Josué 23:2 - Mbeti ti Nzapa - Tënë so amu fini

² Lo iri azo ti Israel kue, *akangba ti ala, amakonzi ti ala, awafango-ngbanga ti ala na awafango-ndia ti ala si lo tene na ala: “Mbi ga mbakoro si ngu ti mbi ahon mingi awe.

Josué 23:2 ပူးပေါင်းရင်းမြစ်များ

1 Agbia 1:1

Gbia David aga mbakoro awe; ngu ti lo ayeke mingi. Ataa so a yeke bi abalangeti na ndö ti lo, tere ti lo amu wâ pepe.

1 Agbia 8:1

Tongaso, Salomon abongbi *akangba ti Israel, amakonzi ti amara kue nga na amakonzi ti asewa ti Israel na tere ti lo na Jérusalem titene ala mu sanduku ti *mbuki ti *KOTA GBIA so ayeke na Gbata ti David, so ti tene na Sion, ti gue na ni na ya ti kota da ti Nzapa.

1 Mbai 23:2

David abongbi amakonzi ti Israel kue, awayango-sandaga na azo ti mara ti Lévi.

1 Mbai 27:27

Shimei, zo ti kodro ti Rama ayeke baa ndo na ndö ti azo ti batango yaka ti *vinye. Zabdi, zo ti kodro ti Shefam ayeke baa ndo na ndö ti vin so a bata na yaka si a mu aga na ni.

1 Mbai 28:1

David abongbi amakonzi ti Israel kue na Jérusalem: amakonzi ti amara, amakonzi ti abongbi ti aturugu ti gbia, ala so ayeke na li ti aturugu saki oko, ala so ayeke na li ti aturugu ngbangbo oko, amakonzi so ayeke baa ndo na ndö ti amosoro nga na anyama ti gbia na ti amolenge ti lo. Gbia abongbi nga akota zo ti kua ti yangbo ti lo, akpengba turugu na angangu koli kue.

Ndia ti fani use ni 31:28

Fadeso ala bongbi na tere ti mbi *akangba kue nga na amakonzi ti amara ti ala. Fade mbi yeke bi tënë so na mê ti ala, yayu na sese ayeke ma tënë so mbi tene.

Josué 13:1

Josué aga mbakoro awe, ngu ti lo ahon mingi awe si *KOTA GBIA atene na lo: “Mo ga mbakoro awe, ngu ti mo ahon mingi awe. Me tanga ti asese so alingbi titene ala mu ni so angba mingi.

Josué 23:3

Ala wani, ala baa ye so kue KOTA GBIA, Nzapa ti ala asara na amara so kue ndali ti ala. KOTA GBIA, Nzapa ti ala laa atiri bira ndali ti ala.

Josué 24:1

Josué abongbi amara ti Israel kue na Sishem. Lo iri *akangba ti ala, amakonzi ti ala, awafango-ngbanga ti ala nga na awafango-ndia ti ala. Ala ga aluti na dawa ti Nzapa.

1 Samuel 12:2

Ti fadeso, lo laa lo yeke tambula na dawa ti ala. Biani, mbi ga mbakoro awe, kua ti li ti mbi avuru awe. Amolenge ti mbi laa ayeke na popo ti ala so. Mbi ngba lani maseka si mbi tambula na dawa ti ala ngbii asi laso.