Josué 23:13 - Mbeti ti Nzapa - Tënë so amu fini

¹³ ayeke nzoni ala hinga biani atene, fade KOTA GBIA, Nzapa ti ala ayeke ngba ti tumba azo ti mara so na dawa ti ala pepe. Amara ni ayeke ga tongana gbanda wala kuku ti gbungo ala, wala tongana zaza so a yeke pika na ndö ti peko ti ala, wala tongana ki na le ti ala. Na ndani, ala yeke hunzi kue na ndö ti nzoni sese so KOTA GBIA, Nzapa ti ala amu na ala.

Josué 23:13 ပူးပေါင်းရင်းမြစ်များ

1 Agbia 11:4

Na ngoi so Salomon aga mbakoro awe, awali ti lo ni akiri na be ti lo titene lo voro anzapa nde; ye so asara si lo kiri lo mu be ti lo kue na KOTA GBIA, Nzapa ti lo pepe tongana ti so babâ ti lo David amu ando be ti lo kue na Nzapa.

2 Agbia 17:18

Tongaso KOTA GBIA asara ngonzo mingi na tere ti azo ti Israel; lo tumba ala yongoro na tere ti lo. Gi azo ti mara ti Juda laa angba.

2 Agbia 17:20

Ndani laa KOTA GBIA ake azo ti Israel kue; lo zia kamene na le ti ala, lo zia ala na maboko ti azo so ayeke gbu ye ti azo na ngangu. Na ndani, lo tumba ala yongoro na tere ti lo.

2 Agbia 25:21

Gbia ti Babilone afâ ngbanga ti kuâ na li ti ala si lo fâ ala na Ribla, na sese ti Hamat. Lege so a mu azo ti Juda ague na ala na kodro wande, yongoro na sese ti ala laa.

2 Agbia 25:26

Tongaso azo ti kodro ni kue, akete zo na akota zo, nga na aturugu ti kota kamba amu lege ague na Ezipte, ngbanga ti so mbeto ti azo ti Babilone asara ala.

Abia (Psaumes) 69:22

Ala zia sioni yoro na ya ti kobe ti mbi; tongana nzara ti ngu asara mbi, ala mu na mbi kpingo vin ti nyon.

Sigingo 10:7

Azo ti gbe ti Faraon atene na lo: “Zo so ayeke ngba tongana kuku ti gbungo e ngbii asi lawa? Zia lege na azo ti Israel titene ala gue, avoro KOTA GBIA, Nzapa ti ala. Kodro ti Ezipte ayeke gue ti buba laa; ade mo hinga ni pepe?”

Sigingo 23:33

Alingbi azo ni asara kodro na ndo ti ala pepe, tongaso pepe, fade azo ni ayeke handa ala titene ala sara siokpari so ake mbi. Biani, tongana ala azo ti mbi, ala voro anzapa ti azo ni, fade vorongo anzapa ni ayeke ga tongana kuku ndali ti ala.”

Sigingo 34:12

Kodro so ala yeke gue daa so, ala sara hange si ala na azo ni aga ambuki pepe. Tongaso pepe, fade ye ni ayeke ga kuku ti gbungo ala.

Sigingo 34:16

Tongana ala mu awali ti kodro ni ti ga awali ti amolenge ti ala, fade awali ni ayeke kpe na peko ti anzapa ti ala si ala yeke handa amolenge ti ala, azo ti Israel ti kpe nga na peko ti anzapa ti awali ni.

Ezekiel 28:24

“Fade amara nde so alango nduru na azo ti Israel ayeke kiri ti baa ala tongana mbumbuse ye pepe. Amara ni ayeke kiri ti duti tongana akeke ti ki ti kpo azo ti Israel pepe, ti suru ala na ka pepe. Tongaso, fade azo ayeke hinga atene, mbi laa mbi yeke KOTA GBIA.

Wungo ti azo 33:55

Me tongana ala, azo ti Israel, ala tumba pepe azo so alango na sese ni na dawa ti ala, ambeni zo so ayeke ngba na popo ti ala ayeke ga tongana aki na ya ti le ti ala, azo ti Israel, wala tongana akeke ti ki ti kpo peko ti ala. Azo ni ayeke ga awato ti ala na ya ti kodro so ala yeke duti daa.

Nzoni Tënë so Luc asu na mbeti 21:24

Fade a yeke fâ azo ni na yongoro zeme, a yeke gbu ala ti gue na ala na ya ti akodro kue. Amara kue ayeke buba gbata ti Jérusalem kue ngbii ngoi ti ala ahunzi si.”

Ndia ti fani use ni 29:28

Aye so angba na hondengo ni ayeke ti KOTA GBIA Nzapa ti e. Me aye so a sigigi na nda ni ayeke ti e na *ahale ti e kpu na kpu. Tongaso, alingbi e sara ye alingbi na atënë ti ndia so kue.

Ndia ti fani use ni 30:18

mbi tene na ala laso biani: fade ala yeke kui kue. Sese so ala yeke fâ ngu ti Jourdain ti gue ti mu ni titene aga ti ala so, ala yeke duti na ya ni aninga pepe.

Ndia ti fani use ni 4:26

Tongana ala sara mara ti asiokpari tongaso, mbi tene na ala laso biani, yayu na sese ayeke ma mbi, sese so ala yeke gue ti mu na mbage ti ngu ti Jourdain kâ titene aga ti ala so, ala yeke ngba na ya ni aninga pepe, a yeke fâ ala kue ti hunzi ala.

Ndia ti fani use ni 7:16

Amara so kue KOTA GBIA ayeke zia ala na maboko ti ala, azo ti Israel, alingbi ala baa mawa ti ala pepe, ala fâ ala kue ahunzi ala. Ala voro anzapa ti amara ni so pepe. Tongaso pepe, fade anzapa ni ayeke ga kuku ti gbungo ala.

2 Timothée 2:26

si li ti ala akiri daa. Tongaso, fade ala yeke sigigi na ya ti gbanda ti Zabolo so lani akanga ala titene ala sara gi ye so be ti lo aye.

Awafango-ngbanga 2:21

mbi nga, mbi yeke kiri ti tumba mbeni zo oko ti amara oko pepe, ambeni mara so lani Josué ade atumba ala pepe kozo si lo kui so.