Josué 23:11 - Mbeti ti Nzapa - Tënë so amu fini

¹¹ Ala sara hange: ala ye KOTA GBIA, Nzapa ti ala.

Josué 23:11 ပူးပေါင်းရင်းမြစ်များ

Sigingo 20:6

Me azo so aye mbi si ala yeke sara ye alingbi na atënë ti yanga ti mbi, mbi yeke sara nzoni be na ahale ti ala ngbii asi na molongo saki oko.

Amato 4:23

Mo sara hange na atënë so ayeke na be ti mo kâ, ngbanga ti so lege ti fini ti mo alondo daa.

Nzoni Tënë so Luc asu na mbeti 21:34

“Ala sara hange! Ala zia be ti ala kue na nyongo samba ahon ndoni na tengo kobe ahon ndoni pepe, ala gi be ti ala na ndö ti gigi ti ala pepe. Tongana ala sara hange pepe, lango ni so ayeke wara ala

Rome 8:28

E hinga so, ye kue abongbi ti sara nzoni na azo so aye Nzapa, azo so lo iri ala na lege so be ti lo aye.

1 Korente 16:22

Tongana mbeni zo aye *Kota Gbia pepe, ayeke nzoni a deba lo! Maranata! – Kota Gbia, mo ga! –

1 Korente 8:3

Me tongana zo aye Nzapa, Nzapa ahinga lo awe.

Efeze 5:15

Ala sara hange na lege ti dutingo ti ala. Ala duti tongana abuba zo pepe, me tongana azo ti ndara.

Ndia ti fani use ni 30:16

Ye so mbi mu yanga na ala ti sarango ni ayeke titene ala ye *KOTA GBIA Nzapa ti ala, ala tambula na lege so lo fa na ala, ala sara ye alingbi na andia ti lo, na ambela ti lo nga na atënë ti yanga ti lo. Tongaso si fade ala yeke duti na fini, ala yeke wu mingi; KOTA GBIA Nzapa ti ala ayeke sara tufa na ndö ti ala na ya ti kodro so ala yeke gue ti mu ni titene aga ti ala.

Ndia ti fani use ni 30:20

Ala ye KOTA GBIA Nzapa ti ala, ala ma yanga ti lo, ala ngba gi na tere ti lo. Lo laa lo yeke mu fini na ala, lo yeke sara si gigi ti ala ague, ayo si ala duti na sese so KOTA GBIA adeba yanga ti lo ti mu na akotara ti ala Abraham, Isaac na Jacob.

Ndia ti fani use ni 4:15

Moïse atene: Na lango so *KOTA GBIA atene tënë na ala na hoto ti Horeb, na ya ti wâ, ala baa lo pepe; nilaa, alingbi ala sara hange!

Ndia ti fani use ni 4:9

Moïse atene: Ye oko, alingbi ala azo ti Israel, ala sara hange, le ti ala akpengba! Ye so ala wani abaa na le ti ala, alingbi be ti ala agirisa na ni pepe. Ala bata ni na be ti ala na lango ti fini ti ala kue; ala fa tënë ni na amolenge ti ala nga na amolenge ti amolenge ti ala.

Ahebro 12:15

Ala sara hange si mbeni zo ado lege ti nzoni be ti Nzapa azia pepe. Alingbi mbeni zo aga tongana sengo gere ti pere ti ngonda pepe; mara ti zo tongaso ayeke bi wusuwusu na popo ti azo si lo yeke buba li ti ala.

Josué 22:5

Me gi ye oko, ala gi lege ti sara ye alingbi na *Ndia nga na yanga so Moïse, zo ti kua ti KOTA GBIA, amu lani na ala: ala ye KOTA GBIA, Nzapa ti ala, ala sara aye so kue lo hunda na ala, ala sara ye alingbi na atënë ti yanga ti lo, ala ngba na tere ti lo, ala sara kua na lo na be ti ala kue, na ngangu ti ala kue.”

Josué 23:10

Zo oko na popo ti ala alingbi ti tumba peko ti azo saki oko, ngbanga ti so KOTA GBIA, Nzapa ti ala laa ayeke tiri bira ndali ti ala, tongana ti so lo mu zendo ni na ala.

Josué 23:12

Tongana ala zia lege ti KOTA GBIA si ala ngba na tere ti amara so ayeke na popo ti ala, tongana ala mu amolenge ti ala ti wali ti ga awali ti ala, tongana ala gue na ndo ti amara ni si amara ni aga na ndo ti ala,