Josué 22:8 - Mbeti ti Nzapa - Tënë so amu fini

⁸ Lo tene na ala: “Ala mu gba ti mosoro, gba ti nyama, wen ti nginza, lôro, bengba wen, wen na gba ti abongo, ala kiri na ni na ndo ti ala. Ala kangbi aye so ala gbu na peko ti bira na maboko ti awato ti ala so na a-ita ti ala, azo ti Israel.”

Josué 22:8 ပူးပေါင်းရင်းမြစ်များ

1 Mbai 5:9

Na mbage ti To, ala sara kodro ngbii asi na yanga ti benyama so ayeke na popo ti ala na *bale ti Efrate. Ala lango na sese ti Galaad, ngbanga ti so anyama ti ala ayeke mingi.

2 Mbai 17:5

KOTA GBIA asara si lengo-gbia ti lo akpengba. Azo ti Juda kue amu akadoo na Yosafat; nilaa lo wara mosoro mingi si azo agonda lo mingi.

2 Mbai 32:27

Ezekias awara mosoro mingi, azo agonda lo mingi. Lo bongbi amosoro ti wen ti nginza, ti lôro, ti atêne ti ngangu ngere, ti ayombo, ti *avala na mara ti aye nde nde ti ngangu ngere.

Abia (Psaumes) 68:12

Kota Gbia amu yanga si gba ti awali ahon na nzoni sango so:

Amato 3:16

Na mbage, ndara ayeke mu na zo fini so ayo; na mbeni mbage, lo yeke mu nga na lo mosoro na gonda.

Wungo ti azo 31:27

Mo kangbi ya ti aye ni use: mbage ni oko ayeke ti aturugu so ague na bira, mbeni mbage ni ayeke ti bongbi ti azo ti Israel kue.

1 Korente 15:58

Tongaso, a-ita ti mbi so mbi ye ala mingi, ala luti ngangu, ye ayingi ala pepe! Ala ngba lakue na sarango kua ti Kota Gbia. Ayeke nzoni, ala hinga atene, kua so ala yeke sara na Kota Gbia, peko ni ayeke ngba senge pepe.

Ahebro 11:26

Moïse atene na be ti lo atene, titene azo abaa ni tongana buba zo, tongana ti so ala sara na *Mesii, so ayeke kota ye mingi ahon amosoro ti kodro ti Ezipte. Moïse asara tongaso ndali ti so le ti lo angba na ndö ti futa so lo yeke wara ande.

1 Samuel 30:16

Tongaso zo ti Ezipte so ague na David na ndo so azo ti Amalek ayeke daa. Azo ti Amalek amu ya ti kodro kue, ala yeke te, ala yeke nyon, ala yeke sara matanga na gba ti aye so ala gbu na peko ti bira na kodro ti azo ti Filistii nga na kodro ti Juda.

1 Samuel 30:24

Zo wa laa ayeke yeda ande na tënë ti ala so? Azo so ague ti tiri bira na azo so aduti na tere ti akungba ti bata ni, fade ala kue awara ye legeoko.”