Josué 23:10 - Mbeti ti Nzapa - Tënë so amu fini

¹⁰ Zo oko na popo ti ala alingbi ti tumba peko ti azo saki oko, ngbanga ti so KOTA GBIA, Nzapa ti ala laa ayeke tiri bira ndali ti ala, tongana ti so lo mu zendo ni na ala.

Josué 23:10 ပူးပေါင်းရင်းမြစ်များ

2 Samuel 23:8

So ayeke iri ti akpengba turugu ti David: Ishebaal, zo ti kete mara ti Hakmoni; lo yeke na li ti aturugu ti batango gbia, mbeni iri ti lo ayeke Adino, zo ti kete mara ti Esni; lo laa na ya ti lango oko, lo fâ azo 800 na likongo ti lo.

1 Mbai 5:20

Na ngoi ti bira ni, ala toto na Nzapa; lo yeda na sambela ti ala si lo mu maboko na ala, ngbanga ti so ala zia be ti ala na lo. Tongaso ala hon ndö ti azo ti mara ti Hagri nga na asongo ti ala.

1 Mbai 5:22

Ala fâ awato ti ala mingi, ngbanga ti so bira ni ayeke ti Nzapa. Ala sara kodro na sese ti azo ti mara ti Hagri, ala duti na ndo ni ngbii asi na ngoi so a gbu ala a gue na ala na kodro wande.

Abia (Psaumes) 35:1

Bia ti David. *KOTA GBIA, bi tënë na li ti azo so ayeke bi tënë na li ti mbi; tiri na azo so ayeke tiri na mbi.

Abia (Psaumes) 46:7

Amara asara wusuwusu, akodro ti agbia ayingi; Nzapa atene tënë na kota go si sese aga tongana ngu.

Sigingo 14:14

KOTA GBIA laa ayeke tiri bira ndali ti ala. Ti ala, fade ala yeke duti gi kpoo.”

Ésaïe 30:17

Wato oko ayeke be le na azo saki oko na popo ti ala. Awato oku ayeke be le na ala si ala kue ayeke kpe. Na ndani, azo so ayeke ngba, ala yeke luti tongana keke ti bendere na ndö ti hoto, tongana bendere na ndö ti kete hoto.

Awayango-sandaga 26:7

Ala yeke tumba peko ti awato ti ala si ala yeke fâ ala na ya ti bira.

Awayango-sandaga 26:8

Azo oku na popo ti ala ayeke tumba peko ti awato ngbangbo oko; azo ngbangbo oko ayeke tumba peko ti awato saki baleoko si ala yeke fâ awato ni na ya ti bira.

Zakarii 12:8

Na lango ni so, fade KOTA GBIA ayeke bata azo ti Jérusalem: azo so ayeke na popo ti ala si ayeke na ngangu pepe, ala yeke ga azo ti ngangu tongana David. Ahale ti David ayeke duti na le ti azo ni tongana Nzapa, tongana *ange ti KOTA GBIA so ayeke tambula na dawa ti ala.

Rome 8:31

Tongaso, fade e yeke tene nyen na ndö ti tënë so? Tongana Nzapa ayeke na e, zo wa laa alingbi ti ke e?

Ndia ti fani use ni 20:3

lo tene: “Aturugu ti Israel, ala ma! Laso, ala yeke gue ti tiri bira na awato ti ala. Ayeke nzoni ala luti tongana koli, ala sara mbeto pepe, li ti ala aga kirikiri pepe, tere ti ala ado na dawa ti awato ti ala ni pepe!

Ndia ti fani use ni 20:4

Biani, KOTA GBIA Nzapa ti ala ayeke tambula legeoko na ala, lo yeke tiri bira na awato ti ala ndali ti ala ti sara si ala, azo ti Israel, ala so benda.”

Ndia ti fani use ni 28:7

Tongana awato aga ti tiri bira na ala, KOTA GBIA ayeke sara si ala kinda awato ni. Tongana awato ni amu lege oko ti ga ti tiri bira na ala, fade awato ni ayeke mu alege nde nde ti kpe kirikiri na dawa ti ala, azo ti Israel.

Ndia ti fani use ni 3:22

Ala sara mbeto ti agbia ni so pepe, ngbanga ti so KOTA GBIA Nzapa ti ala ayeke tiri bira, lo wani ndali ti ala.”

Ndia ti fani use ni 32:20

Tongaso lo tene: ‘Zo alingbi ti zia be ti lo na ndö ti ala pepe! Ala yeke azo ti sioni mingi. Mbi yeke honde le ti mbi na ala, mbi yeke ku ti baa ye so ayeke si na ala gbanda.

Ndia ti fani use ni 32:30

Wato oko senge alingbi ti tumba peko ti aturugu ti Israel saki oko? Awato use senge alingbi ti sara si azo ti Israel saki baleoko akpe? Biani, mbi KOTA GBIA so mbi yeke Kota Têne ti batango ala, mbi zia ala na maboko ti awato ti ala ni awe.

Josué 10:42

Josué amu asese ni so nga na agbia ni gi na ya ti bira oko, ngbanga ti so KOTA GBIA, Nzapa ti Israel atiri bira ni ndali ti azo ti Israel.

Josué 23:11

Ala sara hange: ala ye KOTA GBIA, Nzapa ti ala.

Josué 23:3

Ala wani, ala baa ye so kue KOTA GBIA, Nzapa ti ala asara na amara so kue ndali ti ala. KOTA GBIA, Nzapa ti ala laa atiri bira ndali ti ala.

Awafango-ngbanga 15:15

Samson abaa bio ti ngbangba ti lele so akui aninga pepe, lo yoro maboko ti lo, lo mu ni si lo fâ na azo saki oko.

Awafango-ngbanga 3:31

Na peko ti Ehud ayeke Shamgar, molenge ti Anat. Lo fâ azo ti Filistii ngbangbo omene na keke ti fango lege na abagara. Lo nga lo soo azo ti Israel na ya ti aye ti ngangu.

1 Samuel 14:6

Jonatan atene na zo so ayeke yo aye ti bira ti lo, atene: “Ga, e gue na ndo so aturugu ti Filistii so ahinga Nzapa pepe so ayeke daa. E hinga pepe, KOTA GBIA ayeke sara nzoni ye ndali ti e. Ataa e yeke mingi wala e yeke mingi pepe, mbeni ye ayeke daa pepe ti kanga lege na KOTA GBIA ti sara si e so benda.”