Josué 23:12 - Mbeti ti Nzapa - Tënë so amu fini

¹² Tongana ala zia lege ti KOTA GBIA si ala ngba na tere ti amara so ayeke na popo ti ala, tongana ala mu amolenge ti ala ti wali ti ga awali ti ala, tongana ala gue na ndo ti amara ni si amara ni aga na ndo ti ala,

Josué 23:12 ပူးပေါင်းရင်းမြစ်များ

Tongo nda ti aye 2:24

Ndani laa koli ayeke zia ande babâ na mama ti lo titene lo na wali ti lo abongbi oko si ala ga gi tere oko.

Tongo nda ti aye 34:3

Lo mu be ti lo kue na Dina, molenge ti Jacob ti wali. Lo ye molenge-wali ni mingi si lo tene anzoni tënë na lo titene be ti lo ade.

1 Agbia 11:2

Ando *KOTA GBIA atene na azo ti Israel: “Alingbi ala bongbi na awali ti amara ni so pepe, awali ni abongbi nga na ala pepe. Tongaso pepe, awali ni ayeke kiri na be ti ala, azo ti Israel titene ala voro anzapa ti ala.” Me Salomon amu be ti lo gi na ala, ngbanga ti so lo ye awali ni so.

1 Agbia 11:4

Na ngoi so Salomon aga mbakoro awe, awali ti lo ni akiri na be ti lo titene lo voro anzapa nde; ye so asara si lo kiri lo mu be ti lo kue na KOTA GBIA, Nzapa ti lo pepe tongana ti so babâ ti lo David amu ando be ti lo kue na Nzapa.

Abia (Psaumes) 125:5

Me ti azo so agirisa nzoni lege ti mu lege ti kirikiri, ayeke nzoni KOTA GBIA atumba ala, ala na azo ti sarango sioni. Ayeke nzoni siriri aduti na Israel!

Abia (Psaumes) 36:3

Lo baa tere ti lo kota ahon ti so lo yeke; nilaa lo ye ti hinga siokpari ti lo pepe si lo zia lege ni pepe.

Ésaïe 1:4

Ae! Ala azo ti mara ti sarango siokpari, ala azo ti fango zo, ala *ahale ti sioni, ala amolenge ti kirikiri! Ala zia *KOTA GBIA awe; ala ke Nzapa ti Israel, lo so lo yeke nde si lo yeke nzoni kue; ala zia peko ti ala na lo.

Ezekiel 18:24

Me ti zo ti mbirimbiri so azia lege ti sarango ye ti mbirimbiri ti lo, tongana lo to nda ti sara asioni ye so zo alingbi ti baa na le ti lo fani use pepe tongana ti azo ti sioni, ala baa ti ala atene, fade lo yeke ngba na fini? Aye ti mbirimbiri so kue lo sara, a yeke kiri ti dabe na ni pepe. Fade lo yeke kui ndali ti asioni ye ti lo nga ndali ti asiokpari so lo sara.

Sofonii 1:6

Mbi yeke hunzi azo so ado mbi KOTA GBIA azia, ala so ayeke gi mbi pepe si ala yeke hunda mbi pepe so.”

Matthieu 12:45

Tongaso lo gue, lo mu ambeni yingo mbarambara so ayeke sioni ahon lo; lo na ala aga ali na ya ti da ni si aduti daa. Na pekoni, dutingo ti zo so ayeke ga sioni ahon ti kozoni. Ye so ayeke si ande na azo ti sioni ti fadeso laa.”

Jean 6:66

Gi na peko ti tënë so, mingi ti adisiple ti Jésus agboto tere ti ala si ala kiri ague na peko ti lo pepe.

Rome 12:9

Ala ye azo na be use pepe. Ala ke ye ti sioni na be ti ala oko, me ala mu tere ti ala kue na ye so ayeke nzoni.

Ndia ti fani use ni 6:15

ngbanga ti so KOTA GBIA Nzapa ti ala so ayeke na popo ti ala ayeke Nzapa so ayeke sara mbanda ti azo ti lo. Ala sara hange si ala zia ngonzo na be ti lo pepe; tongaso pepe, fade lo yeke fâ ala kue ti hunzi ala na ndö ti sese so.

Ndia ti fani use ni 7:3

ala sara kogara na azo ti amara ni pepe, ala mu amolenge ti ala ti wali pepe ti ga awali ti amolenge ti ala ti koli; ala soro na popo ti amara ni pepe awali ti mu na amolenge ti ala ti koli.

Ndia ti fani use ni 7:4

Tongaso pepe, fade azo ti amara nde ni ayeke handa amolenge ti ala ti zia KOTA GBIA, ti mu peko ti anzapa nde. Fade ngonzo ti KOTA GBIA ayeke londo na tere ti ala, azo ti Israel si gi hio tongaso, lo yeke fâ ala kue ti hunzi ala.

Josué 23:11

Ala sara hange: ala ye KOTA GBIA, Nzapa ti ala.

1 Jean 2:9

Zo so atene, ni yeke na ya ti lumiere si be ti lo angba ti ke ita ti lo, andaa lo ngba na ya ti vukongo ndo.

Awafango-ngbanga 14:3

Babâ na mama ti lo atene na lo: “Na ya ti kete mara ti mo wala na popo ti azo ti e, mo wara mbeni maseka-wali pepe si mo gue ti mu wali gi na popo ti azo ti Filistii, azo so ahinga Nzapa pepe so?” Samson akiri tënë na babâ ti lo, atene: “Mu lo na mbi, ngbanga ti so lo laa lo nzere na be ti mbi.”

Awafango-ngbanga 3:6

Azo ti Israel amu amolenge-wali ti amara so titene aga awali ti ala; ala mu nga amolenge ti ala ti wali na akoli ti amara so, ala voro nga anzapa ti ala.