Josué 22:33 - Mbeti ti Nzapa - Tënë so amu fini

³³ Tënë ni anzere na be ti azo ti Israel si ala mu singila na Nzapa. Ala zia lege ti gue ti sarango bira na azo ti mara ti Ruben na ti Gad, ti buba kodro ti ala.

Josué 22:33 ပူးပေါင်းရင်းမြစ်များ

1 Mbai 29:20

Na pekoni, David atene na bongbi ti azo ni: “Ala mu singila na KOTA GBIA, Nzapa ti ala.” Tongaso, azo ni kue amu singila na KOTA GBIA, Nzapa ti akotara ti ala. Ala kuku akpo li ti ala na sese na dawa ti KOTA GBIA nga na dawa ti gbia.

Amato 25:25

Nzoni sango so alondo na yongoro ndo si aga ayeke tongana ngu ti de ndali ti zo so nzara ti ngu ahon ndö ti lo.

Daniel 2:19

Na bi, na ya ti mbeni ye tongana bango-li, Nzapa afa na Daniel nda ti ye ti ndima ni. Tongaso Daniel alondo ti gonda Nzapa so ayeke na yayu;

Nzoni Tënë so Luc asu na mbeti 2:28

Siméon ayo molenge ni na ya ti maboko ti lo, lo mu singila na Nzapa, lo tene:

Awatokua 15:12

Azo ti ya ti bongbi ni kue aduti kpoo. Na pekoni, ala ma Barnabas na Paul so ayeke fa peko ti aye ti dongo be na aye ti kpene so Nzapa asara na azo ti amara nde na lege ti ala.

Awatokua 15:31

So a diko mbeti ni na ala awe, be ti ala kue asi na ngia, ngbanga ti so tënë ti ya ti mbeti so amu ngangu na be ti ala.

2 Korente 7:7

Be ti e ade gi ndali ti gango ti lo oko pepe, me be ti e ade nga ndali ti so ala mu ngangu na be ti lo. Lo tene na e, lo tene, ala yeke na nzara mingi ti baa mbi, ala yeke toto mbi mingi, ala yeke na nzara ti gbu koko ti mbi. So mbi ma tënë ni, be ti mbi akiri asi na ngia ahon ndoni.

Efeze 1:3

E gonda Nzapa, Babâ ti *Kota Gbia ti e Jésus Christ! Lo mu na e anzoni ye ti Yingo so kue ayeke na yayu, na lege ti gango so e ga oko na Christ.

Josué 22:30

So wayango-sandaga Pinas, na akota zo ti bongbi ti azo ni nga na amakonzi ti akete mara ti Israel ama tënë so azo ti mara ti Ruben, ti Gad, na ti Manase atene so, tënë ni anzere na be ti ala.

Josué 22:32

Na pekoni Pinas, molenge ti wayango-sandaga Elazar, na akota zo ti azo ni azia azo ti mara ti Ruben, na ti Gad. Ala londo na Galaad, ala kiri na sese ti Kanaan si ala fa peko ti tënë ni na azo ti Israel.