Josué 22:23 - Mbeti ti Nzapa - Tënë so amu fini

²³ Tongana e sara gbalaka ti e titene e ya *sandaga ti anyama so a yeke gbi ni kue na wâ na ndö ni, wala asandaga ti ale ti kobe wala asandaga ti beoko; tongana e sara tongaso ti zia lege ti KOTA GBIA, ayeke nzoni KOTA GBIA wani afâ ngbanga na li ti e!

Josué 22:23 ပူးပေါင်းရင်းမြစ်များ

Tongo nda ti aye 9:4

Me gi ye oko: nyama so mene angba na ya ti tere ti lo, ala te lo pepe, ndali ti so fini ayeke na ya ti mene ti lo.

2 Mbai 24:22

Gbia Yoas agirisa nzoni be so Yoyada, babâ ti Zakarii asara lani na lo si lo mu yanga titene a fâ Zakarii ni. Kozoni si Zakarii akui, lo dekongo, lo tene: “Ayeke nzoni KOTA GBIA abaa ye so mo sara so si lo hunda peko ni na mo.”

Ezekiel 3:18

Tongana mbi tene na zo ti sioni, mbi tene: ‘Mo lingbi na kuâ’; tongana mo gboto mê ti lo pepe, tongana mo tene tënë ni na lo pepe titene lo zia lege ti sioni sarango ye ti lo titene lo soo fini ti lo, fade zo ti sioni so ayeke kui ndali ti sioni ti lo; me mo laa mbi yeke hunda mene ti lo na maboko ti mo.

Ezekiel 33:6

Me tongana sanziri ni abaa bira ayeke ga si lo huru tatalita pepe, lo tene tënë ni na azo ti kodro pepe, tongana wato aga si afâ mbeni zo, sanziri ni laa asara sioni. Fade mbi yeke hunda mene ti zo ni na maboko ti sanziri ni.

Ezekiel 33:8

Tongana mbi tene na zo ti sioni, mbi tene: ‘Mo zo ti sioni, fade mo yeke kui biani!’ Tongana mo gboto mê ti lo titene lo zia lege ti sarango ye ti lo pepe si zo ti sioni ni akui ndali ti siokpari ti lo, mo laa mbi yeke hunda mene ti lo na maboko ti mo.

Ndia ti fani use ni 12:11

Tongaso, na ndo so KOTA GBIA Nzapa ti ala asoro titene iri ti lo aduti daa si azo ayeke gue ti voro lo daa laa ala yeke ga na lo aye so mbi mu yanga daa na ala: asandaga ti ala so a yeke gbi ni kue na wâ, asandaga ti ala ti beoko, adime ti ala, amatabisi ti ala na aye so kue ala deba yanga ti ala ti mungo ni na KOTA GBIA.

Ndia ti fani use ni 18:19

Tongana mbeni zo ake ti ma tënë so wayanga-Nzapa ni ayeke tene na iri ti mbi, fade mbi wani, mbi yeke hunda zo ni ngbanga ti tënë ni.

Josué 22:24

Me nda ti ye so e sara so laa pepe. E sara tongaso, ngbanga ti so mbeto asara e titene gbanda amolenge ti ala atene na amolenge ti e, atene: ‘Nyen laa abongbi ala na KOTA GBIA, Nzapa ti Israel nyen?

1 Samuel 20:16

Tongaso Jonatan asara mbuki na David nga na asewa ti lo. Tënë ti ya ti mbuki ni ayeke so: “Ayeke nzoni KOTA GBIA akiri peko ti sioni na awato ti David.”