Josué 22:22 - Mbeti ti Nzapa - Tënë so amu fini

²² “Nzapa, Nzapa, KOTA GBIA! Nzapa, Nzapa, KOTA GBIA! Lo yeke Nzapa so ayeke na ndö ti anzapa kue. Lo hinga nda ti ye so e sara. Fade azo ti Israel kue ayeke hinga nda ti ye ni. Tongana e sara ngangu li wala e sara mbeni ye so ayeke sioni mingi ti ke KOTA GBIA, ayeke nzoni lo soo e na lango ni so pepe!

Josué 22:22 ပူးပေါင်းရင်းမြစ်များ

1 Agbia 8:39

mo so mo yeke na yayu, na ndo so mo yeke duti daa, ma sambela ti ala, mo zi siokpari na li ti ala, mo sara mbeni ye; mo sara na zo oko oko alingbi na sarango ye ti lo, ngbanga ti so mo hinga tënë ti be ti lo. Biani, gi mo oko laa mo hinga tënë ti be ti azo kue.

Mbeti ti Job 10:7

Mo hinga kue, mo tene, mbi sara sioni pepe, zo oko ti zi mbi na maboko ti mo ayeke daa pepe!

Mbeti ti Job 23:10

Andaa lege so mbi hon daa, lo hinga ni nzoni. Tongana lo tara mbi, fade mbi yeke sigigi tarara tongana lôro.

Mbeti ti Job 31:22

Tongana mbi sara fade ye tongaso, ayeke nzoni ndö ti maboko ti mbi azi na ya ti bio ni si peko ti maboko ti mbi akungbi!

Abia (Psaumes) 136:2

Ala mu singila na Nzapa ti anzapa! – Biani, nzoni be ti lo angba kpu na kpu!

Abia (Psaumes) 37:6

Tongana lumiere ti ndaperere, lo yeke fa polele mbirimbiri ti mo; tongana lâ ti bekombite, lo yeke fa polele so tënë ayeke na li ti mo pepe.

Abia (Psaumes) 40:9

Nzapa ti mbi, mbi ye ti sara ye so anzere na be ti mo; mbi bata Ndia ti mo na ya ti be ti mbi kâ.

Abia (Psaumes) 44:21

Tongana e girisa lani Nzapa ti e, tongana e sambela lani mbeni nzapa nde,

Abia (Psaumes) 44:22

ka mo, Nzapa, mo hinga ni awe pepe? Biani, atënë kue ti be ti zo so angba na hondengo ni, mo hinga ni.

Abia (Psaumes) 50:1

Bia ti Asaf. Nzapa, *KOTA GBIA Nzapa atene tënë: Ti londo na mbage so lâ ayeke londo daa ngbii asi na mbage so lâ ayeke kui daa, lo iri dunia kue ti ga.

Abia (Psaumes) 82:1

Bia ti Asaf. Nzapa aluti na ya ti bongbi so lo yeke na li ni, lo luti na popo ti anzapa si lo yeke fâ ngbanga:

Abia (Psaumes) 95:3

ngbanga ti so KOTA GBIA ayeke kota Nzapa, lo yeke kota Gbia so ayeke na ndö ti anzapa kue.

Abia (Psaumes) 97:7

Azo so kue ayeke voro ayanda, ayeke nzoni kamene agbu le ti ala! Azo so ayeke pika kate ti ala ndali ti abuba yanda ni, ayeke nzoni kamene agbu le ti ala! Ala anzapa kue, ala kuku na gbe ti KOTA GBIA!

Sigingo 18:11

Fadeso mbi hinga, mbi tene, KOTA GBIA ayeke kota ahon anzapa kue. Lo fa ni na ngoi so azo ti Ezipte ayeke sara sana na azo ti Israel.”

Jérémie 12:3

Ti mbi KOTA GBIA, mo hinga mbi, mo baa mbi, mo hinga so be ti mbi ayeke nduru na mo. Ti azo ti sioni, ayeke nzoni mo zia ala na mbage tongana ataba so a bata ala ti gue na ala na ndo ti fango anyama. Ayeke nzoni mo zia ala nde ti ku na lango ti fango ala.

Jérémie 17:10

“Mbi, KOTA GBIA, mbi yeke baa be ti zo na atënë ti be ti zo kue. Tongaso, mbi lingbi ti sara ye na zo alingbi na dutingo ti lo nga na asarango ye ti lo.

Daniel 11:36

‘Fade gbia ni ayeke sara gi ye so be ti lo aye; lo yeke gonda tere ti lo mingi si lo yeke baa tere ti lo kota ahon anzapa. Lo yeke tene atënë so akpa titene zo atene pepe na tere ti Nzapa so ahon anzapa kue. Aye so kue gbia ni ayeke sara ayeke ga nzoni na lo ngbii asi na ngoi so ngonzo ti Nzapa ayeke si na ndani. Tongaso, fade Nzapa ayeke sara ye so lo leke na be ti lo ti sara.

Daniel 2:47

Gbia atene na Daniel, atene: “Taa-tënë, Nzapa ti ala ayeke Nzapa so ahon anzapa kue; lo yeke Gbia ti agbia. Lo laa lo yeke fa nda ti aye ti ndima, ngbanga ti so mo fa na mbi nda ti ye ti ndima so awe.”

Mishe 7:9

Ayeke nzoni mbi kanga be ti mbi na ngonzo ti KOTA GBIA, ngbanga ti so mbi sara siokpari ti ke ti lo. Me mbeni lango ayeke ga so fade lo yeke mu tënë ti mbi na maboko ti lo, lo yeke sara si fango ngbanga ti mbi aduti na legeni. Lo yeke zi mbi na ya ti vukongo ndo ti zia mbi na ya ti lumiere si fade mbi yeke baa aye ti lo so lo sara ni na lege ti mbirimbiri.

Malashii 3:18

Fade ala yeke kiri ti hinga kangbi so ayeke na popo ti zo ti mbirimbiri na zo ti sioni; kangbi so ayeke na popo ti zo so ayeke sara kua ti Nzapa na zo so ayeke sara kua ti lo pepe.

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

Awatokua 1:24

Na pekoni, ala sambela Nzapa, atene: “Kota Gbia, mo hinga be ti azo kue. Tongaso, na popo ti azo use so, fa na e zo wa laa mo soro lo

Awatokua 25:11

Tongana mbi sara mbeni ye so ake ndia si mbi sara mbeni ye so alingbi titene a fâ mbi ndali ni, mbi yeke kpe kuâ ni pepe. Me tongana taa-tënë oko ayeke na ya ti atënë so ala bi na li ti mbi so pepe, zo oko alingbi ti zia mbi na maboko ti ala pepe. Mbi ye ti gue na ngbanga ni na gbe ti kota gbia ti Rome!”

2 Korente 11:11

Mbi tene tënë so ngbanga ti nyen? Mbi tene tënë so, ngbanga ti so mbi ye ala pepe? Nzapa ahinga so mbi ye ala!

2 Korente 11:31

Nzapa, Babâ ti Kota Gbia Jésus ahinga so, mbi yeke tene mvene pepe. Gonda ayeke ti lo kpu na kpu!

2 Korente 5:11

E hinga lege ti kpengo mbeto ti *Kota Gbia awe, nilaa e yeke gi lege ti sara kue titene azo ayeda na tënë ti lo. Nzapa ahinga e nzoni mingi, mbi hinga, mbi tene, gbaa na be ti ala kâ, ala nga ahinga mbi nzoni mingi.

Ndia ti fani use ni 10:17

Biani, KOTA GBIA Nzapa ti ala ayeke kota mingi, lo hon anzapa kue, lo yeke Kota Gbia mingi lo hon agbia kue; lo yeke kota, lo yeke ngangu mingi si lo yeke zia mbeto na be ti zo. Lo yeke mu mbage ti mbeni zo pepe, zo alingbi ti pete goro na lo pepe.

1 Timothée 6:16

Lo yeke gi oko Nzapa so ayeke na fini lakue lakue, lo yeke duti na ndo so aza zango, zo alingbi ti si na ndo ni so pepe. Mbeni zo ade ti baa lo pepe, zo alingbi ti baa nga lo pepe. Gonda na ngangu so ayeke ngba kpu na kpu ayeke ti lo! Amen.

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

Josué 22:21

Azo ti mara ti Ruben, ala ti mara ti Gad, na ndambo ti mara ti Manase akiri tënë na amakonzi ti tanga ti akete mara ti Israel, atene:

Aye so Nzapa afa 19:16

A su iri na ndö ti kota bongo ti lo nga na ndö ti gere ti lo; iri ni ayeke: “Gbia ti agbia, *Kota Gbia ti akota gbia.”

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.

1 Samuel 15:23

Kengo yanga ayeke sioni tongana bingo zeke; sarango ngangu li ayeke sioni tongana sambelango anzapa nde. So mo ke yanga ti KOTA GBIA so, lo nga lo ke mo awe. Mo yeke gbia mbeni pepe.”

1 Samuel 2:3

Ala azo, ala ngba ti diko atënë ti baba ti ala pepe; ala zia atënë ti mbana so ayeke sigigi na yanga ti ala. KOTA GBIA ayeke Nzapa so ahinga ye kue; lo laa lo yeke fâ ngbanga ti aye so kue azo ayeke sara.