Josué 22:29 - Mbeti ti Nzapa - Tënë so amu fini

²⁹ E lingbi ti ke KOTA GBIA wala ti zia lege ti lo oko pepe. E sara gbalaka ti ya na ndö ni sandaga ti anyama so a yeke gbi ni kue na wâ pepe wala asandaga ti ale ti kobe, wala ambeni sandaga nde pepe. E ye ti ya asandaga ni na mbeni ndo nde pepe, me gi na ndö ti gbalaka ti KOTA GBIA Nzapa ti e, gbalaka so ayeke na dawa ti da ti lo.”

Josué 22:29 ပူးပေါင်းရင်းမြစ်များ

Tongo nda ti aye 44:17

Joseph akiri tënë na ala, atene: “Sarango ye tongaso alingbi na mbi pepe. Gi zo so a wara kopo ni na maboko ti lo so laa ayeke ga ande ngbaa ti mbi. Ti ala atanga ni, ala kiri na siriri na tere ti babâ ti ala.”

Tongo nda ti aye 44:7

Ala kiri tënë na lo, atene: “Kota zo, mo tene mara ti tënë tongaso ngbanga ti nyen? E azo ti gbe ti mo, e lingbi ti sara mara ti ye tongaso laoko pepe.

1 Agbia 21:3

Me Nabot akiri tënë na Akab, atene: “Na le ti *KOTA GBIA, yaka so akotara ti mbi azia na mbi si aga ti mbi so, mbi lingbi ti mu na mo tongana nyen?”

2 Agbia 18:22

Gbaa, ala yeke tene na mbi, atene: E zia be ti e na ndö ti KOTA GBIA, Nzapa ti e. Me mo, Ezekias laa mo zi lani ando so a leke na ndö ti ahoto ti voro lo daa; mo zi nga agbalaka ti lo si mo mu yanga na azo ti Juda nga na azo ti Jérusalem ti voro KOTA GBIA gi na dawa ti gbalaka so na Jérusalem!

2 Mbai 32:12

Ando so azo aleke na ndö ti ahoto ti voro KOTA GBIA daa, na agbalaka ti lo, Ezekias laa azi ni pepe? Lo laa lo tene na azo ti Juda nga na azo ti Jérusalem ti voro KOTA GBIA gi na dawa ti gbalaka oko so, ti zö dukani gi na ndö ti oko gbalaka ni pepe?

Rome 3:6

Oko pepe! Tongana ye ni ayeke tongaso, fade Nzapa ayeke fâ ngbanga ti azo tongana nyen?

Rome 6:2

Oko pepe! E so e kui si e kangbi na siokpari awe so, fade e yeke ngba na ya ti siokpari tongana nyen?

Rome 9:14

Tongaso, fade e yeke tene nyen? Nzapa ayeke mbirimbiri pepe? Oko pepe!

Ndia ti fani use ni 12:11

Tongaso, na ndo so KOTA GBIA Nzapa ti ala asoro titene iri ti lo aduti daa si azo ayeke gue ti voro lo daa laa ala yeke ga na lo aye so mbi mu yanga daa na ala: asandaga ti ala so a yeke gbi ni kue na wâ, asandaga ti ala ti beoko, adime ti ala, amatabisi ti ala na aye so kue ala deba yanga ti ala ti mungo ni na KOTA GBIA.

Josué 22:23

Tongana e sara gbalaka ti e titene e ya *sandaga ti anyama so a yeke gbi ni kue na wâ na ndö ni, wala asandaga ti ale ti kobe wala asandaga ti beoko; tongana e sara tongaso ti zia lege ti KOTA GBIA, ayeke nzoni KOTA GBIA wani afâ ngbanga na li ti e!

Josué 22:26

Ndani laa e tene na be ti e, e tene: alingbi e sara gbalaka so, me e sara ni ndali ti sandaga ti anyama so a yeke gbi ni kue na wâ pepe wala ndali ti ambeni sandaga nde pepe.

Josué 22:28

E tene na be ti e, e tene: gbanda, tongana azo atene tënë so na e nga na ahale ti e, fade e yeke tene na ala: ‘Ala baa, akotara ti e asara gbalaka so gi na oko kode ti gbalaka ti KOTA GBIA. Ala sara ni ndali ti sandaga ti anyama so a yeke gbi ni kue na wâ pepe, wala ndali ti ambeni sandaga nde pepe; me ala sara ni titene aduti mbeni ye na popo ti e na ala.’

Josué 22:30

So wayango-sandaga Pinas, na akota zo ti bongbi ti azo ni nga na amakonzi ti akete mara ti Israel ama tënë so azo ti mara ti Ruben, ti Gad, na ti Manase atene so, tënë ni anzere na be ti ala.

Josué 24:16

Azo ni akiri tënë: “E lingbi ti zia KOTA GBIA oko pepe ti sara kua na ambeni nzapa nde!

1 Samuel 12:23

Ti mbi, fade mbi yeke sambela KOTA GBIA lakue ndali ti ala; mbi yeke ngba ti fa na ala nzoni lege nga na lege so ayeke mbirimbiri. Tongana mbi sara tongaso pepe, andaa mbi sara sioni mingi na KOTA GBIA.