Josué 23:1 - Mbeti ti Nzapa - Tënë so amu fini

¹ Na peko ti so *KOTA GBIA azi azo ti Israel na maboko ti awato ti ala so angoro ala, lo mu na ala siriri aninga awe. Josué aga mbakoro si ngu ti lo ahon mingi awe.

Josué 23:1 ပူးပေါင်းရင်းမြစ်များ

Tongo nda ti aye 25:8

Na pekoni, lango ti Abraham ahunzi. Lo te gigi alingbi na lo; lo ga mbakoro, lo duti nzoni na ya ti mbakoro ti lo ni. Lo kui si lo gue na peko ti akotara ti lo.

1 Agbia 1:1

Gbia David aga mbakoro awe; ngu ti lo ayeke mingi. Ataa so a yeke bi abalangeti na ndö ti lo, tere ti lo amu wâ pepe.

1 Mbai 23:25

Biani, David atene lani, atene: “KOTA GBIA, Nzapa ti Israel asara si azo ti lo aduti kpoo; lo wani, lo yeke duti na Jérusalem kpu na kpu.

1 Mbai 27:1

So ayeke iri ti azo ti Israel so ayeke sara kua na gbia: amakonzi ti asewa, amakonzi ti aturugu 1 000, amakonzi ti aturugu 100 na awakuasu. Kua ti ala ayeke ti baa lege ti abongbi ti aturugu so ayeke sara kua na ya ti nze oko oko, na ya ti ngu oko kue. Bongbi oko oko, aturugu ayeke na ya ni 24 000.

2 Mbai 14:1

Asa asara ye so ayeke nzoni na ye so ayeke mbirimbiri na le ti *KOTA GBIA, Nzapa ti lo.

2 Mbai 14:5

Kodro ni aduti kpoo si azo aga ti tiri bira na lo na ya ti angu ni so pepe, ngbanga ti so KOTA GBIA wani amu na lo siriri. Tongaso lo wara lege ti sara angangu gbagba na tere ti agbata ti Juda.

2 Mbai 20:30

Tongaso, kodro-gbia ti Yosafat aduti kpoo, ngbanga ti so Nzapa ti lo amu na lo siriri mbage na mbage kue.

Abia (Psaumes) 46:9

Ala azo, ala ga abaa ye so KOTA GBIA asara; aye so lo buba na ndö ti sese!

Ésaïe 63:14

Ala yeke tongana anyama so ayeke zu ti gue na popo-hoto. Yingo ti KOTA GBIA ague na ala na mbeni ndo ti wungo tere.” Biani KOTA GBIA, tongaso laa mo fa lege na azo ti mo; mo sara tongaso titene azo agonda iri ti mo so awu.

Ndia ti fani use ni 31:2

“Fadeso mbi yeke na ngu ngbangbo oko na baleuse; mbi yeke na ngangu mbeni pepe ti fa lege na ala. *KOTA GBIA atene na mbi: ‘Mo yeke fâ ngu ti Jourdain so pepe.’

Josué 11:23

Josué amu sese ni kue alingbi na tënë so KOTA GBIA atene ando na Moïse. Na pekoni, Josué amu ni na azo ti Israel titene aga ti ala si lo kangbi ni na lege ti amara ti ala. Tongaso, sese ni aduti na siriri, bira ayeke daa pepe.

Josué 13:1

Josué aga mbakoro awe, ngu ti lo ahon mingi awe si *KOTA GBIA atene na lo: “Mo ga mbakoro awe, ngu ti mo ahon mingi awe. Me tanga ti asese so alingbi titene ala mu ni so angba mingi.

Josué 21:44

KOTA GBIA amu ala lege ti wu tere na ya ti sese ni kue, tongana ti so lo deba yanga ti lo lani na akotara ti ala. KOTA GBIA azia awato ti ala kue na maboko ti ala, mbeni oko alingbi ti gbu le ni na ala pepe.

Josué 22:4

Fadeso, KOTA GBIA, Nzapa ti ala, amu lege na a-ita ti ala ni ti wu tere tongana ti so lo mu lani zendo ni na ala. Ala lingbi ti kiri na ndo ti ala, na sese so Moïse, zo ti kua ti KOTA GBIA, amu na ala titene aga ti ala na To ti ngu ti Jourdain.

1 Samuel 12:2

Ti fadeso, lo laa lo yeke tambula na dawa ti ala. Biani, mbi ga mbakoro awe, kua ti li ti mbi avuru awe. Amolenge ti mbi laa ayeke na popo ti ala so. Mbi ngba lani maseka si mbi tambula na dawa ti ala ngbii asi laso.