Josué 22:11 - Mbeti ti Nzapa - Tënë so amu fini

¹¹ Ambeni zo ague, atene tënë ni na tanga ti azo ti Israel, atene: “Ala baa, azo ti mara ti Ruben, ala ti Gad na ndambo ti mara ti Manase, asara mbeni gbalaka na tere ti ngu ti Jourdain, na mbage ti e ge, na sese ti Kanaan.”

Josué 22:11 ပူးပေါင်းရင်းမြစ်များ

Jean 1:28

Aye so kue asi na kete kodro ti Betanii, na mbage ti ngu ti Jourdain, na ndo so Jean ayeke batize azo daa.

Jean 20:1

Na ndaperere ti layenga, so ndo angba ti vuko, Marie ti kodro ti Magdala ague na du ti kuâ ni. Lo baa so a zi têne ti yanga ti du ti kuâ ni awe.

Jean 20:12

si lo baa *a-ange use so ayu vuru bongo. Ala duti na ndo so a zia kuâ ti Jésus daa: oko na mbage ti li ti lo, oko na mbage ti gere ti lo.

Ndia ti fani use ni 12:11

Tongaso, na ndo so KOTA GBIA Nzapa ti ala asoro titene iri ti lo aduti daa si azo ayeke gue ti voro lo daa laa ala yeke ga na lo aye so mbi mu yanga daa na ala: asandaga ti ala so a yeke gbi ni kue na wâ, asandaga ti ala ti beoko, adime ti ala, amatabisi ti ala na aye so kue ala deba yanga ti ala ti mungo ni na KOTA GBIA.

Josué 2:7

Azo so gbia atokua ala atumba peko ti azo ti bembengo ndo ni. So ala hon gi tongaso, azo akanga yanga ti gbagba ti gbata ni. Awatokua ni amu lege so ague na ndo so azo ayeke fâ ngu ti Jourdain daa na gere so ti gi ala.

Josué 22:10

So ala si na tere ti ngu ti Jourdain, na mbage ti sese ti Kanaan, ala sara mbeni gbalaka so ayeke kota mingi na tere ti ngu ni.

Josué 22:16

“Tënë so bongbi ti azo ti KOTA GBIA kue atene ayeke so: ‘Ngbanga ti nyen si ala sara ye so ayeke sioni mingi ti ke Nzapa ti Israel so? Ngbanga ti nyen si ala zia lege ti KOTA GBIA si ala sara mbeni gbalaka nde ndali ti ala wani so? Ngbanga ti nyen si ala sara ngangu li laso na KOTA GBIA so?

Josué 22:19

Tongana ala baa atene sese ti ala ayeke *sioni, ayeke nzoni ala kiri aga na sese ti KOTA GBIA, so ndo ti dutingo ti lo ayeke daa so. Tongaso ala lingbi ti mu asese na popo ti asese ti e titene aga ti ala. Me ye oko, ala sara ngangu li na KOTA GBIA pepe, ala sara nga ngangu li na e pepe, na sarango mbeni gbalaka nde na ti KOTA GBIA, Nzapa ti e.

Awafango-ngbanga 12:5

Na pekoni, azo ti Galaad ague si ala kanga ndo so a yeke fâ ngu ti Jourdain daa na gere; ala kanga lege na azo ti Efraim. Tongana mbeni zo ti Efraim akpe, asi na ndo so si lo ye ti fâ ngu, ala yeke hunda lo: “Mo yeke zo ti Efraim?” Tongana lo tene: “Ên-en”,