ndia ti lo, ala ma gi lo oko, ala sara kua gi na lo oko, ala ngba gi na tere ti lo oko.

Ndia ti fani use ni 4:4

Me ala, azo so abata be ti ala na KOTA GBIA Nzapa ti ala, ala kue, ala ngba na fini laso.

Ndia ti fani use ni 8:20

Biani, tongana ala ma yanga ti KOTA GBIA Nzapa ti ala pepe, fade ala yeke kui kue tongana amara nde so KOTA GBIA ayeke fâ ala kue na dawa ti ala so.

Josué 22:5

Me gi ye oko, ala gi lege ti sara ye alingbi na *Ndia nga na yanga so Moïse, zo ti kua ti KOTA GBIA, amu lani na ala: ala ye KOTA GBIA, Nzapa ti ala, ala sara aye so kue lo hunda na ala, ala sara ye alingbi na atënë ti yanga ti lo, ala ngba na tere ti lo, ala sara kua na lo na be ti ala kue, na ngangu ti ala kue.”

Josué 23:7

Amara so angba na popo ti ala so, ala sara beoko na ala pepe, ala sambela anzapa ti azo ni pepe, ala deba na iri ti anzapa ni pepe, ala kuku na gbe ti anzapa ni pepe, ala voro ala pepe.

Josué 23:9

KOTA GBIA atumba na dawa ti ala amara so ayeke kota si ayeke ngangu mingi; zo oko agbu le ni na ala, azo ti Israel pepe, ngbii asi laso.