Josué 22:34 - Mbeti ti Nzapa - Tënë so amu fini

³⁴ Azo ti mara ti Ruben na ti Gad adi iri ti gbalaka ni: “Gbalaka so ayeke duti mbeni ye na popo ti e” ti fa atene, KOTA GBIA ayeke Nzapa.

Josué 22:34 ပူးပေါင်းရင်းမြစ်များ

Tongo nda ti aye 31:47

Laban adi iri ti ndo ni Yegar-Sahaduta. Jacob adi ti lo iri ti ndo ni Galed.

Tongo nda ti aye 31:48

Laban atene: “Gba ti atêne so e bongbi so afa laso atene, mbi na mo, e ga ambuki awe.” Ndani laa azo airi ndo ni so Galed.

1 Agbia 18:39

So azo ti Israel abaa ye ni so, ala ti akpo li ti ala na sese si ala tene: “KOTA GBIA laa ayeke taa Nzapa! KOTA GBIA ayeke taa Nzapa!”

Ésaïe 19:19

Na lango ni so, fade gbalaka ti KOTA GBIA ayeke duti taa na be ti kodro ti Ezipte, mbeni ngbongboro têne so azo aleke si aluti na nduzu ndali ti KOTA GBIA ayeke duti na katikati ti kodro ni.

Ésaïe 43:10

Ala laa ayeke azo ti tenengo tënë ti ye so ala hinga na ndö ti mbi, so tënë ti yanga ti *KOTA GBIA laa; ala laa ayeke azo ti kua ti mbi so mbi soro ala. Mbi ye titene ala hinga mbi, ala zia be ti ala na ndö ti mbi si ala hinga biani so mbi yeke Nzapa. Kozo ti mbi, mbeni nzapa oko ayeke daa pepe, na peko ti mbi, mbeni nzapa oko ayeke duti daa pepe.

Matthieu 4:10

Jésus atene na lo: “Hon kâ, Satan! Mbeti ti Nzapa atene: ‘Mo voro Kota Gbia, Nzapa ti mo si mo sara kua gi na lo oko!’ ”

Josué 22:27

E ye ti sara gbalaka ni titene aduti mbeni ye na popo ti e na ala nga na popo ti amolenge so a yeke du ala na peko. Fade gbalaka ni ayeke fa atene, e nga, e lingbi ti voro KOTA GBIA na lege ti sandaga ti anyama so ayeke gbi ni kue na wâ, asandaga ti beoko na ambeni sandaga nde. Tongaso si gbanda ahale ti ala awara lege pepe ti tene na ahale ti e, atene: ‘Mbeni ye ti ala oko ayeke na maboko ti KOTA GBIA pepe.’

Josué 24:27

Josué atene na azo ni kue, atene: “Ala baa têne so mbirimbiri: ni laa ayeke fâ ngbanga na li ti e ndali ti tënë so asigigi na yanga ti e, ngbanga ti so têne ni ama atënë so kue KOTA GBIA atene na e. Biani, fade têne ni ayeke fâ ngbanga na li ti ala ti kanga lege na ala ti bere tënë ti Nzapa ti ala.”