Josué 22:28 - Mbeti ti Nzapa - Tënë so amu fini

²⁸ E tene na be ti e, e tene: gbanda, tongana azo atene tënë so na e nga na ahale ti e, fade e yeke tene na ala: ‘Ala baa, akotara ti e asara gbalaka so gi na oko kode ti gbalaka ti KOTA GBIA. Ala sara ni ndali ti sandaga ti anyama so a yeke gbi ni kue na wâ pepe, wala ndali ti ambeni sandaga nde pepe; me ala sara ni titene aduti mbeni ye na popo ti e na ala.’

Josué 22:28 ပူးပေါင်းရင်းမြစ်များ

Tongo nda ti aye 31:48

Laban atene: “Gba ti atêne so e bongbi so afa laso atene, mbi na mo, e ga ambuki awe.” Ndani laa azo airi ndo ni so Galed.

2 Agbia 16:10

Gbia Ahaz ague na gbata ti Damas ti wara tere na Teglat-Falasar, gbia ti Asirii. So lo baa gbalaka so ayeke na Damas, gbia Ahaz amu limo ti gbalaka ni na kode so a leke na ni si lo tokua ni na wayango-sandaga Uria na Jérusalem.

Sigingo 25:40

Moïse, mo baa ye ni nzoni, fade mo yeke sara kue ti sara ye ni alingbi gi na kode so mbi fa na mo na li ti hoto so.”

Ésaïe 19:19

Na lango ni so, fade gbalaka ti KOTA GBIA ayeke duti taa na be ti kodro ti Ezipte, mbeni ngbongboro têne so azo aleke si aluti na nduzu ndali ti KOTA GBIA ayeke duti na katikati ti kodro ni.

Ahebro 8:5

Kua so ala yeke sara ayeke gi tongana limo ti aye so ayeke na yayu. Ye ni ayeke legeoko tongana ye so asi na Moïse na ngoi so lo ye ti leke da ti bongo. Nzapa atene na lo: “Fade mo yeke sara kue ti sara ye ni alingbi gi na kode so mbi fa na mo na li ti hoto so.”

Josué 22:27

E ye ti sara gbalaka ni titene aduti mbeni ye na popo ti e na ala nga na popo ti amolenge so a yeke du ala na peko. Fade gbalaka ni ayeke fa atene, e nga, e lingbi ti voro KOTA GBIA na lege ti sandaga ti anyama so ayeke gbi ni kue na wâ, asandaga ti beoko na ambeni sandaga nde. Tongaso si gbanda ahale ti ala awara lege pepe ti tene na ahale ti e, atene: ‘Mbeni ye ti ala oko ayeke na maboko ti KOTA GBIA pepe.’

Josué 22:29

E lingbi ti ke KOTA GBIA wala ti zia lege ti lo oko pepe. E sara gbalaka ti ya na ndö ni sandaga ti anyama so a yeke gbi ni kue na wâ pepe wala asandaga ti ale ti kobe, wala ambeni sandaga nde pepe. E ye ti ya asandaga ni na mbeni ndo nde pepe, me gi na ndö ti gbalaka ti KOTA GBIA Nzapa ti e, gbalaka so ayeke na dawa ti da ti lo.”

Josué 24:27

Josué atene na azo ni kue, atene: “Ala baa têne so mbirimbiri: ni laa ayeke fâ ngbanga na li ti e ndali ti tënë so asigigi na yanga ti e, ngbanga ti so têne ni ama atënë so kue KOTA GBIA atene na e. Biani, fade têne ni ayeke fâ ngbanga na li ti ala ti kanga lege na ala ti bere tënë ti Nzapa ti ala.”