Josué 22:16 - Mbeti ti Nzapa - Tënë so amu fini

¹⁶ “Tënë so bongbi ti azo ti KOTA GBIA kue atene ayeke so: ‘Ngbanga ti nyen si ala sara ye so ayeke sioni mingi ti ke Nzapa ti Israel so? Ngbanga ti nyen si ala zia lege ti KOTA GBIA si ala sara mbeni gbalaka nde ndali ti ala wani so? Ngbanga ti nyen si ala sara ngangu li laso na KOTA GBIA so?

Josué 22:16 ပူးပေါင်းရင်းမြစ်များ

Esdras 8:22

Tongana mbi hunda fade na gbia titene lo mu na e aturugu na azo ti kpengo na ambarata titene ala bata e na lege ndali ti awato ti e, ka kamene asara mbi. Biani, lani e tene na gbia, e tene: “Maboko ti Nzapa ti e ayeke na ndö ti azo so kue ayeke gi lo; me ngonzo ti lo ayeke londo ngangu na tere ti azo so azia lo.”

Awayango-sandaga 17:8

“Fade mo yeke tene nga na ala, mo tene: Tongana mbeni zo ti Israel, wala mbeni wande so aduti na popo ti ala aye ti mu sandaga so a yeke gbi ni kue na wâ wala mbeni sandaga nde,

Wungo ti azo 32:15

Ala, azo ti mara ti Ruben, na azo ti mara ti Gad, tongana ala ke ti ma yanga ti KOTA GBIA, fade lo yeke kiri ti sara si azo ti Israel aninga na ya ti benyama. Tongaso, fade ala yeke sara si azo ti Israel akui kue.”

Ndia ti fani use ni 12:11

Tongaso, na ndo so KOTA GBIA Nzapa ti ala asoro titene iri ti lo aduti daa si azo ayeke gue ti voro lo daa laa ala yeke ga na lo aye so mbi mu yanga daa na ala: asandaga ti ala so a yeke gbi ni kue na wâ, asandaga ti ala ti beoko, adime ti ala, amatabisi ti ala na aye so kue ala deba yanga ti ala ti mungo ni na KOTA GBIA.

Josué 22:11

Ambeni zo ague, atene tënë ni na tanga ti azo ti Israel, atene: “Ala baa, azo ti mara ti Ruben, ala ti Gad na ndambo ti mara ti Manase, asara mbeni gbalaka na tere ti ngu ti Jourdain, na mbage ti e ge, na sese ti Kanaan.”

Josué 22:15

Ala gue na sese ti Galaad, na mbage ti azo ti mara ti Ruben, ti Gad na ti ndambo ti mara ti Manase si ala tene na ala, atene:

1 Samuel 15:11

“Be ti mbi aso ndali ti so mbi sara si Saul aga gbia. Biani, lo ke mbi awe si lo ke ti ma yanga ti mbi.” Li ti Samuel aga kirikiri si lo sambela KOTA GBIA na bi ni kue.