Josué 22:5 - Mbeti ti Nzapa - Tënë so amu fini

⁵ Me gi ye oko, ala gi lege ti sara ye alingbi na *Ndia nga na yanga so Moïse, zo ti kua ti KOTA GBIA, amu lani na ala: ala ye KOTA GBIA, Nzapa ti ala, ala sara aye so kue lo hunda na ala, ala sara ye alingbi na atënë ti yanga ti lo, ala ngba na tere ti lo, ala sara kua na lo na be ti ala kue, na ngangu ti ala kue.”

Josué 22:5 ပူးပေါင်းရင်းမြစ်များ

Abia (Psaumes) 106:3

Ti ala nzoni, azo so ayeke sara ye na lege ti ndia si ala yeke sara ye ti mbirimbiri na ngoi kue!

Abia (Psaumes) 78:7

Tongaso, azo so a yeke du ala na peko, fade ala yeke zia be ti ala na ndö ti Nzapa si akota ye so lo sara, ala yeke girisa ni pepe, ala yeke bata andia ti lo;

Sigingo 15:26

Lo tene na ala, lo tene: “Tongana ala ma tënë ti mbi KOTA GBIA, Nzapa ti ala nzoni, tongana ala sara ye so ayeke mbirimbiri na le ti mbi, tongana ala dingi mê ti ala ti ma atënë ti yanga ti mbi, tongana ala sara ye alingbi na ambela ti mbi kue, fade mbi yeke zia mbeni kobela oko na tere ti ala pepe; kobela so lani mbi zia na tere ti azo ti Ezipte so. Biani, mbi KOTA GBIA laa mbi yeke kai kobela ti ala.”

Sigingo 20:6

Me azo so aye mbi si ala yeke sara ye alingbi na atënë ti yanga ti mbi, mbi yeke sara nzoni be na ahale ti ala ngbii asi na molongo saki oko.

Sigingo 23:13

“Aye so kue mbi mu yanga daa na ala so, ala sara ye alingbi na ni. Ala sambela ambeni nzapa nde pepe; ala di nga iri ti anzapa ni na yanga ti ala pepe.”

Sigingo 23:25

Tongana ala voro gi mbi oko KOTA GBIA, Nzapa ti ala, fade mbi yeke sara tufa na ndö ti kobe ti ala nga na ndö ti ngu ti ala; fade mbi yeke tumba kobela yongoro na tere ti ala.

Amato 4:23

Mo sara hange na atënë so ayeke na be ti mo kâ, ngbanga ti so lege ti fini ti mo alondo daa.

Ésaïe 55:2

Ndani nyen si ala yeke buba nginza ndali ti ye so ayeke kobe pepe so? Ndani nyen si ala yeke baa pasi ndali ti ye so ayeke si ya ti zo pepe so? Ala ma mbi nzoni, fade ala yeke duti na nzoni kobe ti tengo ni, ala yeke te anzerengo kobe.

Jérémie 12:16

Tongana azo ni amanda lege ti dutingo ni tongana ti azo ti mbi, tongana azo ni adeba na iri ti mbi, atene: ‘KOTA GBIA ayeke na fini!’, tongana ti so a fa na ala ti deba na iri ti *Baal, fade azo ni ayeke wara ndo ti duti daa na popo ti azo ti mbi.

Matthieu 22:37

Jésus akiri tënë na lo: “Alingbi mo ye *Kota Gbia Nzapa ti mo na be ti mo kue, na yingo ti mo kue, na tënë ti be ti mo kue.

Matthieu 4:10

Jésus atene na lo: “Hon kâ, Satan! Mbeti ti Nzapa atene: ‘Mo voro Kota Gbia, Nzapa ti mo si mo sara kua gi na lo oko!’ ”

Matthieu 6:24

“Zo oko alingbi ti sara kua na amakonzi use pepe, ngbanga ti so fade lo yeke ke mbeni oko si lo yeke ye mbeni; lo yeke ma yanga ti mbeni oko si lo yeke baa mbeni na le ti lo tongana senge zo. Ala lingbi ti sara kua na Nzapa nga na nginza legeoko pepe.”

Nzoni Tënë so Luc asu na mbeti 1:74

‘Mbi yeke zi ala na maboko ti awato ti ala titene ala voro mbi na mbeto pepe,

Jean 12:26

Zo so aye ti sara kua na mbi, alingbi lo mu peko ti mbi si ndo so mbi yeke daa, lo nga lo yeke daa. Fade Babâ ti mbi ayeke ne zo so ayeke sara kua na mbi.”

Jean 14:15

“Tongana ala ye mbi, fade ala yeke sara ye alingbi na andia ti mbi.

Awatokua 11:23

So lo si, lo baa lege so Nzapa asara nzoni be na azo ni. Be ti lo asi na ngia si lo mu wango na ala titene ala kue angba ti mu peko ti Kota Gbia lakue.

Awatokua 27:23

Na bi so, mbeni *ange ti Nzapa ti mbi, so mbi yeke sara na lo, asi na mbi

Rome 1:9

Nzapa so mbi mu be ti mbi kue ti sara kua ti lo na lege so mbi yeke fa Nzoni Tënë ti Molenge ti lo, lo hinga so mbi yeke tene taa-tënë: mbi yeke zia ala lakue

Rome 12:9

Ala ye azo na be use pepe. Ala ke ye ti sioni na be ti ala oko, me ala mu tere ti ala kue na ye so ayeke nzoni.

Rome 8:28

E hinga so, ye kue abongbi ti sara nzoni na azo so aye Nzapa, azo so lo iri ala na lege so be ti lo aye.

Ndia ti fani use ni 10:20

Alingbi ala kpe mbeto ti KOTA GBIA Nzapa ti ala, ala voro lo, ala ngba gi na tere ti lo, ala deba yanga ti ala gi na iri ti lo.

Ndia ti fani use ni 11:1

Moïse atene: Alingbi ala ye *KOTA GBIA Nzapa ti ala, ala sara ye alingbi na ye so lo mu yanga na ala ti sara, aye so ndia ti lo afa, atënë ti ndia ti lo nga na atënë ti yanga ti lo.

Ndia ti fani use ni 11:13

Tongana ala sara ye alingbi na atënë ti yanga ti KOTA GBIA so mbi yeke fa na ala laso, tongana ala ye KOTA GBIA Nzapa ti ala si ala sara na lo na be ti ala kue, na yingo ti ala kue,

Ndia ti fani use ni 11:22

Biani, alingbi ala sara kue ti bata atënë ti ndia so kue mbi yeke fa na ala, ala sara ye alingbi na ni. Ala ye KOTA GBIA Nzapa ti ala, ala tambula na lege so kue lo ye, ala ngba gi na tere ti lo.

Ndia ti fani use ni 13:4

alingbi ala ma tënë ti wayanga-Nzapa ni pepe, wala ti zo ti bango aye na ya ti bango-li ni pepe. Biani, *KOTA GBIA Nzapa ti ala laa ayeke tara be ti ala na lege ti ye tongaso ti baa, wala ala ye lo na be ti ala kue, na yingo ti ala kue.

Ndia ti fani use ni 4:29

Tongaso, na kodro ni kâ, ala yeke gi KOTA GBIA Nzapa ti ala. Tongana ala gi lo na be ti ala kue, na yingo ti ala kue, fade ala yeke wara lo.

Ndia ti fani use ni 4:4

Me ala, azo so abata be ti ala na KOTA GBIA Nzapa ti ala, ala kue, ala ngba na fini laso.

Ndia ti fani use ni 4:6

Tongana ala bata andia ni si ala sara ye alingbi na ni, amara nde so ayeke ma tënë ni, fade ala yeke baa ala, azo ti Israel, tongana azo ti ndara na azo ti hingango ndo; azo ni ayeke tene: “So ndara na hingango ndo na kota mara so!”

Ndia ti fani use ni 4:9

Moïse atene: Ye oko, alingbi ala azo ti Israel, ala sara hange, le ti ala akpengba! Ye so ala wani abaa na le ti ala, alingbi be ti ala agirisa na ni pepe. Ala bata ni na be ti ala na lango ti fini ti ala kue; ala fa tënë ni na amolenge ti ala nga na amolenge ti amolenge ti ala.

Ndia ti fani use ni 5:10

Me azo so aye mbi si ala yeke sara ye alingbi na atënë ti yanga ti mbi, mbi yeke sara nzoni be na ahale ti ala ngbii asi na molongo saki oko.

Ndia ti fani use ni 6:17

Ala sara ye taa na legeni alingbi na atënë ti yanga ti KOTA GBIA Nzapa ti ala, akpengba ndia ti lo nga na aye so ndia ti lo afa si lo mu na ala.

Ahebro 12:15

Ala sara hange si mbeni zo ado lege ti nzoni be ti Nzapa azia pepe. Alingbi mbeni zo aga tongana sengo gere ti pere ti ngonda pepe; mara ti zo tongaso ayeke bi wusuwusu na popo ti azo si lo yeke buba li ti ala.

Jacques 1:12

Ti lo nzoni, zo so akanga be ti lo ngangu na ya ti aye ti tarango be, ngbanga ti so tongana lo hon na ya ni awe, fade lo yeke wara futa; futa ni ayeke fini so Nzapa amu ando zendo ni na azo so aye lo.

Jacques 2:5

A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!

Josué 23:8

Ala ngba gi na tere ti KOTA GBIA, Nzapa ti ala tongana ti so ala sara ngbii asi laso so.

Aye so Nzapa afa 15:3

Ala yeke he bia ti Moïse, zo ti kua ti Nzapa, nga na bia ti Molenge ti Taba; bia ni atene: “*Kota Gbia, Nzapa so ngangu ti mo ahon angangu kue, aye so mo sara ayeke kota mingi si ayeke nga aye ti dongo be! Gbia ti amara nde, lege ti sarango ye ti mo ayeke mbirimbiri si ayeke na lege ti taa-tënë!

1 Samuel 12:20

Samuel atene na azo ni: “Ala sara mbeto pepe! Ala wani laa asara asioni ye so kue. Me ala hon yongoro na KOTA GBIA pepe, ala sara kua na lo na be ti ala kue.

1 Samuel 12:24

Gi ye oko, ala kpe mbeto ti KOTA GBIA, ala sara kua na lo na lege ti mbirimbiri, na be ti ala kue. Ayeke nzoni ala hinga aye ti kpene so lo sara ndali ti ala.

1 Samuel 7:3

Tongaso, Samuel atene na azo ti Israel kue, atene: “Tongana ala kiri na KOTA GBIA na be ti ala kue, ayeke nzoni ala zi na popo ti ala anzapa ti awande nga na ayanda ti *Astarte. Ala zia be ti ala na ndö ti KOTA GBIA, ala sara kua gi na lo oko si fade lo zi ala na maboko ti azo ti Filistii.”