Josué 22:20 - Mbeti ti Nzapa - Tënë so amu fini

²⁰ Akan, mbeni *hale ti Zera asara ye so ayeke sioni mingi: lo mu ye so Nzapa ake na azo ti mu ni. Ndali ni, Nzapa asara ngonzo na tere ti bongbi ti azo ti Israel kue; ala hinga ni kue. Gi lo oko laa lo kui ndali ti sioni ti lo ni pepe.’ ”

Josué 22:20 ပူးပေါင်းရင်းမြစ်များ

2 Mbai 24:18

Azo ti Israel azia kota da ti *KOTA GBIA, Nzapa ti akotara ti ala si ala voro akeke so a leke aluti na nduzu ndali ti nzapa-wali *Ashera, ala voro nga ayanda. Nilaa ngonzo ti Nzapa alondo na tere ti azo ti Juda na ti Jérusalem ndali ti sioni so ala sara so.

Mbeti ti Job 35:8

Ataa mo sara sioni-oo, ataa mo sara nzoni-oo, sioni ni na nzoni ni kue mo sara ni gi na amba ti mo zo.

Awayango-sandaga 10:6

Na pekoni, Moïse atene na Aaron na amolenge ti lo, Elazar na Itamar, atene: “Ala zi ya ti kua ti li ti ala kirikiri pepe, ala suru bongo na tere ti ala pepe ti fa atene, ala yeke na mua. Tongaso pepe, fade ala yeke kui si ala yeke iri ngonzo ti KOTA GBIA na ndö ti bongbi ti azo ti Israel kue. Ala zia a-ita ti ala, azo ti Israel kue atoto kuâ ti azo so KOTA GBIA asara si ala kui kuâ ti wâ so.

1 Korente 10:6

Aye so asi na ala titene e manda ye na lege ni si nzara ti aye ti sioni so asara ala ando so asara e pepe.

Josué 22:21

Azo ti mara ti Ruben, ala ti mara ti Gad, na ndambo ti mara ti Manase akiri tënë na amakonzi ti tanga ti akete mara ti Israel, atene:

Josué 7:1

Azo ti Israel asara mbeni ye so ayeke sioni mingi ndali ti aye so *KOTA GBIA ake na ala ti mu ni. Mbeni zo ti mara ti Juda so iri ti lo Akan amu ambeni ye so KOTA GBIA ake na ala titene ala mu ni; nilaa ngonzo ti KOTA GBIA alondo tongana wâ na tere ti azo ti Israel. Akan ayeke molenge ti Karmi; Karmi ayeke molenge ti Zabdi si Zabdi ayeke molenge ti Zera.

Josué 7:18

Na pekoni, lo sara si akoli oko na oko ti sewa ti Zabdi aga. Tongaso a fa Akan, molenge ti Karmi; Karmi ayeke molenge ti Zabdi, Zabdi ayeke molenge ti Zera, zo ti mara ti Juda.

Josué 7:24

Josué na azo ti Israel kue amu Akan, molenge ti Zera, na wen ti nginza ni, bongo ni, ngbongboro lôro ni; amolenge ti lo ti koli na ti wali, abagara ti lo, alele ti lo, angasa ti lo, ataba ti lo, da ti lo ti bongo, na aye ti lo kue si ague na lo nga na aye ni na popo-hoto ti Akor.

Josué 7:5

Azo ti Ai afâ azo nduru na baleota na omene na popo ti azo ti Israel. Ti londo na yanga ti gbagba ti gbata ni, ala tumba tanga ti azo ni ngbii asi na Shebarim. Ala fâ ala na ndembe so ala zu hoto. Ngangu ti azo ti Israel ahunzi si ala woko kue.

2 Pierre 2:6

Nzapa afâ nga ngbanga na li ti azo ti agbata ti Sodome na Gomore si lo gbi agbata ni so. Lo sara tongaso ti fa tapande na azo ti sioni atene, fade mara ti ye so ayeke si na ala.