Josué 22:15 - Mbeti ti Nzapa - Tënë so amu fini

¹⁵ Ala gue na sese ti Galaad, na mbage ti azo ti mara ti Ruben, ti Gad na ti ndambo ti mara ti Manase si ala tene na ala, atene:

Josué 22:15 ပူးပေါင်းရင်းမြစ်များ

1 Mbai 21:3

Yoab akiri tënë: “Ayeke nzoni *KOTA GBIA asara titene azo ti lo awu fani ngbangbo oko ahon so! Gbia ti mbi, ala kue ayeke azo ti kua ti mo pepe? Gbia, mo gi ti hinga ye so ngbanga ti nyen? Ngbanga ti nyen laa ye tongaso ayeke sara fade titene tënë aga na li ti azo ti Israel?”

2 Mbai 10:19

Lege so azo ti Israel ti Banga ake ti duti na gbe ti komandema ti azo ti sewa ti David ngbii asi laso laa.

2 Mbai 25:27

Ti londo na ndembe so Amasia azia peko ti lo na *KOTA GBIA, ambeni zo ato nda ti leke tënë na hondengo ni na tere ti lo na Jérusalem. Lo kpe, lo gue na Lakish; me azo atumba peko ti lo na Lakish si ala fâ lo kâ.

2 Mbai 26:18

Ala luti na dawa ti gbia Ozias si ala tene na lo: “Gbia Ozias, kua ti zongo dukani na KOTA GBIA ayeke kua ti mo pepe; me kua ni ayeke ti awayango-sandaga so ala yeke *ahale ti Aaron, ala so a zia ala nde ndali ni. Mo sigigi na ya ti da so ayeke nde si ayeke nzoni kue so! Biani, mo sara ye so ayeke sioni mingi. Ye so mo sara so, mo yeke wara gonda ndali ni pepe na dawa ti KOTA GBIA Nzapa.”

2 Mbai 28:13

Amakonzi ni atene na ala: “Azo so ala gbu ala ti ga azo ti kanga so, ala ga na ala ge pepe, ngbanga ti so ala yeke sara titene e sara sioni na KOTA GBIA. Ala ye titene siokpari ti e na sioni ti e akiri ahon ndoni? Andaa e sara sioni mingi awe, nilaa KOTA GBIA asara ngonzo mingi na tere ti e, azo ti Israel so.”

Esdras 9:15

KOTA GBIA, Nzapa ti Israel, mo yeke mbirimbiri! Laso, mo sara si ambeni zo na popo ti e angba na fini. Baa, e laa na gbe ti mo na asioni ye ti e na li ti e so! Ndali ti aye tongaso, zo oko alingbi ti luti fade na le ti mo pepe.”

Esdras 9:2

Azo ti Israel amu amolenge ti amara ni so ti ga awali ti ala; ala mu nga amolenge ti amara ni so na amolenge ti ala ti koli ti ga awali ti ala. Nilaa azo so Nzapa azia ala nde ndali ti lo abongbi na azo ti kodro ni si ala ga oko. Amakonzi na akota zo ayeke akozo zo ti sara mara ti asioni ye mingi tongaso.”

Abia (Psaumes) 78:8

fade ala yeke sara ye tongana ti akotara ti ala pepe, akotara ti ala so ayeke ando azo ti ngangu li, azo ti kengo yanga, azo ti be use use, azo so abata yingo ti ala na Nzapa pepe.

Sigingo 32:8

Hio tongaso, ala zia lege so lani mbi fa na ala. Ala mu lôro, ala kporo ni si asara na yanda ti bagara. Ala kuku akpo li ti ala na sese na dawa ti bagara ni, ala mu sandaga na lo si ala tene: ‘Baa, nzapa ti e so asara si e sigigi na kodro ti Ezipte laa!’

Ésaïe 63:10

Me ala tomboka na tere ti lo, ala sara si yingo ti lo so ayeke nde si ayeke nzoni kue awara vundu. Tongaso lo kiri lo ga wato ti ala si lo wani, lo tiri bira na ala.

Awayango-sandaga 26:40

“Me azo so ayeke ngba na fini, fade ala yeke fa na gigi sioni ti ala na ti akotara ti ala. Ala yeke tene: ‘E sara ye so ayeke sioni mingi ti ke KOTA GBIA, e sara ngangu li na lo.’

Awayango-sandaga 5:19

So sandaga ti lekengo tënë laa. So ti fa atene, zo ni asara biani siokpari so ake KOTA GBIA awe.”

Wungo ti azo 14:43

Azo ti mara ti Amalek na azo ti Kanaan laa ayeke na dawa ti ala so. Azo ni ayeke fâ ala kue na ya ti bira ni, ngbanga ti so ala ke KOTA GBIA awe; fade lo yeke na ala pepe.”

Wungo ti azo 32:15

Ala, azo ti mara ti Ruben, na azo ti mara ti Gad, tongana ala ke ti ma yanga ti KOTA GBIA, fade lo yeke kiri ti sara si azo ti Israel aninga na ya ti benyama. Tongaso, fade ala yeke sara si azo ti Israel akui kue.”

Wungo ti azo 5:6

“Tene na azo ti Israel, mo tene: Tongana mbeni koli wala mbeni wali asara sioni na mba ti lo si lo sara nga siokpari ti ke KOTA GBIA, fade tënë ayeke ngba na li ti lo.

Matthieu 18:17

Tongana lo ke ti ma ala, mo fa peko ti tënë ni na azo ti *Eglize. Tongana lo ke ti ma azo ti Eglize, mo baa lo tongana zo so ahinga Nzapa pepe, wala tongana zo ti rongo nginza ti lapo.

1 Korente 1:10

A-ita, mbi hunda na ala mingi na iri ti *Kota Gbia ti e Jésus Christ titene ala kue ama tere si kangbi aduti na popo ti ala pepe; ala duti gi tongana zo oko, tënë ti be ti ala nga na bango ndo ti ala ague gi oko.

1 Korente 5:4

Tongana ala yeke bongbi ande tere ti ala, mbi yeke na popo ti ala na lege ti yingo. Na iri ti *Kota Gbia Jésus nga na ngangu ti lo,

Ndia ti fani use ni 30:17

Me tongana be ti ala ague yongoro na KOTA GBIA, tongana ala ma yanga ti lo pepe, tongana ala zia ambeni zo ahanda ala ti kuku na gbe ti anzapa nde ti voro ala,

Ndia ti fani use ni 7:4

Tongaso pepe, fade azo ti amara nde ni ayeke handa amolenge ti ala ti zia KOTA GBIA, ti mu peko ti anzapa nde. Fade ngonzo ti KOTA GBIA ayeke londo na tere ti ala, azo ti Israel si gi hio tongaso, lo yeke fâ ala kue ti hunzi ala.

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?

Josué 22:12

Gi so azo ti Israel ama tënë so, ala bongbi tere ti ala kue na Silo ti gue ti tiri bira na amara so ayeke na To ti ngu ti Jourdain.

Josué 22:14

Lo na azo ti li ni baleoko si ague; a mu zo ti li ni oko na ya ti mara oko. Ala kue ayeke amakonzi ti asewa na ya ti akete mara ti Israel.

Josué 22:16

“Tënë so bongbi ti azo ti KOTA GBIA kue atene ayeke so: ‘Ngbanga ti nyen si ala sara ye so ayeke sioni mingi ti ke Nzapa ti Israel so? Ngbanga ti nyen si ala zia lege ti KOTA GBIA si ala sara mbeni gbalaka nde ndali ti ala wani so? Ngbanga ti nyen si ala sara ngangu li laso na KOTA GBIA so?

Josué 22:18

Me ti ala, ala zia lege ti KOTA GBIA laso! Ala sara ngangu li na lo laso, kekereke lo yeke sara ngonzo na tere ti bongbi ti azo ti Israel kue!

1 Samuel 15:23

Kengo yanga ayeke sioni tongana bingo zeke; sarango ngangu li ayeke sioni tongana sambelango anzapa nde. So mo ke yanga ti KOTA GBIA so, lo nga lo ke mo awe. Mo yeke gbia mbeni pepe.”