Josué 22:18 - Mbeti ti Nzapa - Tënë so amu fini

¹⁸ Me ti ala, ala zia lege ti KOTA GBIA laso! Ala sara ngangu li na lo laso, kekereke lo yeke sara ngonzo na tere ti bongbi ti azo ti Israel kue!

Josué 22:18 ပူးပေါင်းရင်းမြစ်များ

2 Samuel 24:1

Mbeni lâ, ngonzo ti *KOTA GBIA akiri alondo na tere ti azo ti Israel. Lo pusu David titene lo sara mbeni ye so ayeke sara sioni na ala; lo tene na lo: “Gue, mo diko wungo ti azo ti Israel na ti Juda.”

1 Agbia 9:6

Me tongana mo na azo ti mo nga na *ahale ti ala azia peko ti ala na mbi, tongana ala ke ti sara ye alingbi na atënë ti ndia ti mbi nga na andia ti mbi, tongana ala gue ti sara na ambeni nzapa nde si ala kuku na gbe ti anzapa ni,

2 Agbia 17:21

So KOTA GBIA azi sese ti Israel na gbe ti komandema ti azo sewa ti David, azo ti Israel amu Yeroboam, molenge ti Nebat ti ga gbia ti ala. Yeroboam asara si azo ti Israel azia lege ti KOTA GBIA, lo sara nga si ala sara kota siokpari.

1 Mbai 21:1

Mbeni lâ, Satan alondo ti sara ye ti sioni na azo ti Israel; lo pusu David titene lo diko wungo ti azo ti Israel.

1 Mbai 21:14

Tongaso, KOTA GBIA atokua sioni kobela ti bubango kodro na ya ti kodro ti Israel; azo ti Israel 70 000 akui.

2 Mbai 25:27

Ti londo na ndembe so Amasia azia peko ti lo na *KOTA GBIA, ambeni zo ato nda ti leke tënë na hondengo ni na tere ti lo na Jérusalem. Lo kpe, lo gue na Lakish; me azo atumba peko ti lo na Lakish si ala fâ lo kâ.

2 Mbai 34:33

Na pekoni, asioni sarango ye so kue zo alingbi ti baa na le ti lo fani use pepe, Yosias azi ni na sese ti Israel kue. Lo gbu azo so kue ayeke na sese ti Israel na ngangu ti sara kua na KOTA GBIA, Nzapa ti ala. Na lango ti fini ti lo kue, azo ni azia lege ti KOTA GBIA, Nzapa ti akotara ti ala pepe.

Awayango-sandaga 10:6

Na pekoni, Moïse atene na Aaron na amolenge ti lo, Elazar na Itamar, atene: “Ala zi ya ti kua ti li ti ala kirikiri pepe, ala suru bongo na tere ti ala pepe ti fa atene, ala yeke na mua. Tongaso pepe, fade ala yeke kui si ala yeke iri ngonzo ti KOTA GBIA na ndö ti bongbi ti azo ti Israel kue. Ala zia a-ita ti ala, azo ti Israel kue atoto kuâ ti azo so KOTA GBIA asara si ala kui kuâ ti wâ so.

Wungo ti azo 16:22

Moïse na Aaron ati akpo li ti ala na sese si atene: “O Nzapa, mo so mo mu fini na azo na anyama kue, fade mo yeke sara ngonzo na tere ti bongbi ti azo kue ndali ti siokpari ti zo oko?”

Wungo ti azo 32:15

Ala, azo ti mara ti Ruben, na azo ti mara ti Gad, tongana ala ke ti ma yanga ti KOTA GBIA, fade lo yeke kiri ti sara si azo ti Israel aninga na ya ti benyama. Tongaso, fade ala yeke sara si azo ti Israel akui kue.”

Ndia ti fani use ni 7:4

Tongaso pepe, fade azo ti amara nde ni ayeke handa amolenge ti ala ti zia KOTA GBIA, ti mu peko ti anzapa nde. Fade ngonzo ti KOTA GBIA ayeke londo na tere ti ala, azo ti Israel si gi hio tongaso, lo yeke fâ ala kue ti hunzi ala.

Josué 22:15

Ala gue na sese ti Galaad, na mbage ti azo ti mara ti Ruben, ti Gad na ti ndambo ti mara ti Manase si ala tene na ala, atene:

Josué 22:16

“Tënë so bongbi ti azo ti KOTA GBIA kue atene ayeke so: ‘Ngbanga ti nyen si ala sara ye so ayeke sioni mingi ti ke Nzapa ti Israel so? Ngbanga ti nyen si ala zia lege ti KOTA GBIA si ala sara mbeni gbalaka nde ndali ti ala wani so? Ngbanga ti nyen si ala sara ngangu li laso na KOTA GBIA so?

Josué 22:20

Akan, mbeni *hale ti Zera asara ye so ayeke sioni mingi: lo mu ye so Nzapa ake na azo ti mu ni. Ndali ni, Nzapa asara ngonzo na tere ti bongbi ti azo ti Israel kue; ala hinga ni kue. Gi lo oko laa lo kui ndali ti sioni ti lo ni pepe.’ ”

Josué 7:1

Azo ti Israel asara mbeni ye so ayeke sioni mingi ndali ti aye so *KOTA GBIA ake na ala ti mu ni. Mbeni zo ti mara ti Juda so iri ti lo Akan amu ambeni ye so KOTA GBIA ake na ala titene ala mu ni; nilaa ngonzo ti KOTA GBIA alondo tongana wâ na tere ti azo ti Israel. Akan ayeke molenge ti Karmi; Karmi ayeke molenge ti Zabdi si Zabdi ayeke molenge ti Zera.

Josué 7:11

Azo ti Israel asara siokpari awe. Biani, ala buba lege ti mbuki ti mbi na ala awe. Biani, ye so mbi ke na ala ti mu, ala mu ni; ala nzi ni si ala honde ni na ya ti akungba ti ala.

Josué 7:21

Na ya ti aye so e gbu na peko ti bira ni, mbi baa mbeni kota bongo ti zo ti kodro ti Shinear, so ayeke pendere ahon ndoni, na ale ti nginza ngbangbo use, na mbeni ngbongboro lôro so nengo ni ayeke ndambo ti kilo oko. Mbi sara nzara ni si mbi mu ni. Mbi honde ni na gbe ti sese, na ya ti da ti mbi ti bongo si mbi zia wen ti nginza ni na gbe ni.”

1 Samuel 12:14

Tongana ala kpe mbeto ti KOTA GBIA, Nzapa ti ala, tongana ala sara kua na lo, ala ma yanga ti lo, tongana ala ke andia ti lo pepe, fade ala wani na gbia so ayeke na li ti ala, ala yeke ngba na peko ti KOTA GBIA, Nzapa ti ala; ye kue ayeke ga nzoni.

1 Samuel 12:20

Samuel atene na azo ni: “Ala sara mbeto pepe! Ala wani laa asara asioni ye so kue. Me ala hon yongoro na KOTA GBIA pepe, ala sara kua na lo na be ti ala kue.