Josué 23:3 - Mbeti ti Nzapa - Tënë so amu fini

³ Ala wani, ala baa ye so kue KOTA GBIA, Nzapa ti ala asara na amara so kue ndali ti ala. KOTA GBIA, Nzapa ti ala laa atiri bira ndali ti ala.

Josué 23:3 ပူးပေါင်းရင်းမြစ်များ

Sigingo 14:14

KOTA GBIA laa ayeke tiri bira ndali ti ala. Ti ala, fade ala yeke duti gi kpoo.”

Sigingo 19:4

‘Ala wani abaa na le ti ala ye so mbi sara na azo ti Ezipte. Ala baa lege so mbi yo ala, mbi ga na ala ge na tere ti mbi; mbi yo ala tongana ti so *ngoalo ayeke yo amolenge ti lo na ndö ti *kpangi ti lo.

Ezekiel 20:28

Mbi sara si ala li na kodro so mbi yoro lani maboko ti mbi na nduzu, mbi deba yanga ti mbi ti mu na ala. Na ya ti kodro ni, le ti ala agi ndo so akete hoto kue ayeke daa nga na akeke so gba ti akugbe ayeke daa. Kâ laa, ala mu asandaga ti ala, ala mu amatabisi ti ala ti gingo na yanga ti mbi, ala mu asandaga so fion ni afun nzoni nga na sandaga ti samba.

Malashii 1:5

Ala azo ti Israel, fade ala yeke baa ye ni na le ti ala si ala yeke tene: ‘KOTA GBIA ayeke kota, ataa ahon katikati ti sese ti Israel!’ ”

Ndia ti fani use ni 1:30

KOTA GBIA Nzapa ti ala, lo so lo yeke tambula na dawa ti ala, fade lo wani, lo yeke tiri bira ndali ti ala, tongana ti so lo sara na le ti ala na sese ti Ezipte

Ndia ti fani use ni 20:4

Biani, KOTA GBIA Nzapa ti ala ayeke tambula legeoko na ala, lo yeke tiri bira na awato ti ala ndali ti ala ti sara si ala, azo ti Israel, ala so benda.”

Ndia ti fani use ni 4:9

Moïse atene: Ye oko, alingbi ala azo ti Israel, ala sara hange, le ti ala akpengba! Ye so ala wani abaa na le ti ala, alingbi be ti ala agirisa na ni pepe. Ala bata ni na be ti ala na lango ti fini ti ala kue; ala fa tënë ni na amolenge ti ala nga na amolenge ti amolenge ti ala.

Ndia ti fani use ni 7:17

Moïse atene: Ala azo ti Israel, fade ala yeke tene na be ti ala, atene: “Azo ti amara so ayeke ngangu ahon e. Fade e yeke sara tongana nyen ti tumba ala?”

Ndia ti fani use ni 7:24

Lo yeke zia agbia ti amara ni so na maboko ti ala; ala yeke sara titene a zi iri ti ala biani biani na ndö ti sese so. Mbeni zo oko na popo ti ala ayeke gbu le ni na ala pepe; ala yeke fâ agbia ni kue ti hunzi ala.

Josué 10:14

Mbeni lango tongana ti so ade ti duti daa pepe, ataa kozoni, ataa na pekoni. Na lango ni so, KOTA GBIA asara ye alingbi na tënë so zo ahunda na lo, ngbanga ti so KOTA GBIA wani laa atiri fade bira ndali ti azo ti Israel.

Josué 10:42

Josué amu asese ni so nga na agbia ni gi na ya ti bira oko, ngbanga ti so KOTA GBIA, Nzapa ti Israel atiri bira ni ndali ti azo ti Israel.

Josué 23:10

Zo oko na popo ti ala alingbi ti tumba peko ti azo saki oko, ngbanga ti so KOTA GBIA, Nzapa ti ala laa ayeke tiri bira ndali ti ala, tongana ti so lo mu zendo ni na ala.