Josué 22:31 - Mbeti ti Nzapa - Tënë so amu fini

³¹ Pinas, molenge ti wayango-sandaga Elazar atene na azo ti mara ti Ruben, ti Gad na ti Manase, atene: “Laso, e hinga, e tene, KOTA GBIA ayeke na popo ti e, ngbanga ti so ala sara ye so ayeke sioni mingi ti kengo lo pepe. Ye so ala sara so, ala zi azo ti Israel na gbe ti ngbanga ti KOTA GBIA awe.”

Josué 22:31 ပူးပေါင်းရင်းမြစ်များ

2 Mbai 15:2

Lo gue, lo wara Asa si lo tene na lo: “Gbia Asa, mo na azo ti Juda nga na azo ti Benjamin kue, ala ma mbi si! *KOTA GBIA ayeke na ala, tongana ala yeke na lo. Tongana ala gi lo, fade lo yeke zi lege na ala ti wara lo; me tongana ala zia lo, fade lo nga lo yeke zia ala.

Abia (Psaumes) 68:17

Ngbanga ti nyen si mo hoto so li ti mo ayeke mingi mingi so, mo zia be na hoto so Nzapa asoro titene lo duti na ndö ni so? Biani, fade KOTA GBIA ayeke duti na ndö ni kpu na kpu.

Sigingo 25:8

Fade azo ti Israel ayeke sara mbeni da so ayeke nde si ayeke nzoni kue ndali ti mbi titene mbi duti na popo ti ala.

Ésaïe 12:6

Ala, azo so alango na *Sion, ala dekongo na ngia, ala dodo na ngia, ngbanga ti so Nzapa ti Israel so ayeke na popo ti ala, lo yeke kota, lo yeke nde si lo yeke nzoni kue.

Zakarii 8:23

Tënë so KOTA GBIA so ayeke na ndö ti dunia kue atene ayeke so: na ngoi ni so, fade azo baleoko so ayeke tene ayanga ti kodro nde nde ayeke gbu mbeni zuife oko na yanga ti bongo ti lo si ayeke tene na lo: ‘E nga, e ye ti gue na ala, ngbanga ti so e ma a tene, Nzapa ayeke na ala.’ ”

Matthieu 1:23

“Baa, fade maseka-wali so ade ti hinga koli pepe ayeke mu ngo, lo yeke du molenge-koli; fade a yeke di iri ti lo Emmanuel.” – Nda ti iri so atene: “Nzapa ayeke na e”. –

1 Korente 14:25

atënë ti be ti lo asigigi polele si lo yeke kuku na sese ti voro Nzapa; lo yeke tene na yanga ti lo, lo tene: “Nzapa ayeke na popo ti ala biani.”

Josué 22:30

So wayango-sandaga Pinas, na akota zo ti bongbi ti azo ni nga na amakonzi ti akete mara ti Israel ama tënë so azo ti mara ti Ruben, ti Gad, na ti Manase atene so, tënë ni anzere na be ti ala.

Josué 22:32

Na pekoni Pinas, molenge ti wayango-sandaga Elazar, na akota zo ti azo ni azia azo ti mara ti Ruben, na ti Gad. Ala londo na Galaad, ala kiri na sese ti Kanaan si ala fa peko ti tënë ni na azo ti Israel.

Josué 3:10

Na pekoni lo kiri lo tene: “Ye so ala yeke hinga atene, Nzapa so ayeke na fini ayeke na popo ti ala ayeke so: lo yeke tumba biani biani na dawa ti ala azo ti Kanaan, azo ti mara ti Het, ti Hivi, ti Perizi, ti Girgashi, ti Amori na azo ti mara ti Yebus.