Josué 22:19 - Mbeti ti Nzapa - Tënë so amu fini

¹⁹ Tongana ala baa atene sese ti ala ayeke *sioni, ayeke nzoni ala kiri aga na sese ti KOTA GBIA, so ndo ti dutingo ti lo ayeke daa so. Tongaso ala lingbi ti mu asese na popo ti asese ti e titene aga ti ala. Me ye oko, ala sara ngangu li na KOTA GBIA pepe, ala sara nga ngangu li na e pepe, na sarango mbeni gbalaka nde na ti KOTA GBIA, Nzapa ti e.

Josué 22:19 ပူးပေါင်းရင်းမြစ်များ

2 Mbai 11:13

Awayango-sandaga na azo ti mara ti Lévi so ayeke na sese ti Israel kue akiri na peko ti Roboam.

Sigingo 15:17

KOTA GBIA, fadeso mo sara si ala li kâ, mo zia ala na ndö ti hoto so ayeke ti mo; ndo so mo leke ti duti daa laa, ndo ni ayeke nde si ayeke nzoni kue, maboko ti mo wani laa aleke ni.

Daniel 10:13

Me *ange so ayeke bata kodro ti Perse agbanzi lege na mbi na ya ti lango baleuse na oko. Na pekoni, Michel, oko ti akota makonzi ti a-ange aga ti mu maboko na mbi. Tongaso mbi ngba kâ na tere ti agbia ti Perse.

Amos 7:17

Ndani laa, tënë so KOTA GBIA atene ayeke so: ‘Fade wali ti mo ayeke sara ye ti ndumba na ya ti gbata ni; a yeke fâ amolenge ti mo ti koli na ti wali. A yeke haka sese ti mo ti kangbi ni na popo ti azo. Ti mo, mo yeke kui na kodro ti amara nde, a yeke gbu azo ti Israel kue kue kue ti gue na ala yongoro na tere ti kodro ti ala.’ ”

Josué 18:1

Na peko ti so azo ti Israel amu sese ni awe, ala kue abongbi tere ti ala na Silo. Kâ, ala kpo na nduzu da ti bongo so Nzapa na azo ti lo ayeke wara tere daa.

Josué 22:11

Ambeni zo ague, atene tënë ni na tanga ti azo ti Israel, atene: “Ala baa, azo ti mara ti Ruben, ala ti Gad na ndambo ti mara ti Manase, asara mbeni gbalaka na tere ti ngu ti Jourdain, na mbage ti e ge, na sese ti Kanaan.”