Josué 23:16 - Mbeti ti Nzapa - Tënë so amu fini

¹⁶ Tongana ala bata tënë ti mbuki so KOTA GBIA, Nzapa ti ala amu yanga na ala ti sara so pepe, tongana ala kuku na gbe ti ambeni nzapa nde ti voro ala, fade ngonzo ti KOTA GBIA ayeke londo na tere ti ala tongana wâ si lo yeke sara titene ala hunzi gi hio na ndö ti nzoni sese so lo mu na ala.”

Josué 23:16 ပူးပေါင်းရင်းမြစ်များ

1 Agbia 14:15

KOTA GBIA ayeke pika azo ti Israel si ala yeke ga tongana sosongo so ayeke yingi na le ti ngu. KOTA GBIA ayeke zi ala na ndö ti nzoni sese so lo mu ando na akotara ti ala si lo yeke kangbi ala kirikiri na mbage ti ngu ti Efrate. Ye ni ayeke si ande na ala, ngbanga ti so ala zia ngonzo na be ti KOTA GBIA na lege so ala akeke aluti na nduzu ndali ti nzapa-wali *Ashera.

1 Agbia 9:6

Me tongana mo na azo ti mo nga na *ahale ti ala azia peko ti ala na mbi, tongana ala ke ti sara ye alingbi na atënë ti ndia ti mbi nga na andia ti mbi, tongana ala gue ti sara na ambeni nzapa nde si ala kuku na gbe ti anzapa ni,

1 Agbia 9:7

fade mbi yeke zi ala, azo ti Israel, na sese so mbi mu na ala. Kota da so mbi zia ni nde ndali ti mbi, fade mbi yeke bi ni yongoro na le ti mbi si azo ti Israel aga mbeni ye ti *mato nga na ye so azo kue ayeke he na ngia.

2 Agbia 17:7

Ye so asi na azo ti Israel, ngbanga ti so ala sara siokpari ti ke *KOTA GBIA, Nzapa ti ala, lo so lo zi ala na maboko ti Faraon, gbia ti Ezipte. Nzapa so laa asara si ala sigigi na kodro ni. Me ala voro ambeni nzapa nde.

2 Agbia 24:20

Akpale so aga na ndö ti Jérusalem nga na ndö ti Juda ndali ti ngonzo ti KOTA GBIA; ye so asara si lo tumba ala yongoro na tere ti lo. Sedesias atomboka na tere ti Nabukodonosor, gbia ti Babilone.

Ésaïe 24:5

Azo so alango na ndö ti sese asara si sese ni aga sioni, ngbanga ti so ala do andia na gbe ti gere ti ala, ala sanze atënë ti ndia, ala ke tënë ti *mbuki so abongbi ala na Nzapa lakue lakue.

Jérémie 32:23

Ala ga si ala mu kodro ni titene aga ti ala. Ye oko, ala ma tënë ti mo pepe, ala bata lege ti andia ti mo pepe, ala ke ti sara ye so mo mu yanga na ala ti sarango ni. Nilaa mo tokua akpale so kue na ndö ti ala laso.

Jérémie 32:24

“Fadeso azo ti Babilone abongbi sese si aga *koto, ala ga nduru na gbata ni titene ala mu ni awe; ala yeke tiri bira titene ala mu gbata ni. Na lege ti bira, kota nzara na sioni kobela ti bubango kodro, gbaa fade gbata ni ayeke ti na maboko ti ala. Tënë so lani mo tene, ni laa asi awe so; ti mo, mo yeke baa gi ni bango!

Wungo ti azo 33:56

Ye so mbi leke na be ti mbi ti sara na azo ni, nilaa mbi yeke sara ande na ala, azo ti Israel.”

Ndia ti fani use ni 17:3

lo mu peko ti ambeni nzapa nde, lo kuku na gbe ti ala ti voro ala. Ataa lâ, wala nze na aye so ayeke mingi mingi na le ti nduzu, zo ni akuku na gbe ti ala ti voro ala. Laoko KOTA GBIA amu yanga na ala ti sara ye tongaso pepe!

Ndia ti fani use ni 28:15

Moïse atene: Me tongana ala ma yanga ti *KOTA GBIA Nzapa ti ala pepe, tongana ala sara kue ti sara ye alingbi na atënë ti ndia nga na andia ti lo so mbi yeke fa na ala laso pepe, baa asioni kpale so ayeke ga na ndö ti ala si ayeke ngba na ala ayeke so:

Ndia ti fani use ni 6:15

ngbanga ti so KOTA GBIA Nzapa ti ala so ayeke na popo ti ala ayeke Nzapa so ayeke sara mbanda ti azo ti lo. Ala sara hange si ala zia ngonzo na be ti lo pepe; tongaso pepe, fade lo yeke fâ ala kue ti hunzi ala na ndö ti sese so.

Awafango-ngbanga 2:14

KOTA GBIA asara ngonzo na tere ti azo ti Israel. Lo zia ala na maboko ti azo ti gbungo ye ti azo si azo ni agbu aye ti ala kue. Lo ka ala na awato ti ala so alango nduru na ala; ala lingbi ti gbu le ni na awato ti ala mbeni pepe.

Awafango-ngbanga 2:20

Ngonzo ti *KOTA GBIA alondo tongana wâ na tere ti azo ti Israel si lo tene: “So azo ti mara ni abuba lege ti *mbuki so mbi na akotara ti ala e sara si ala ke ti ma yanga ti mbi so,

1 Samuel 12:25

Me tongana ala sara sioni, fade a yeke nika ala, ala na gbia ti ala kue.”